अमेरिकी राष्ट्रपति जो बाइडनं म्यानमारं सेनाविरुद्ध पलाः ल्ह्वनेयेगु धका धम्की बिःगु दु।

म्यानमारया सेनां सोमवाः शासन सत्ता ल्हातय् कया नेतृ आङ सान सुकी, राष्ट्रपति विनमिन्ट लगायतया नेतापिन्त हिरासतय् काःगु खः।

नाप दच्छिया निति संकटकालया घोषणा याःगु दु । म्यानमारया सेनाया उगु पलाःया बाइडनं कडा शब्दं विरोध याःगु दु ।

वयकलं म्यानमारया सत्ता तत्काल त्वतेत सेनायात धाःगु दु । मखुसा ‘माःगु पलाः’ ल्ह्वनइगु धका बाइडनं चेतावनी बिःगु दु ।

म्यानमारय् सैनिक ‘कू’याःगु यात कया देयन्यक विरोध बिरोध जुयाच्वंगु दु ।

म्यानमारय् सैनिक ‘कू’ जूगु दु। अन सेनां सत्ता ल्हातय् कासे दँच्छिया लागि संकटकाल घोषणा याःगु दु।

राष्ट्रपति विन मिन्ट, स्टेट काउन्सिलर आङ सान सुकी व सुकीया पार्टी  नेशनल लिग फर डेमोक्रेसीया बरिष्ठ नेतापिन्त हिरासतय् कासे सेनां सत्ता कब्जा याःगु दु । सैनिक टेलिभिजनय् प्रसारित छगू सन्देश बिउसे– म्यानमारया सत्ता आः सेनाया कमाण्डर इन चिफ वरिष्ठ जनरल मिन आङ हलिङ्ग नं ल्हातय् काःगु खः।

छु दिं न्ह्यः जारी सरकार व सेना दथुइ तनाव व सत्ताय् ह्यूपाः वइगु आशंका म्यानमारया सैनिक कू जूगु खः । सेनां सोमवाः तय जूगु संसद बैठक न खारेज याःगु दु । बीबीसीया कथं म्यानमारंया राजधानी नाप मुख्य–मुख्य शहरय् सैनिकपि तैनाथ अप्वोकेगु दु । राजधानीइ टेलिफोन व इन्टरनेट सेवा तक बन्द याःगु दु ।

म्यानमारय् सैनिक ‘कू’ जुइवं अन सेना नं सत्ता ल्हातय् कासे दच्छिया लागि संकटकाल यायेगु घोषणा याःगु दु । 

म्यानमारया नेतृ आङ सान सुकी ज्वःगु दु । वयकःयात सेनां हिरासतय् तःगु दु धका वयकःया पार्टी नेशनल लिग फर डेमोक्रेटिकं धाःगु दु ।

छु ई न्ह्यः म्यानमार सरकार व सेना दथुइ तनाव जुगु खःसा सुकीयात हिरासतय् काःगु दु। सुकींयात हिरासतय् कायेवं आः म्यानमारया सत्ताय् ह्यूपा? वइगु आशंका याना हःगु दु । सुकीया पार्टी नेशनल लिग फर डेमोक्रेटिकं नोभेम्बर महिना जुगु चुनावय् यक्को मतं त्याःगु खः । तर सेनां धाःसा थ्व  चुनावय् धाँधली जुगु दाबी याःगु खः । सेनां म्यानमारय् थौंया संसद बैठक स्थगित यायेत आह्वान याःगु खः ।

नेशनल लिग फर डेमोक्रेटिक पार्टीया प्रवक्तां प्रजातन्त्रवादी नेतृ सुकी, राष्ट्रपति विन मिंट व मेम्ह छम्ह नेतायात हिरासतय् काःगु धका रोयटर्सयात उदृत यासे बीबीसीं धाःगु दु । आः म्यानमारया राजधानी नेपिटाब व मेगु मुख्य सहरया सतकय् सेनापिनिगु यक्को उपस्थित खनेदु। राजधानीया टेलिफोन व इन्टरनेट सेवाय् तक प्रतिबन्ध तःगु दु ।

सुकीें १५ दँ तक नजरबन्दया जीवन बिते याय धुकुगु दु। सुकीं सन् १९९१ य् नोबेल शान्ति पुरस्कार काये धुकुम्ह खः ।

अमेरिकी अन्तरिक्ष निकाय नासां छ्वःगु रोबोट मङ्गल ग्रहय् अवतरण जुइत स्ववाः तक ल्यदनि । नासां मङ्गल ग्रहय् वैज्ञानिक अनुसन्धानया लागि पर्सिभरेन्स रोबोट छ्वःगु खः ।

नासां छ्वःगु रोबोट व मङ्गल ग्रह दथुइ जम्मा ४५ लाख किलोमिटर ताःपागु दु तर गतिइ कम जुया वनाच्वंगु दु धका नासां धाःगु दु । रोबोट जेजेरो ज्वालामुखी पहाड न्ह्यने अवतरण यायेगु अपेक्षा याःगु दु । अवतरण यायेगु इलय् न्ह्यगु मिनेटय् इन्जिनियरपिन्स ’न्ह्यगू मिनेटया आतङ्क’ धाःगु दु। अवतरण यायेत क्वछिगु थाय् यक्को खँ ल्यदनिइगुलि भलसा दुगु धका वैज्ञानिकपिन्स अनुसन्धान यानाच्वंगु दु।

टिमानफाया नांया बिःगु थाय् रोबोट अवतरण जुइगु थाय् अवतरण यायेत्यःगु इलय् रोबोट कुतु वःगु प्रक्रियायात स्वया च्वपि पुचःया नेतृत्व यानाच्वपि इन्जिनियर एलन चेनया धाःपू दु। छु ईलय् जेजेरो थासय् तधःगु ताल पत्ता लगे यायेत ग्वाहालि जुइगु कार्बोनेट चट्टान व अनया अवशेष पत्ता लगे यायेत रोबोट छ्वःगु खः ।