भारतय् वंगु २४ घण्टाया दुने ३ लाख ५७ हजार २२९ म्हेसित कोरोना संक्रमण जुग दु ।

कोरोनाया निक्वंगु लहरं यक्को हे प्रभाव जुुगु खने दु अन न्हि हे साढे तीन लाख स्वया अप्वोसित कोरोना संक्रमित जुगु दु धका विश्व स्वास्थ्य संगठनं धागु दु ।

विश्व स्वास्थ्य संगठनया तथ्यांक कथं वंगु २४ घण्टाया दुने भारतय् ३ हजार ४४९ म्ह कोरोना संक्रमितं सीउगु दु।

भारतमय् आःतक २ लाख २२ हजार ४०८ म्ह कोरोना संक्रमितपिनिगु ज्यान वंगु दु।

भारतय् आःतक २ करोड २ लाख ८२ हजार ८३३ म्हेसित कोरोना संक्रमण जुइ धुकुगु दु।

कोरोना महामारीया इलय् साथ मबिगु धासे भारतया उत्तरप्रदेशय् च्वपिन्स प्रधानमन्त्री नरेन्द्र मोदी नाप आक्रोश प्वकूगु दु।

हिन्दुपिनिगु लागि संसारया पवित्र सहर वाराणसी नाप अनया जःखः थासय् महामारी भयावह जुया च्वंगु इलय् छु न साथ मबिगु धासे अन च्वपि नागरिकपिन्स आक्रोश व्यक्त यागु धका बीबीसीं धागु दु ।

मोदीया थःगु हे निर्वाचन क्षेत्रय् अप्वोे सङ्कटय् तक साथ मबिगु धासे उमिसे गुनासो यागु खः । वाराणसी नाप उत्तर प्रदेशया नागरिकपिनिगु सङ्कटया इलय् प्रधानमन्त्री गन दु धका न्यनाच्वंगु दु धका बीबीसीं धागु दु।

वाराणसी व अनया जःखः अक्सिजन व अस्पतालया बेद अभाव जुयाच्वंगु दु । गुलि मनूत अक्सिजन अभाव जुयाच्वंगु दु । लकडाउन व प्रतिबन्धया कारणं जुसा अय्न सङ्क्रमणदर न घटे जुगु मदु धका स्थानीयबासीपिन्स धागु दु ।

भारतय् कोरोना सङ्क्रमण पुष्टि जुपिनिगु ल्याः निगु करोड स्वया अप्वो जुइ धुकुगु दु सा दुई लाख २२ हजार स्वया अप्वोसिगु ज्यान वने धुकुगु दु ।

कोरोना संक्रमण महामारी नाप ल्वायेत भारतं नयाँदिल्ली सरकारं सेनाया ग्वाहालि फ्वंगु दु ।

कोभिड केयर सुविधा व आइसियू युनिट्स सन्चालनया लागि दिल्ली सरकारं सेनाया ग्वाहालि फ्वंगु दु । सेनाया ग्वाहालि फ्वंना दिल्ली सरकारं रक्षा मन्त्रालययात पौं च्वंगु दु धका भारतीय मिडियां धागु दु ।

नयाँदिल्ली कोरोनाया निक्वःगु लहरं यक्को प्रभावित जुगु थाय् मध्ये छगु खः । कोरोना संक्रमणया बिरामीपि यक्को अप्वोगुलि भारतया राजधानी नयाँदिल्ली आईसीयू बेड व अक्सिजनया कमी जुयाच्वंगु दु ।

वंगु वाःनिसे भारतय् दिं स्वंगु लाख स्वया अप्वो न्हुपि संक्रमित पिहावगु दु । दिल्ली जक न्हि २० हजार स्वया अप्वोसित संक्रमण पुष्टि जुगु दु।

भारत पश्चिम बङ्गालया विधानसभा चुनावय् मुख्यमन्त्री ममता बनर्जी भारतीय जनता पार्टी भाजपाया नेता सुबेन्दु अधिकारीनाप पराजित जुगु दु।

नन्दीग्रामपाखे चुनावय् दंम्ह तृणमूल कंग्रेस टीएमजीया नेतृ बनर्जी भाजपाया नेता अधिकारीनाप १९५६ मतं पराजित जुगु धका बीबीसीं धागु दु ।

तर वयकलं भाजपा न धाँधली जुगु धासे अदालत वनेगु धका धागु दु। तृणमूल कंग्रेसय् च्वम्ह सुबेन्दु अधिकारी भाजपाय् प्रवेशयाम्हर नन्दीग्रामपाखे दनिइ धका निर्णय यायेवं मुख्यमन्त्री बनर्जी उगु थासय् दनिइगु निर्णय यागु खः ।