भारतय् छन्हु हे कोरोना भाइरसपाखे निगु लाख ३४ हजार स्वया अप्वो मनूूतपि सङ्क्रमित जुगु दु।

छन्हु थुुलि यक्को सङ्क्रमित जुगु थ्व हे न्हापागु पटक खः धका अनया अधिकारीपिन्स धाःगु दु।

अनया अधिकारीपिनिगु कथं लिपागु २४ घण्टाय् भारतय् कोरोनाया कारण जक १३ सय स्वया अप्वो मनूत सी धुकुगु दु । भारतया केन्द्रीय स्वास्थ्य तथा परिवार कल्याण मन्त्रालयं सार्वजनिक याःगु लिपागु तथ्याङ्क कथं छन्हु हे १३४१ म्हेसिगु ज्यान वःगु धका उल्लेख याःगु दु।

थ्व नाप आःतक कोरोनाया कारण सीपि छगु लाख ७५ हजार ६४९ म्ह थ्यःगु दु धका मन्त्रालयं धाःगु दु। लिपागु २४ घण्टाय् निगु लाख ३४ हजार ६९२ म्ह सङ्क्रमित जुगु खः। थ्व नाप आःतक सङ्क्रमितपि छगु करोड ४५ लाख २६ हजार ६०९ म्ह थ्यःगु दु ।

मन्त्रालयया कथं लिपागु २४ घण्टाय् जक छगु लाख २३ हजार ३५४ म्ह कोरोना भाइरसया सङ्क्रमणमुक्त जुगु दु।

कोरोना भाइरस सङ्क्रमण अप्वोया वगुलि भारतया थीथी सहरय् लकडाउन व कर्फ्यु याःगु दु।

वःगु २४ घण्टाया दुने जक भारतय् कोरोनाया कारण द्धःछि मल्याक मनूत सी धुकुगु दु सा अथेहे निगु लाख स्वया अप्वो न्हुपि सङ्क्रमित थपे जूगु दु। थ्व नाप भारतय् कोरोना सङ्क्रमितपि छगु करोड ४० लाख ७० हजार स्वया अप्वो थ्यःगु दु । कोरोनाया कारण आतक छगु लाख ७३ हजार १५२ म्ह सी धुकुगु दु । विश्वय् अमेरिका लिपा भारत कोरोेनाया कारण दकलय् अप्वो प्रभावित देय खः।

सङ्क्रमणपि अप्वो वनेवं भारतया राजस्थानय् बहनि ६ बजेनिस सुथय् ५ बजेतक कर्फ्यु याःगु दु । अन शिक्षण संस्था दक्को बन्द यानातःगु  दु ।

अथेहे, इहिपा यायेत तक अनुमति कायेमाःगु दु। सरकारी कार्यालय तक ५० प्रतिशत जक कर्मचारीपिन्स सेवा बियाच्वंगु दु। राजस्थाननाप दिल्ली, मध्यप्रदेश, उत्तर प्रदेश, पन्जाब, महाराष्ट्र लगायतया थासय् कोरोना सङ्क्रमण अप्वोया वनाच्वंगु दु । उगु थासय् गन लकडाउन याःगु दु सा गन कडा प्रतिबन्ध लागू याःगु दु ।