यूरोपया थीथी देशय् कोरोनाया खोप अभाव जुगुलि खोप अभियान स्थगित याकमःगु दु ।

बेलायतया कम्पनी एस्ट्राजेनिका न उत्पादनय् खनेदुगु समस्याया कारण अनुमान याःगु स्वया अप्वो माःगु जुग कम मात्राय् जक खोप उत्पादन जुगुलि स्थगित याःगु खः । युरोपया थीथी थासय् फाइजर व बायोएनटेक नं प्रतिवद्धता याःगु कथं आपूर्ति मयागुलि खोप ज्याझ्वः प्रभावित जुगु खः।

अक्सफोर्ड नाप सहकार्यय् खोप विकास याःगु एस्ट्राजेनिकां खोप आःतक ईयूया नियामक निकायं स्वीकृत मयानि । संक्रमितपिनिगु ल्याः थहा वनाच्वंगुलि अस्थायी रूपं खोपया आपूर्ति घटे ययेगु इलय् खोप अभियान प्रभावित जुगु दु। थ्व हे कारण जर्मनीया दकलय् अप्वो जनसंख्या अप्वो दुगु राज्य व इटलीया गुलि न राज्य खोपया न्हापागुे मात्रा बिइगु ज्या रोके जुगु खः ।

मड्रिडया स्वास्थ्यकर्मीपिन्त खोप बिइगु बन्द याये धुकुगु दु । वःगु वाःया दुने फाइजरं वइगु वाःया लागि खोपया आपूर्ति ढिलो जुइ धका धाःगु दु । ईयू न फाइजरपाखे जक ६० करोड मात्रा खोप मगे यायगु दु । उमिसं मेगु अमेरिकी कम्पनी मोडेर्नायात न खोपया स्वीकृति बिःगु दु।

इटली व पोल्यान्डं उत्पादन घटे यागुलि दुःख प्वकूगु दु सा कानुनी उपचार मालिइगु जुइ धका धाःगु दु।

अमेरिकाया लोकंह्वाम्ह टेलिभिजन प्रस्तोता ल्यारी किङ थौं मन्त । ८७ दँया ल्यारी किङ अमेरिका लस एन्जलसय् सेडारस सिनाइ मेडिकल सेन्टरय् मदुगु खः धका बीबीसी धाःगु खः।

मदुम्ह ल्यारी कोरोना सङ्क्रमण मदुगु धका उल्लेख धाःगु दु। ल्यारी किङं थःगु खुगु दशकया व्यवसायीक जीवनय् प्रतिनीधित्व यासे अमेरिकाया दक्को राष्ट्रपतिपि नाप हलिउड कलाकारपि व कासमि नाप याना ५० हजार स्वया अप्वोसिगु अन्तरवार्ता कयादीगु दु ।

ल्यारी किङं लगातार २५ दँ सीएनएनय् प्रत्यक्ष खँल्हाबलहा यायेगु ज्याझ्वः सञ्चालन याःगु खः । यक्वो थे अन्तरवार्ताय् सकरात्मक चर्चा वयाच्वम्ह किङं स्वदँ न्ह्यः छगु अन्तरवार्ताय् थःम्हेसिया न्ह्यावलय् न्यनिइगु, सिइकेगु व न्ह्यावलय् सधैँ सयेका बालाकगुलि कारण व्यवसायिक सफलता वःगु धका उल्लेख यानादीगु खः ।

अमेरिकी राष्ट्रपति जो वाइडेन नं विश्व स्वास्थ्य संगठन डब्ल्यूएचओ नाप या सम्बन्ध निरन्तरता बिइगु धका धयादीगु दु।

वयकलं राष्ट्रपतिया रूपय् कार्यभार क्वबिगु न्हापागु दिं हे छगु आदेश जारी यासे डब्ल्यूएचओ नाप या सम्बन्धयात निरन्तरता बिइगु निर्णय याःगु खः। थ्व स्वया न्ह्यः निवर्तमान राष्ट्रपति डोनाल्ड ट्रम्पं डब्ल्यूएचओ नाप सम्बन्ध अन्त्य यायेगु घोषणा याःगु खः।

थुगु कदमयात वाइडेनं ट्रम्पयाःगु गल्तीया रुपय् भिंकुगु कथं काःगु दु। वःम्ह राष्ट्रपतिया निर्णययात भिंकूगुलि डब्ल्यूएचओया प्रमुख टेड्रोस अधानोम गेब्रेयसं सुभाय् बिःगु। विश्वन्यकं स्वास्थ्य महामारी जुया च्वंगु इलय् डब्ल्यूएचओ नाप मेरिकाया सहकार्य अत्यावश्यक जुगु सः ल्ह्वना च्वग्ु इलय् अमेरिकां हाकनं सम्बन्धयात स्वागु धका धाःगु दु।