भारत वःगु २४ घण्टाया करिब ९३ हजार म्हेसित कोरोना संक्रमण पुष्टि जुगु दु । भारतीय मिडिया कथं वःगु २४ घण्टाया दुने करिब ९२ हजार ९९४ म्ह न्हुपि संक्रमित पिहावःगु दु धका धाःगु दु।

भारतय् खुलाया लिपा छक्वलं आतकया हे दकलय् अप्वो संक्रमित पिहावःगु थ्व न्हापागु पटक खः ।

थ्व स्वया न्ह्यः १९ सेप्टेम्बरय् ९२ हजार ५७४ म्ह कोरोना संक्रमण पुष्टि जुगु खः।

भारतय् कोरोना संक्रमणं सीपिनिगु ल्याः निन्हुया दुने न्यासः स्वया अप्वो थ्यःगु दु ।

थ्व स्वया न्ह्यः वःगु शुक्रवाः ७१३ म्ह सीगु खः। भारतय् आःतक १ करोड २४ लाख म्ह कोरोना संक्रमण पुष्टि जुइ धुकुगु दु ।

भारतय् कोरोनां महाराष्ट्र, पन्जाब, दिल्ली, मध्यप्रदेश, गुजरात व राजस्थान राज्य प्रभावित जुगु दु ।