भारतय् छन्हु हे छगु लाख ८५ हजार स्वया अप्वोसित कोरोना भाइरसया संक्रमित जुगु दु।

वःगु २४ घण्टाया दुने छगु लाख ८५ हजार २४८ म्ह न्हुपि संक्रमित पिहावःगु दु । भारतय थ्व नाप आःतक कोरोना संक्रमित जूपि छगु करोड ३८ लाख ७१ हजार ३२१ म्ह थ्यःगु दु।

भारतय् वःगु २४ घण्टाय् जक १०२६ म्ह कोरोना संक्रमणं सीगु दु ।

थ्व नाप आःतक सीपि छगु लाख ७२ हजार ११५ म्ह थ्यःगु दु।

संक्रमितमध्ये छगु करोड २३ लाख ३२ हजार ६८८ म्ह कोरोनामुक्त जुइ धुकुगु दु सा आः १३ लाख ६६ हजार ५१८ सक्रिय संक्रमितपि दु। हलियक संक्रमित ल्याखं भारत निगुगु थासय् दु।

न्हापागु थासय् अमेरिका स्वगु करोड २० लाख ७० हजार ७०७ म्ह संक्रमित जुुगु दु। 

अमेरिकाय् ट्राफिक नियम उल्लंघन याःगु आरोपय् छम्ह अश्वेतयात स्याःगुलि तनाव उत्पन्न जुगु दु ।

तनावया हे कारण अमेरिकाया निगु शहर मिनियापलिस व सेन्ट पलय् चान्ह्य कर्फ्यु याःगु दु ।

वःगु आइतवाः मिनसोटाया ब्रुकलिन सेन्टरय् २० दँ दुम्ह दन्ते राइटयात प्रहरीं ट्राफिक नियम उल्लंघन याःगु आरोपय् कार पिकया हतकडी तयत स्वःगु खः ।

उगु झ्वलय् घम्साघम्सी जुइवं प्रहरीय गोली उम्ह मनू सी गु खः। घटनाया विरोधय् स्थानीयपिन्स प्रहरी प्रशासनविरुद्ध प्रदर्शन याःगु खः।

स्थिति नियन्त्रण कायेत मिनियापलिस व सेन्ट पल शहरया मेयरपिन्स आपतकाल घोषणा याना चान्ह्य कर्फ्यु जारी याःगु खः। 

कोरोना संक्रमणया निगुगु लहर सामना याना च्वंगु भारतय् छन्हु हे डेढ लाख न्हुपि संक्रमितपि पिहा वःगु दु ।

भारतया स्वास्थ्य मन्त्रालय कथं वःगु २४ घण्टाय् छगु लाख ४५ हजार ३८४ म्हेसित संक्रमण पुष्टि जूगु दु सा अथेहे ७९४ म्ह सी धुकुगु दु ।

थ्व नाप आतक भारतय् कुल संक्रमितपि छगु करोड ३२ लाख ५ हजार ९२६ थ्यःगु दु । उकि मध्ये १ करोड १९ लाख ९० हजार ८५९ जना संक्रमणमुक्त जुइ धुकुगु दु।

भारतय् १० लाख ४६ हजार ६३१ सक्रिय संक्रमितपि दु।

कोरोना संक्रमणपाखे भारतय् आतक १ लाख ६८ हजार ४३६ म्ह सी धुकुगु दु ।