Display Style:
Column Style
भारत नाप २० लाख डोज खोप न्यायेगु निर्णय
लहानान्युज | सिल्लाथ्व षष्ठी ११४१, फागुन ५ बुधवाः
सरकारं भारतया सिरम ईन्स्टिच्युट अफ इन्डियानाप २० लाख डोज कोभिड १९ विरुद्धया खोप न्यायेगु निर्णय याःगु दु ।
मन्त्रिपरिषदया बैठकं खोप न्यायेगु लागि स्वास्थ्य सेवा विभागयात निर्देशन बिइगु निर्णय याःगु दु। १० लाख डोज खोप फेब्रुअरी लिपा तक व बाँकी १० लाख मार्च दुने हयेगु सरकारया योजना दु।
प्रतिडोज ४ डलरया दरं सिरम २० लाख डोज खोप उपलब्ध याइ । सरकारं खोप शुल्कय् ८० प्रतिशत रकम पेश्की स्वरुप उपलब्ध याइ ।
निगुगु चरणया खोप प्राथमिकतामा सुयात ?
कोभिड १९ विरुद्धया खोप अभियान अन्तरगत निगु चरणको प्राथमिकताय् सरकारं ५५ च्वय्यापि ज्येष्ठ नागरिक व ४५ वर्षया च्वय् दीर्घरोगीयात तःगु दु। खोप विभाग प्रमुख डा. झलक शर्मा गौतमं ‘कोभिड १९ पाखे सीपि दकलय् अप्वो निगु वर्गया नागरिक जुगुलि आःयाःगु चरणय् जेष्ठ नागरिक व दीर्घरोगीयात खोप बिइगु प्राथमिकताय् तःगु दु।
भारतया उत्तराखण्डय् च्वापू चलःखय् लाना सीपिनिगु ल्याः ५०म्ह थ्यन
सिल्लाथ्व चतुर्थी ११४१, फागुन ३ सोमवाः
भारतया उत्तराखण्डय् वंगु आइतबाः वःगु च्वापू चलःखय् बेपत्ता जूपिंमध्ये ५०म्ह सीम्ह लूगु दु । सिपिंमध्ये आःतक २५म्हसियागु जक पहिचान जूगु दु ।
मुक्कं सीम्हमध्ये १२म्ह आइतबाः लूगु खः । उपिंमध्ये ५म्ह तवोवनया सुरुङं लिकाःगु खः । ६म्ह रानीवन गामं व मेगु छगू सीम्ह रुद्रप्रयागय् लूगु खः । भारतीय प्रहरी ज्याकूथिं पितब्वःगु वक्तव्य न्ह्यथनातःगु दु ।
उगु घटनास्थलपाखें मेगु २३ गू मानव अंग नं लुगू प्रहरी अधिकारीपिन्सं न्ह्यथंगु दु । चमोली जिल्लाया थीथी थासं उगु मानव अंग लूगु खः ।
घटनास्थलय् लूगु सीम्हया डीएनए परीक्षण यायेगु व पहिचान याय्गु तयारी जुयाच्वंगु नं प्रहरी जानकारी ब्यूगु दु ।
मृतक व बेपत्ता जूपिं भारतया उत्तराखण्ड, उत्तर प्रदेश, पश्चिम बंगाल, विहार, झारखण्डया मनुत खः ।
अथेहे छुंछुं नेपामिपिं लाःगु अधिकारीपिन्सं धाःगु दु । वंगु सोमबाः चमोली प्रहरीं बेपत्ता जूपिंनिगु धलः सार्वजनिक याःगु खः । गुकिइ ११म्ह नेपालीपिनिगु नां वःगु खः । वय्कपिनिगु थाय्बाय् धाःसा सीदूगु मदुनि ।
हलियंकं तापमान अप्वःगु प्रभावया कारण थ्वः क्षेत्रय् हिमनदीया मुहान क्षेत्र बुलुंहु सुनावनाच्वंगु दु धाःसा जलविद्युत् निर्माण नं हिमपहिरो अप्वःयावःगु विज्ञपिनिगु धाःपु दु ।
म्यानमारय् न्ह्यानाच्वंगु सैन्य दमनया पश्चिमा देय्पाखें विरोध
सिल्लाथ्व चतुर्थी ११४१, फागुन ३ सोमवाः
म्यानमारय् सेनाया पलाः विरुद्ध लिपांगु दिंलय् मदिक्क ब्वज्या जुयाच्वंगु दु । सैनिक सरकारं जारी याःगु निषेधाज्ञाया अवज्ञा यासें द्वलंद्वःम्ह वर्मेली नागरिकं न्हिं न्हिं विरोध ब्वज्यायात न्ह्याकातःगु दु ।
वंगु नोभेम्बरय् क्वचागु आम निर्वाचनय् धाँधली जूगु धका फ्रेब्रुअरी १य् म्यानमारय् सेनां देय्या शासन थःगु ल्हातय् काःगु दु ।निर्वाचनय् आङ साङ सूचीया नेसनल लीग फर डेमोक्रेसी (एनएलडीं) तःधंगु बहुमत नापं जीत हासिल याःगु खः । सैन्य कू नापं नेतृ सुची लिसें एनएलडीया थी थी नेता नं सेनाय् नियन्त्रणय् लाःगु दु ।
मदिक्क ९न्हूनिसें न्ह्यानाच्वंगु विरोध ब्वज्यात क्वत्त्येलत सेनां तःधंगु ल्याःखय् थःगु शक्ति परिचालन याःगु बीबीसीं न्ह्यथंगु दु । चान्हय्सिया इलय् निषेधाज्ञा व कफर््यू जारी याःसा नं उकियात हाचांगासें सर्वसाधारण सेनाया पलाःया विरोधय् सतकय् कुहाँवःगु खः । विरोधया ज्यापहः नियन्त्रणय् काःगु सेनां चान्हय्सिया इलय् इन्टरनेट तकं बन्द याःगु दु । म्यानमारया उत्तरी राज्य काचिनय् सुरक्षाकर्मीया गोलीं लाना छम्ह ब्वज्यामि घाःपाः जूगु दु ।
सेनाया पलाःया विरोध यासें थी थी देशं नेतातयेत त्वःतेत सैनिक सरकारलिसे इनाप याःगु दु । म्यानमारस्थित संयुक्त राष्ट्रसंघया विशेष प्रतिनिधि टम एन्ड्रयुजं सेनाया ज्यापहःलं आम नागरिकय् निराशा ब्वलनाच्वंगु धयादील ।
वयेकलं सेनां नागरिकयात युद्धया घोषणा याःगुलिं लिच्वः सकरात्मक मवइगु ख्याच्वः तकं बियादीगु दु । अथेहे युरोपियन युनियन, बेलायत, क्यानडा लिसेया थी थी दूतावासतयेसं विज्ञप्ती जारी याना सुरक्षा फौजयात नागरिकयात धरपकड मयायेत ख्याच्वः बिउगु दु ।
उमिसं निर्वाचित सरकारया पतन पनेत जूगु ब्वज्याय् हिंसा मयायेत इनाप तकं याःगु दु । म्यानमारया जनतायात प्रजातन्त्र, स्वतन्त्रता, शान्ति व समृद्धिया नितिं समर्थन यायेगु उपिं देशं मंका कथं जारी याःगु विज्ञप्तीइ उल्लेख यानातःगु दु ।
उखे चान्हय्सिया इलय् नं ब्वज्या न्ह्यानाच्वंगुलिं सुरक्षाकर्मीं थी थी शहरय् सर्वसाधारणया छेँय् छापा तःगु धाःगु दु । अथेहे सेनां थःगु कारवाहीयात क्वात्तुकेत २४ घौ सिवे अप्वः ई मनूयात हिरासतय् तयेत व निजी सम्पति माला अदालतया आदेश मालिगु लिसेंया कानुनत निरलम्बन याःगु दु ।
जापानय् ७.१ म्याग्नेच्युटया शक्तिशाली भुखाय् ब्वल
सिल्लाथ्व तृतीया ११४१, फागुन २ आइतवाः
जापानय् ७ दशमलव १ म्याग्नेच्युटया शक्तिशाली भुखाय् ब्वःगु दु । स्थानीय ई कथं म्हिगः चान्ह्य् ११.८ ताः ईलय् फुकुशिमाया नामी शहरय् केन्द्रबिन्दु जुया भुखाय् ब्वःगु खः ।
भुखाचं ५०म्ह घाःपाः जूगु दु । तर फुकुशिया आणविक केन्द्रय् धाःसा गुगुनकथंया क्षति मजुगु अधिकारीपिन्सं धाःगु दु । यक्वः हे छेँय् क्षति जूगु दु ।
स्वनिगः टोकियोलिसें शहरय् विद्युत आपूर्तिइ प्रभावित जूगु दु । भुखाय् ब्वय्धुंका हाकनं निगू पराकम्प तकं वःगु खः । तर सुनामीया चेतावनी धाःसा ब्यूगु मदुनि ।
जापानय् थ्वसिबें न्ह्यः २०११ य् फुकुशिमाय् भुखाचलिपाः वःगु सुनामीया हुनिं १८द्व सिबें अप्वः मनुत सीगु खः ।
बहुमत मगायेवं पूर्वराष्ट्रपति ट्रम्प दोषमुक्त
लहनान्युज | सिल्लाथ्व तृतीया ११४१, फागुन २ आइतवाः
वःगु जनवरी ६ तारिखया दिं अमेरिकी संसद् भवनय् जुगु हिंसात्मक आक्रमणया लागि जिम्मेवार द्धपः फयाच्वम्ह पूर्वराष्ट्रपति डोनाल्ड ट्रम्प विरुद्ध सिनेट ट्रायलय् माःगु बहुमत प्राप्त मवःगु वयात दोषमुक्त जुगु दु।
ट्रम्पविरुद्ध महाअभियोगया पक्षय् ५७ म्ह सिनेटरपिन्स मत तःगु खः। उकिइ न्ह्यम्ह रिपब्लिकनपि न दु ।
तर, वयात आधिकारिक रूपं दोषी ठहरे याःपि ६७ मत आवश्यक माः । थज्यागुलि ‘ट्रायल’ सिधयेगु थःगु बयानय् ट्रम्पं थ्व मुद्दायात इतिहास हे दकलय् तधःगु ‘विच हन्ट’या संज्ञा बिःगु खः ।
थ्व ट्रम्पविरुद्धया निगु महाअभियोग मुद्दा खः । यदि, थुकिइ दोषी ठहर जूसा ट्रम्पं भविष्यय् गुवलय् चुनाव ल्वाये खनिइ मखु ।
