कोरोना भाइरसविरुद्धया खोप विकास याःगु भारतं विश्व समुदाययात निगु करोड २९ लाख स्वया अप्वो खोप बिःग दु ।

भारतया विदेश मामिला मन्त्रालयं बिःगु जानकारी कथं भारतं थीथी देशयात निगु निगु करोड २९ लाख ७० हजार स्वया अप्वो खोप बिःगु दु ।

विश्व समुदाययात बिःगु खोपमध्ये झन्डै ६४ लाख ७० हजार खोप निःशुल्क वितरण याःगु खःसा छगु करोड ६५ लाख खोप आर्थिक कारोबार सहित बिःगु खः ।

माग यानाच्वपि मेगु देशयात वःगु दिं खोप उपलब्ध योकगु धका भारतया योजना दु धका प्रवक्ता श्रीवास्तवं जानकारी बिःगु दु ।

भारतं अफ्रिका, ल्याटिन अमेरिका व प्रशान्त द्वीप लगायत क्षेत्रया देशय् खोप प्रदान याये चाहे जु धका वयकल धयादीगु दु। भारतय् कोरोना भाइरस विरुद्धया कोभिसिल्ड ना या खोप विकास याःगु खः । थुगु खोप विश्वय् छ्यलिइगु खोप मध्येय् छगु खः ।

टोकियो ओलम्पिकया प्रमुख योशिरो मोरी मिसा अधिकारीबारे याःगु टिप्पणीया कारण जापान व विदेशय् आक्रोश व्यक्त यायेवं राजीनामा बिइगु मनस्थितिइ थ्यःगु दु।

वयकलं ‘मिसा पिनिगु बैठकय् अप्वो न्ववाइगु धाःगु अभिव्यक्तियात लैङ्गिक रूपय् विभेदकारी जुगु धका  राजनीतिक वृत्तय् आलोचना जुगुलि राजीनामा बिइगु मनस्थिति थ्यःगु दु धका जापानी सञ्चारमाध्यमं धाःगु दु। वयकलं मिसा पिनिगु बारेय् उकिया टिप्पणी आयोजकपिनिगु लागि छ्यस्याकिइगु विषय जुगु खः ।

महामारीया बावजुद जापानं गृष्म ऋतुइ ओलम्पिक कासा यायेगु योजना दथुइ ओलम्पिक समितिं वयकःया अभिव्यक्तियात कया सार्वजनिक असन्तुष्टि सामना याये माःगु खः । ८३ दँया मोरी न थौं आयोजकपिनिगु छगु बैठकय् थःगु राजीनामा घोषणा यायेगु तयारी यानाच्वंगु जापानी सञ्चारमाध्यमं च्वंगु दु । वयकलं दकलय् अप्वो सम्भावित उत्तराधिकारीया रूपय् ८४ दँया सबुरो कावाबुचीयात न्ह्यने हःगु धका समाचारय् उल्लेख दु ।

जापानया पूर्व प्रधानमन्त्री तक जुयादीम्ह मोरीं जापानी ओलम्पिक समितिया सदस्यपिन्स थः वःगु वाःय् टिप्पणीया कारण थथे निर्णय कायेत दबाब जुगु धका धाःगु दु। वयकलं लैङ्गिक विभेद सिर्जना यायेगु अभिव्यक्तिया लागि माफी फ्वःसा मिसापिन्त थः यक्को न्ववायेम्वाः धका धाःगु कारण समस्या थप जटिल जुगु धका धाःगु खः ।

 चीनं बीबीसी वर्ल्ड न्यूजया टेलिभिजन प्रसारण बन्द याःगु दु। सिन्जियाङया अल्पसङ्ख्यकया उत्पीडन व  कोरोना महामारीया गलत सूचना प्रसारण याःगु आरोप बिउसे प्रसारणय् रोक लगे याःगु धका बीबीसीं धाःगु दु ।

चीनय् बीबीसी टेलिभिजनं कोरोना भाइरस महामारी व अन याःगु सरकारबारे आलोचना याना वयाच्वंगु खः।

चीन थःगु प्रसारणय् रोक लग याःगुे प्रति बीबीसीं खेद व्यक्त याःगु धका बीबीसी विश्वया दकदय् तधःगु विश्वसनिय अन्तर्राष्ट्रिय समाचार माध्यम जुगु दाबी यायेगु याः ।

दक्षिण प्रशान्त महासागरय् शक्तिशाली भुखाय् ब्बःगु दु । भुखाय् ब्बःगुलि अन सुनामी वयेफु धका चेतावनी बिःगु दु ।

अमेरिकी भूवैज्ञानिक एजेन्सीया कथं बुधवाः बहनि ७.७ म्याग्निच्युटया भुखाय् ब्वःगु दु धका धाःगु दु। उगु भुखाय् लोयल्टी द्वीप समूहपाखे १० किलोमिटर दक्षिण पूर्वी क्वय् धका धाःगु दु । थुकिया धक्का न्यूजील्याण्डपाखे इन्डोनेसिया तक महसुस जुगु खः । तर अय्न उगु भुखाचं गुलि क्षति जुल उकिया विवरण धाःसा मवनि ।

थ्वया दथुइ अष्ट्रेलियाय् मौसम एजेन्सी न दक्षिण प्रशान्त महासागरय् ७.७ म्याग्निच्युटया भुखाय् या कारण सुनामी वःगु पुष्टि जुगु दु ।

व्यूरो अफ मेट्रोलोजी अष्ट्रेलियां सुनामीपाखे लर्ड होवे द्वीप जोखिमय् दुगु धका चेतावनी बिःगु दु । अथेहे अमेरिकी सुनामी चेतावनी केन्द्रं भानुआटु व फिजीइ सुनामीया लहर १ निसे ३.३ फुट च्वय् तक वयेफइगु चेतावनी बिःगु दु।