गरिब देय् कोरोना खोप अभावं छटपटे जुगु इलय् धनी देय् धासा तनावय् दु।

अमेरिका, बेलायत लगायतया धनी देशय् थःगु नागरिकपिनिगु माःगु स्वया अप्वो खोप मुका च्वने मागु दु, तर अनया नागरिकपिन्स खोप काये माने मजुया सरकार हैरान जुगु दु । अमेरिकाय् न्हापागु डोज खोप काःपि झण्डै ५० लाख मनू तयसं निक्वःगु खोप काये माने मजू।

हङकङय निःशुल्क खोप सुरु जुगु स्वला दय धुकुगु दु सा अन जम्मा १८ प्रतिशतं न्हापागु डोज कागु दु । आः १२ प्रतिशत हाराहारी जक निक्वःगु डोज कागु दु।

कोरोना खोपप्रति नागरिकपिन्स यक्को इच्छा मक्यंगुलि अमेरिकाया ओहायो राज्यं अज्जूचाइपूगु स्किम हःगु दु। उगु स्किम कथं कोरोना खोपया न्हापागु डोज कापिं मध्ये न्याम्हेसित भाग्यशाली मनू तयेस छगु छगु मिलियन डलर (झण्डै १०–१० करोड नेपाली रुपैयाँ) सिरपा तःगु दु ।

सरकारया थुगु घोषणां खोप अभियानय् भचा सकारात्मक प्रभाव सुरु जूगु दु । स्किम घोषणा यागु निन्हु लिपा सोमवाः छन्हु हे २५ हजार ४ सय म्हेसिया खोप कागु दु, थ्व धइगु स्ववाः दुने दकलय् अप्वो खः।

मे १२ तारिखय् घोषणा यागु खः। थुगु स्किम कथं १८ दँ स्वया च्वयापि ओहायोया नागरिकपिन्स छगु वा छगु स्वया अप्वो डोज कागु दु, उपि थुगु चिठ्ठा अभियानय् सहभागी जुइ फुगु धका एनबीसी न्यूज समाचार संस्थां धागु दु ।

कोरोना भाइरस सङ्क्रमित बिरामीपिनिगु उपचारय् प्रयोग यायेगु उद्देश्यं भारतय् विकास यागु न्हुगु वासःया अनुमति बिगु दु।

वासः सम्बन्धित स्वइगु भारतया सरकारी निकाय न ’टू–डीजी’ नांया वासः सङ्क्रमितपिन्त उपचारय् प्रयोगया लागि आपत्कालीन अनुमति बिगु दु ।

कोभिडपाखे यक्को प्रभावित दिल्लीया अस्पतालय् न्हापां प्रयोग यात्यंगु खः। थुगु वासः कोभिडपाखे ‘पीडितपिनिगु लागि तसकं फाइदा ’ जुइ धका भारत सरकारं दाबी यागु दु। तर आलोचकपिन्स कोभिड उपचारया लागि वासः आपत्कालीन स्वीकृति बिइगु इलय् मागु तथ्याङ्क उपलब्ध मया धा धागु दु।

टू–डीअक्सी–डी–ग्लुकोज वा टू–डीजी औषधि डिफेन्स रिसर्च डेभलपमेन्ट अर्गनाइजेशन (डीआरडीओ) नं डक्टर रेड्डीज नांया उगु वासः उत्पादक नाप सहकार्य याना विकास यागु खः ।

अरब सागरय् विकसित शक्तिशाली चक्रवातया कारण भारतया जनजीवन अस्तव्यस्त जुगु दु।

तीव्र गतिया हावाहुरी व तसकं वाः वंगु कारण १२ म्हेसिगु ज्यान वंगु दु सा एक लाख ५० हजार म्ह विस्थापित जूगु दु। दकलय् अप्वो मुम्बईलय प्रभावित जूगु दु।

नौ सेनाया जहाजपाखे चक्रवातय् फसे जूपिन्त उद्धार यानाच्वंगु दु धका भारतीय सञ्चारमाध्यमं धागु दु। मुम्बईलय् ११४ किलोमिटर प्रतिघण्टां फय् वःगु खः।

चक्रवातया कारण मुम्बई, थाणे, रायगढ लगायत थासय् यक्को जनजीवन प्रभावित जुगु दु धका भारतीय सञ्चारमाध्यमं धागु दु । समुद्रय् प्यंगु मिटर तक लहर उठे जुग खः।

थुगु चक्रवात वंगु चान्ह्य १८५ किलोमिटर प्रतिघण्टाया गतिइ गुजरातय् थ्यंगु खः।

भारतया दिल्लीइ लकडाउन छवाःया लागि थप यागु दु ।

दिल्लीया मुख्यमन्त्री अरविन्द केजरीवालं छवाःया लागि लकडाउन थप यायेगु घोषणा यागु दु ।

थ्व स्वया न्ह्यः सोमवाः तकया लागि लकडाउन यागु खः। केजरीवालं धयादीगु दु, ‘दिल्लीया अवस्थामा सुधार जुयावया च्वंगु दु ।

कोरोना भाइरस संक्रमण तीव्र गतिमा घटे जुया वयाच्वंगु दु । उकि लकडाउन मे २४या सुथय् ५ बजे तकया लागि थपे यानागु धका दु।

उकि मेट्रो सेवा न बन्द जुइ।’ सामाजिक सञ्जाल ट्वीटरय् ट्वीट यासे केजरीवालं सर्वसाधारण लकडाउनया कारण दुःखी जूसा  थुकियात पालना यायेत इनाप यागु दु ।

भारतय् आः भचा कोरोना भाइसया न्हुगु सङ्क्रमितपिनिगु ल्याः म्हो जुया वंगु दु।

न्हि चार लाख स्वया अप्वोसित सङ्क्रमण जुया वयाच्वंगु खःसा छु दिं लिपा म्हो जुयावंगु दु धका अनयागु भारतीय सञ्चारमाध्यमं धागु दु। वंगु २४ घण्टाय् जक भारतय् तीन लाख ३८ हजार १९ म्हेसित सङ्क्रमण जूगु दु ।

म्हिगः तीन लाख ६२ हजार ४०६ म्हेसित सङ्क्रमित जुगु खःसा म्हिगं तीन लाख ४८ हजारपिन्त सङ्क्रमण खने दुगु खः। वंगु शनिवाः जक भारतय् छन्हु हे ४ लाख ९ हजार स्वया अप्वोसित सङ्क्रमण दने दुगु खः ।

तर, वया लिपा सङ्क्रमितपिनिगु ल्याः छु भचा घटे जुगु दु । तर, भारतय् कोरोनाया न्हुगु भेरियन्ट फैलै जुसां सङ्क्रमण घटे जुगु धाःसा धायेमज्यु धका विश्लेषण यागु दु।

अथहे, भारतय् वंगु २४ घण्टाय् ३८८८ म्हेसिगु कोरोनाया कारण ज्यान वंगु दु ।