विश्व स्वास्थ्य संगठन (डब्ल्यूएचओ) नं भारतय् सङ्क्रमणदर व सीपि अप्वोया वंगुलि च्यूता कागु दु ।

डब्ल्यू्एचआया प्रमुख ट्रेडोस अदानोम गेब्रिएसएसं भारतया अवस्था तसकं खराब जुया वनाच्वंगुलि माःगु उपकरण आपूर्ति सुनिश्चित यायेगु धका धाःगु दु ।

अक्सिजन, मोबाइल अस्पताल व ल्याब व्यवस्थापनय् ध्यान केन्द्रीत जुया थःपि लगे जुयाच्वनागु दु धका धाःगु दु । भारतय् लिपागु इलय् कोरोना सङ्क्रमित तसकं अप्वोया वंगु दु ।

वंगु २४ घण्टाय् जक भारतय् ३ लाख १९ हजार ४३२ म्हेसित कोरोना सङ्क्रमित जुगु दु । म्हिगः स्वया ३५ हजार कम खः।

अथेहे वंगु २४ घण्टाय् २ हजार ७६४ म्ह कोरोना सङ्क्रमितपिनिगु ज्यान वंगु दु ।

थ्व नाप आःतक सीपिनिगु ल्याः न १ लाख ९७ हजार ८८० म्ह थ्यःगु दु।

कोरोना भाइरस यक्को प्रभावित जुगु देशय् न्हुगु भेरियन्टया कारण नियन्त्रणय् समस्या वया च्वंगु दु ।

दकलय् अप्वो भारतय् हरेक दिं सङ्क्रमणपि अप्वोया वना च्वंगु दु । भारतय् वंगु २४ घण्टाय् जक ३ लाख ५४ हजार ५३१ म्हेसित सक्रमण जुगु दु ।

अथेहे २ हजार ८०६ म्हेसिगु ज्यान वंगु दु। भारतया महाराष्ट्र, नयाँ दिल्ली लगायत थासय् कोरोनाया निक्वंगु लहर सुरु जुइ धुकुगु दु । उगु थासय् सङ्क्रमित तयेगु बेड व अक्सिजनया अभाव जुगु दु ।

अथेहे कोरोनां यक्को प्रभावित देश फ्रान्सय् कोरोनाया स्वंगु लहरया शंका यागु दु।

अन कोरोना सङ्क्रमित अप्वोया वंगुलि फ्रान्सया राष्ट्रपति इम्यानुएल म्याक्रो न सङ्क्रमणया स्वंगु लहर सुरु जुगु शंका यानादीगु दु ।

फ्रान्सय् लिपागु २४ घण्टाय् जक साढे २४ हजार सङ्क्रमित थपे जुगु दु सा १४५ म्हेसिया ज्यान वंगु दु ।

भारतय् वंगु २४ घण्टाया दुने ३ लाख ४६ हजार ७८६ म्हेसित कोरोना संक्रमण पुष्टि जुगु दु।

विश्व स्वास्थ्य संगठनया तथ्यांक कथं २४ घण्टाया दुने २६२४ म्ह कोरोना संक्रमणं सीउगु दु ।

भारतय् आःतक कोरोनाया कारण ज्यान वंपिनिगु ल्याः १ लाख ८९ हजार ५४४ म्ह थ्यःगु दु। आःतक कोरोना संक्रमितपि १ करोड ६६ लाख १० हजार ४८१ म्ह थ्यःगु दु ।