Display Style:
Column Style
म्यानमारय् द्वलंद्व जनता सतकय्
पोहेलागा त्रयोदशी ११४१, माघ २७ मंगलवाः
म्यानमारय ब्वज्याः यायेत रोक यासां उकिया उल्ल्लंघन याना द्वलंद्व जनता सतकय् वःगु दु । प्रहरीं ब्वज्यामिपिन्त रवरया गोली तकं कयेगकूगु दु ।
स्वनिगः नाई पाइ तावय् कूको विरोधय् जूगु प्रदर्शनय् प्रहरीं लःया फोहोरा व अश्रुग्याँसं कयेगूगु दु । थ्वः प्रदर्शन आःतक या हे तःधंगु धकाः धाःगु दु ।
वंग्ु वालय् सैनिक कू यायेधुंका निर्वाचित सरकार पूनर्वहाली व आङ साङ सूचीलिसें ज्वनातपिं नेतापिन्त त्वतेमाःगु माग याना निरन्तर प्रर्दशन यानाच्वंगु दु । सेनां सत्ता थःगु ल्हातय् कायेधुंका उपिं नेतापिन्त ज्वंगु खः ।
जनता सतकय् कुहाँवय्धुंका सेनाले तःधंगु जमात भेला जुइत प्रतिबन्ध तःगु दु । ५म्हसिबें अप्वः मनुत सार्वजनिक थासय् जम्मा जुइमदइगु आदेश बिउगु दु । छुं शहरय् धाःसा चान्ह्य् कर्फ्यू तकं लागू याःगु दु । आदेशयात अवज्ञा याना द्वलंद्व जनता प्रदर्शनय् कुहाँवःगु दु ।
थुखे म्यान्मारय् सैन्य कू या विरोधय् तच्वःगु प्रदर्शनया दथुइ सैन्य जनरलं न्हापांगु सम्बोधन याःगु दु । सैन्य प्रमुख मुन अङ लङं न्हापांगु खुसी टेलिभिजनपाखें नागरिकयात सम्बोधन यासें लिपांगु पलाःया आवश्यकताया औचित्य पुष्टि यायेगु कुतः यात ।
वय्कःया सम्बोधन आन्दोलनकारीयात ख्यायेगु स्वयां औचित्य पुष्टिइ हे आपाः केन्द्रीत जूगु खनेदुगु धाःगु दु ।
लिपांगु चुनाव स्वच्छ जुइ मफूगु व निर्वाचन आयोग नं छानविनय् असफल जूगु द्वपं वय्कलं बियादीगु दु । वय्कलं याकनं हे निर्वाचन याकाः सत्ता हस्तान्तरण यायेगु प्रतिवद्धता नं प्वंकूगु दु ।
वंगु वालय् सेनां निर्वाचित नेतृ आङ सान सू ची लिसेया नेतातय्त ज्वनाः दच्छिया संकटकाल घोषणा यायेधुंकाः म्यानमारय् न्हियान्हिथं हे प्रदर्शनय् ब्वति काइपिनिगु ल्याः अप्वयावनाच्वंगु दु ।
सेनाया उगु पलाःया विरोधय् म्यान्मारय् दशक दुनेया हे तःधंगु प्रदर्शनत जुयाच्वंगु दु ।
इरानयायात प्रतिवन्ध तयातयेगु अमेरिकी राष्ट्रपति बाइडेनया धापू
पोहेलागा द्धादशी ११४१, माघ २६ सोमवाः
अमेरिकी राष्ट्रपति जो बाइडनं इरानया प्रतिवन्ध मचिइकेगु धयादीगु दु ।
सन २०१५ या आणविक सम्झौता पूवंक कथं पालना यायेमाःगु इयूया देय्तये आशयया दथुइ इरानं अमेरिकी प्रतिवन्ध चिइकेत दबाब बिइमाःगु धाःगु खः ।
इरानया सर्वोच्च नेता अयातुल्ला अली खामेनीं यदि इरान सन् २०१५ य् हलिया प्रमुख शक्ति दे्य्तयेलिसे जूगु बृहत् कार्ययोजनाय् लिहाँवनिगु खःसा उमिसं संयुक्त राज्य अमेरिकायात इरानय् तःगु फुक्क प्रतिबन्ध पूवंक कथं चिइकेत कुतः यायेमाःगु धयादीगु खः । यदि इरानयात अमेरिकां तःगु फुक्क प्रतिबन्ध प्रभावकारी कथं चिइकुगु लूसा इरानं थःपिं नापं हलिंया शक्ति देय्तये दथुइ जूगु आणविक सम्झौतायात नालेत बाध्य जुइगु खामेनीया धापू खः ।
थुकिया लिसःलय् अमेरिकी राष्ट्रपति बाइडेनं अमेरिका इरानयात छुं नं प्रतिबन्ध चिइकेत तयार मदूगु धयादीगु खः ।
सन् २०१५ य् इरान व संयुक्त राज्य अमेरिका, बेलायत, रूस, फ्रान्स, चीन, जर्मनी व युरोपियन युनियन दथुइ इरानयात तःगु आर्थिक प्रतिबन्ध चिइकेगु सहमतिलिपा तेहरानं थःगु आणविक ज्याझ्वया छुं अंशयात म्हो यायेत वा लितकायेत सहमत जूगु खः ।
भारतया उत्तराखण्डय् हिमताल तज्यानाः धौलीगङ्गा खुसि बाः वल, आःतक ११म्ह सित
पोहेलागा द्धादशी ११४१, माघ २६ सोमवाः
भारतया उत्तराखण्डय् हिमताल तज्याःगु दु । हिमताल तज्याःगुनाप खुसि बाः वयाः आःतक ११म्ह मनूत सीगु दुसा २०० सिबें अप्वः तनाच्वंगु दु ।
चमोली जिल्लाया जोशीमठय् हिमताल तज्याःबलय् धौलीगङ्गा खुसि बाः वःगु खः । खुसिया लः थीथी गाँमय् दुहाँवनाः उगु क्षेत्रया मानव बस्तीयात क्षति याःगु दु ।
हिमताल तज्याःगु सुचं चूलाःगुनाप प्रहरीनापया पुचः घटनास्थल थ्यंकाः उद्धार यावंगु दु । इमिसं आः न उद्धार व बेपत्ता जूपिं मनूत मालेज्या यानाच्वंगु भारतीय सञ्चार माध्यमं धागु दु ।
थप क्षतिइ मजुइकेत खुसि जःखःया मनूतय्त स्थानान्तरण याकूगु दु । हिमताल तज्याःगुनाप ऋषिगङ्गा जलविद्युत् आयोजनाय् न क्षति जूगु धागु दु ।
बुखँ एजेन्सी पीटीआईया कथं आयोजनाय् ज्या यानाच्वंपिं सछिम्ह मजदुरत बेपत्ता जूगु दु । सुरुङय् तक्यंपिं १६म्हेसित उद्धार याःगु भारतीय गृह मन्त्रालयं जानकारी ब्यूगु दु ।
बिश्वन्यक २४ घण्टाय् कोरोना सक्रमितपि २३ लाख स्वया अप्वो
शोभा श्रेष्ठ | पोहेलागा द्धादशी ११४१, माघ २६ सोमवाः
वःगु २४ घण्टाया दुने विश्वन्यक कोरोनाया कारण ११ हजार ७५२ म्ह सी धुकुगु दु ।
विश्व स्वास्थ्य संगठनया तथ्यांक कथं आःतक कोरोनाया कारण सीपि २३ लाख २३०२ म्ह थ्यःगु दु । वःगु २४ घण्टाया दुने जक ४ लाख ३२ हजार ३३२ म्ह कोरोना संक्रमित जूगु दु ।
संगठनया तथ्यांक कथं आःतक विश्वन्यक १० करोड ५३ लाख ९४३०१ म्हेसित कोरोना संक्रमण जुइ धुकुगु दु।
विश्वया प्रमुख अर्थतन्त्रपि दथुइ सहकार्य जुइमा
लहानान्युज | पोहेलागा एकादशी ११४१, माघ २५ आइतवाः
अमेरिकी राष्ट्रपति जो बाइडेनं विश्वया प्रमुख अर्थतन्त्रपि दथुइ सहकार्य जूसा जक विश्वया आर्थिक वृद्धिया लागि महत्तवपूर्ण जुइ धका धयादीगु खः।
अमेरिकी राष्ट्रपति निर्वाचित जुगु लच्छि लिपा विश्व कूटनीतिबारेय् न्हापां सम्बोधनया झ्वलय् बाइडेनं चीननाप ग्वाहालि अपूक यायेगु अमेरिका तयार जुगु सङ्केत क्यनादीगु दु । विगत प्यदँय् अमेरिकी कूटनीतिज्ञपिन्स चीन–अमेरिकाया लागि ‘दकलय् तधःगु खतरा’ जुगु ठहर यासे अख्तियार याःगु विदेश नीतिया कारण चीन–अमेरिका दथुइ सम्बन्धय् थप तनाव जुगु खः ।
ट्रम्प प्रशासनं हःगु चीनविरोधी कडा धारया कारण चिनियाँ व्यवसायया विकासय् समस्या वःगुलि नवनिर्वाचित नेतृत्वपाखे विश्वया प्रमुख अर्थतन्त्रपि दथुइ सहकार्ययात बिःगु महत्वं विश्वया अर्थतन्त्रय तक सुधारया आशा हःगु दु। अमेरिकीपिन्स वःगु प्यदँय् चीनया केन्द्रीय हित व मुख्य चासोया मामिलाय् तक हस्तक्षेप याःगु कारण निगु देय् दथुइ रणनीतिक विश्वासयार्त गम्भीर मोडय् थ्यःगु धका चीनं थुइकुगु खः ।
अमेरिकानाप शान्तिपूर्ण सह–अस्तित्व कायम तयेत चीन न्ह्यावलय् इच्छुक जुगु धका चिनियाँ अधिकारीपिन्स धाःगु खः ।
