भारतय् कोरोना संक्रमणया कारण आःतक सीपि १ लाख ५४ हजार ८२३ म्ह थ्यःगु दु ।

विश्व स्वास्थ्य संगठनया तथ्यांक कथं वःगु २४ घण्टाया दुने १२० म्ह संक्रमितपि सीगु दु । अथेहे वःगु २४ घण्टाया दुने १२ हजार ४०८ म्ह कोरोना संक्रमितपि थपे जुगु दु ।

भारतय् आःतक १ करोड ८ लाख २ हजार ५९१ म्ह कोरोना संक्रमण जुइ धुकुगु दु।

वःगु २४ घण्टाया दुने विश्वन्यक ३ लाख ५५ हजार ४१ म्ह कोरोना संक्रमितपि थपे जुगु दु धका विश्व स्वास्थ्य संगठनं धाःगु दु।

सगठनया तथ्यांक कथं आःतक विश्वन्यक १० करोड ४३ लाख ७० हजार ५५० म्हेसित कोरोना संक्रमण जुइ धुकुुगु दु ।

वःगु २४ घण्टाया दुने विश्वन्यक कोरोनाया कारण १० हजार ४२२ मनूत सी धुकुगु दु ।

विश्व स्वास्थ्य संगठनया तथ्यांक कथं आःतक कोरोनाया कारण सीपि २२ लाख ७१ हजार १८० म्ह थ्यःगु दु।

वःगु २४ घण्टाय् ३ लाख ५५ हजार ४१ कोरोना संक्रमित थपे जुगु दु धका धाःगु दु।

म्यानमारय् सेनाया ’कू’ विरुद्ध जुयाच्वंगु प्रदर्शनय् शिक्षक व विद्यार्थीपि न सहभागी जुगु दु। आम नागरिकपि प्रदर्शनय् पिहावःगु शिक्षक व विद्याथीपि न प्रदर्शनय् सहभागी जुयावःगु दु धका बीबीसीें धाःगु दु ।

म्यानमारया तधःगु सहर यांगुनया छगु विश्वविद्यालययय् प्रदर्शनकारीपिन्स जेलय् कुनातःम्ह आङ सान सुकी नाप मेपि नेतापि रिहाइया माग याःगु दु। प्रदर्शनय् कुहवःपिन्स थःगु कापतय् ह्यागू रिबन तया वःगु खः । ह्यागू  रंग सुकीया पार्टीया रंग खः । सलःसं विद्यार्थी व शिक्षकपि यांगुनया विश्वविद्यालय पिने जम्मा जुया विरोध प्रदर्शन याःगु दु धका धाःगु दु ।

उमिसं सुकीया समर्थनय् नाराबाजी याःगु खः। सैन्य ’कू’ लिपा नेतृ सुकी नाप मेपि नेतापिन्त हिरासतय् तःगु खः। वःगु सोमवाः सुथय् सेनां नेतृ आङ सान सुकी नाप मेपि नेतापिन्त न गिरफ्तार याना सत्ता थःगु ल्हातय् काःगु खः। विश्व समुदायपिन्स म्यानमारय् जुगु सैन्य ’कू’ या विरोध याना वयाच्वंगु खः ।