बेलायतय् कोरोना संक्रमणया कारण वःगु २४ घण्टाया दुने १३४८ म्ह मनू सी धुकुगु दु ।

विश्व स्वास्थ्य संगठनया कथं बेलायतय् आःतक कोरोनाया कारण सीपिनिगु ल्याः ९७ हजार ३२९ म्ह थ्यःगु दु।

बेलायतय् कोरोना संक्रमितपिनिगु ल्याः ३६ लाख १७ हजार ४६३ म्ह थ्यःगु दु।

वःगु २४ घण्टाया दुने ३३ हजार ५५२ म्ह संक्रमित थपे जूगु दु ।

भारतया उत्तराखण्डय् छम्ह १९ दँ दुम्हेसित छन्हुया लागि मुख्यमन्त्री दयकूगु दु। हरिद्वार जिल्ला दौलतपुर गांया सृष्टियात कार्यकारी अधिकार सहित छन्हुया लागि मुख्यमन्त्री दयकूगु खः।

वयागु उपस्थितिइ विधानसभा बैठक च्वनेत्यःगु खः। विधानसभाया कोठा नम्बर १२० य् बैठक च्वंनिइ भारतीय सञ्चारमाध्यमं धाःगु दु। सृष्टियात मुख्यमन्त्री दयेका बैठक आयोजना यायेगु स्वीकृति व निर्देशन उत्तराखण्डका मुख्यमन्त्री त्रिवेन्द्र सिंह रावत बिःगु खः।

उत्तराखण्ड बाल संरक्षण आयोगया अध्यक्ष उषा नेगीं २४ जनवरीइ राष्ट्रिय बालिका दिवसया लसताय् सृष्टियात उत्तराखण्डय् छन्हुया लागि मुख्यमन्त्री दयेकूगु खः। बुधवाः मुख्य सचिव ओमप्रकाशयात छगु पौं छ्र्वया २४ जनवरीया छन्हुया लागि मचातयेत लुमकेगु कथें सशक्तिकरणया लागि छम्ह प्रतिभाशाली छात्रायात मुख्यमन्त्रीया जिम्मेवारी बिइगु धका नेगीं धाःगु खः।

थुगु छन्हुया कार्यकालय् सृष्टि न विकास कार्यक्रमया समीक्षा याइ । उकिया लागि छाने याःपि विभागया अधिकारीं ५(५ मिनेटया इलय् थःथःथु रिपोर्ट पेस याइ। विधानसभाय् १२ बजे निसे ३ बजे तक न्ह्याइ। उत्तराखण्डया मुख्यमन्त्री त्रिवेन्द्र सिंह रावत न थुगु ज्याझ्वलय् सहभागी जुइ।

यूरोपया थीथी देशय् कोरोनाया खोप अभाव जुगुलि खोप अभियान स्थगित याकमःगु दु ।

बेलायतया कम्पनी एस्ट्राजेनिका न उत्पादनय् खनेदुगु समस्याया कारण अनुमान याःगु स्वया अप्वो माःगु जुग कम मात्राय् जक खोप उत्पादन जुगुलि स्थगित याःगु खः । युरोपया थीथी थासय् फाइजर व बायोएनटेक नं प्रतिवद्धता याःगु कथं आपूर्ति मयागुलि खोप ज्याझ्वः प्रभावित जुगु खः।

अक्सफोर्ड नाप सहकार्यय् खोप विकास याःगु एस्ट्राजेनिकां खोप आःतक ईयूया नियामक निकायं स्वीकृत मयानि । संक्रमितपिनिगु ल्याः थहा वनाच्वंगुलि अस्थायी रूपं खोपया आपूर्ति घटे ययेगु इलय् खोप अभियान प्रभावित जुगु दु। थ्व हे कारण जर्मनीया दकलय् अप्वो जनसंख्या अप्वो दुगु राज्य व इटलीया गुलि न राज्य खोपया न्हापागुे मात्रा बिइगु ज्या रोके जुगु खः ।

मड्रिडया स्वास्थ्यकर्मीपिन्त खोप बिइगु बन्द याये धुकुगु दु । वःगु वाःया दुने फाइजरं वइगु वाःया लागि खोपया आपूर्ति ढिलो जुइ धका धाःगु दु । ईयू न फाइजरपाखे जक ६० करोड मात्रा खोप मगे यायगु दु । उमिसं मेगु अमेरिकी कम्पनी मोडेर्नायात न खोपया स्वीकृति बिःगु दु।

इटली व पोल्यान्डं उत्पादन घटे यागुलि दुःख प्वकूगु दु सा कानुनी उपचार मालिइगु जुइ धका धाःगु दु।

अमेरिकाया लोकंह्वाम्ह टेलिभिजन प्रस्तोता ल्यारी किङ थौं मन्त । ८७ दँया ल्यारी किङ अमेरिका लस एन्जलसय् सेडारस सिनाइ मेडिकल सेन्टरय् मदुगु खः धका बीबीसी धाःगु खः।

मदुम्ह ल्यारी कोरोना सङ्क्रमण मदुगु धका उल्लेख धाःगु दु। ल्यारी किङं थःगु खुगु दशकया व्यवसायीक जीवनय् प्रतिनीधित्व यासे अमेरिकाया दक्को राष्ट्रपतिपि नाप हलिउड कलाकारपि व कासमि नाप याना ५० हजार स्वया अप्वोसिगु अन्तरवार्ता कयादीगु दु ।

ल्यारी किङं लगातार २५ दँ सीएनएनय् प्रत्यक्ष खँल्हाबलहा यायेगु ज्याझ्वः सञ्चालन याःगु खः । यक्वो थे अन्तरवार्ताय् सकरात्मक चर्चा वयाच्वम्ह किङं स्वदँ न्ह्यः छगु अन्तरवार्ताय् थःम्हेसिया न्ह्यावलय् न्यनिइगु, सिइकेगु व न्ह्यावलय् सधैँ सयेका बालाकगुलि कारण व्यवसायिक सफलता वःगु धका उल्लेख यानादीगु खः ।