Display Style:
Column Style
चीन चन्द्रमाय् थःगु ध्वाँय् ब्बय्कल
लहानान्युज | कछलागा षष्ठी ११४१, मंसिर २१ आइतवाः
अमेरिका ५० दँ चन्द्रमाय् ध्वाँय् तःगु चीनं न ध्वाँय् ब्वय्कूगु दु। चीनया ‘नेस्नल स्पेस’ विभागं सार्वजानिक याःगु किपाय् चन्द्रमाया सतहय् चिनिया ध्वाँय् ब्वय्कूगु खः।
चीनया चाङ इ–५ यानं काःगु किापाय्, आः चन्द्रमाय् ल्वहया स्याम्पल नाप पृथ्वी लिहाव वइ। थ्व स्वया न्ह्यः निगः चिनियाँ अन्तरिक्ष मिसनय् ध्वाँय् ब्वकेय्गु कुतः जुइ धुकुगु खः तर, उगु ध्वाँय् सतहय् ब्वय्के मफुगु खः।
१९६९ या अपोलो ११ मिसनय् अमेरिका, चन्द्रमाय् ध्वाँय् ब्वय्कूगु न्हापागु देय् जूगु खः। वयालिपा अमेरिकां थीथी विभिन्न मिसन अन्र्तगत १९७२ तक न्याकः थःगु ध्वाँय् गाढेय् याये धुकुगु खः ।
२०१२ य् नासाया स्याटलाइट किपा उगु न्याःगु हे अमेरिकी झन्डा स्थिर रुपं दुगु किपा सार्वजानिक याःगु खः । चीनया राष्ट्रिय संचारं चिनियाँ ध्वाँय् ५० दँ न्ह्यया अपोलो मिसनया ई कथं उत्साह व प्रेरणा दुगु थे च्वं धका धाःगु खः। न्ह्यदँ लिपा चाङ इ–५ मिसन चीनया स्वकः सफल चन्द्रमाय् अवतरण जुगु खः ।
फ्रान्सं कोरोना भाइरसविरुद्धया खोप निःशुल्क याइगु
लहानान्युज | कछलागा पञ्चमी ११४१, मंसिर २० शनिवाः
फ्रान्सं थः नागरीकपिन्त कोरोना भाइरसविरुद्धया खोप निःशुल्क याये त्यःगु दु । फ्रान्सया प्रधानमन्त्री जा कार्तेक्स नं अथे घोषणा याःगु खः।
प्रधानमन्त्री कार्तेक्सया कथं जनवरी निसे प्रारम्भिक चरणय् स्वास्थ्य संस्थाय् दुपि १० लाख मनू तयेत खोप बिइ त्यःगु खः। फेब्रुअरी संक्रमणया उच्च जोखिमय् दुपि १ करोड ४० लाख
नागरिकपिन्स खोप काये खनिगु दु ।
फ्रान्सय् सामाजिक सुरक्षा प्रणालीइ च्वपि दक्को कोरोना भाइरसविरुद्धया खोप निःशुल्क बिइत सुनिश्चित यायेत व उकिया लागि १ अर्ब ५० करोड युरो छुटे याःगु समाचारय् वःगु खः ।
फ्रान्सं २० करोड थान खोप थीथी खोप उत्पादक कम्पनीपाखे व्यवस्था याःगु धका धाःगु दु। प्रधानमन्त्री कार्तेक्स नं उगु खोप सुरक्षित व प्रभावकारी जुइगु भलसा काःगु दु।
भारतया चर्चित कलाकार रजनीकान्तं न्हुगु पार्टी चाइकिइगु
लहानान्युज | कछलागा चौथी ११४१, मंसिर १९ शुक्रवाः
भारतया चर्चित चलचित्र कलाकार रजनीकान्तं म्हिगः बिहीवाः न्हुगु पार्टी चाय्केगु घोषणा याःगु दु।
रजनीकान्तं पार्टीया औपचारिक घोषणा थ्व हे डिसेम्बर ३१ तारिखया दिं यायेगु धका धाःगु दु। तमिलनाडुइ निर्वाचन जुइगु न्ह्यः पार्टी चाय्का निर्वाचनय् वनेगु धका धाःगु दु ।
न्हुगु राजनीतिक पार्टी गठन यायेगु घोषणा याना जनवरीनिसे दर्ता याना न्ह्या वनेगु धका धाःगु दु।
सामाजिक सञ्जाल ट्वीटरमार्फत रजनीकान्तं यक्को नाप सहलह याये धुका न्हगु पार्टी चाय्केगु निर्णयय् यायेत्यनागु खः धका धाःगु खः।
रजनीकान्तं यक्को मनूपि नाप सहलहयाना उमिगु सल्लाह सुझाव कया न्हुगु पार्टी चाय्केगु निर्णयलय् थ्यःगु खः धका धाःगु खः।
अमेरिकाय् छन्हुं १ लाख ७७ हजार स्वया अप्वो कोरोना सक्रमित
रमित | कछलागा चौथी ११४१, मंसिर १९ शुक्रवाः
अमेरिकाय् कोरोना संक्रमण व सीपिनिगु ल्या अप्वो जुइगु आः न दीगु मदुनि।
विश्व स्वास्थ्य संगठनया तथ्यांक कथं वःगु २४ घण्टाया दुने अमेरिकाय् २ हजार ४३९ म्ह कोरोना संक्रमितपि सी धुकुगु दु।
उगु हे इलय् १ लाख ७७ हजार ९७६ म्हेसित कोरोना संक्रमण पुष्टि जुगु दु।
अमेरिकाय् आःतक कोरोना संक्रमित जुपि १ करोड ३५ लाख ६३ हजार ७३१ म्ह थ्यःगु दु।
कोरोनाया कारण अमेरिकाय् २ लाख ६८ हजार ४८२ म्ह सी धुकुगु दु।
जापानं सन् २०५०य् पेट्रोल कार बिक्री बन्द यायेगु योजना
रमित | कछलागा चौथी ११४१, मंसिर १९ शुक्रवाः
जापानं सन् २०५० तक कार्बन तटस्थताया थःगु लक्ष्य पूरा यायेगु उद्देश्यं वःगु १५ दँ लिपा पेट्रोल कारया बिक्री बन्द यायेगु योजना सार्वजनिक याःगु दु ।
जापानी सञ्चारमाध्यमया कथं मेगु वाः निसे जापानं न्हुगु नीति सार्वजनिक याःगु दु। जापानी अखबार माइनिची शिमबुन नं जापानया विद्युतीय व हाइब्रिड सवारी साधनया बिक्रीयात न्हापागु प्राथमिकताय् तःगु दु धका धाःगु दु ।
प्रधानमन्त्री योशिहिदे सुगा नं वःगु अक्टोबरय् जापानयात सन् २०५० दुने कार्बन तटस्थ देय् दय्केगु माःगु कुतः यायेगु घोषणा याःगु दु। प्रधानमन्त्री सुगां थःगु नीति सार्वजनिक यायेवं तधःगु कम्पनीं कार्बन उत्सर्जनयात नियन्त्रणय् हयेगु योजनाया मस्यौदा निर्माण यायेगु दबाब वःगु दु।
जापानया थुगु पलाःयात वातावरण अभियन्ता व राष्ट्र सङ्घं लसकुस याःगु दु।
वःगु सेप्टेम्बरय् अमेरिकी राज्य क्यालिफोर्निया नं सन् २०३० तक थःगु राज्यय् मिइगु कार शून्य–उत्सर्जनयुक्त जुइगु घोषणा याःगु खः।
अथेहे बेलायत नं अझ महत्तवाकाक्षी योजना न्ह्यने हःगु दु। सन् २०३० तक बेलायतय् दक्को प्रकारया पेट्रोल व डिजलं सञ्चालन जुइगु कार प्रतिबन्ध यायेगु बेलायत सरकारं घोषणा याये धुकुगु दु।
