Display Style:
Column Style
इजरायलय प्रधानमन्त्रीया कार्यलयय् छम्हेसित कोरोना संक्रमण
लहनान्युज | तछलाथ्व एकादशी ११४०,जेठ २० मंगलवाः
इजरायलया प्रधानमन्त्री बेन्जामिन नेतन्याहुया ज्याकुथि ज्या याइम्ह छम्हेसित कोरोना संक्रमण पुष्टि जुग दु ।
इजरायलया प्रधानमन्त्री कार्यालयं उगु खँया जानकारी बिःगु दु । तर उम्ह कर्मचारी प्रधानमन्त्री नेतन्याहु नाप सम्पर्कय् दु वा मदु धका सिइ मदुगु दु ।
प्रधानमन्त्री कार्यालयं बिःगु विज्ञप्तिइ थुकिया अनुसन्धान जारी जुया च्वंगु दु धका धाःगु खः ।
थ्व स्वया न्ह्य निकः तक प्रधानमन्त्री नेतन्याहुं कोरोना संक्रमणया सामना याये धुकुगु दु । वःगु मार्चय् प्रधानमन्त्रीया सल्लाहकारयात न संक्रमण पुष्टि जुग खः ।
वया लिपा अप्रिलय् तत्कालीन स्वास्थ्यमन्त्रीया कोरोना परीक्षण याःगु खः । तर, वयागु रिपोर्ट धाःसा नेगेटिभ वःगु खः ।
जोन्स हप्किन्स विश्वविद्यालयया कथं इजरायलय् आतक १७ द्धः व १६९ म्ह कोरोना संक्रमण पुष्टि जुगु द सा २८५ म्ह धाःसा सीइगु दु ।
वःगु छु ई धका हाकनं इजरायलय् संक्रमण अप्वोया वःगु दु ।
संगीतकार वाजिद खान ४२ दँय् मन्त
लहनान्युज | तछलाथ्व दशमी ११४०,जेठ १९ सोमवाः
भारतया लोकप्रिय संगीतकार वाजिद खान ४२ दँय् मन्त ।
वयात मुम्बईया सीटी अस्पतालमा थौं सोमवाः सुथय् मदुगु खः ।
गायक सोनु निगम, प्रियंका चोपडापिन्स मदुगु सामाजिक सञ्जालं पुष्टि याःगु खः ।
वाजिद खानया परिवारं मदुगु धका भारतीय सञ्चारमाध्य धाःगु खः ।
मदुम्ह खानया दवङ, एक था टाइगर संकिपाय् संगीत तःगु खः ।
भारतय् थौंनिसे लकडाउन कम याइगु
लहनान्युज | तछलाथ्व दशमी ११४०,जेठ १९ सोमवाः
भारतय् जुन ३० तक लकडाउन घोषण याना तःगु खःसा थौंनिसे भचा कम यायेत्यःगु दु । तर राज्यय् कोरोना सङ्क्रमण रोकथामया लागि छु न गतिविधिइ प्रतिबन्ध तयेगु अधिकार केन्द्र सरकारयात बिःगु दु ।
भारतया गृह मन्त्रालयं मल, होटल, रेष्टुरेन्ट व धार्मिक थाय् मेगु वाः जुन ८ निसे चायेकेगु अनुमति बिइ धुकुगु दु ।
तर स्कुल, कलेज लगायतया शैक्षिक संस्था धाःसा राज्य व केन्द्र शासित प्रदेश नाप छलफल लिपा जक जुलाई निसे चायेकेगु धका भारतीय संचारमाध्यम धाःगु दु । लकडाउन खुले जूसा
अन्तराष्ट्रिय हवाई उडान, स्वीमिङ पुल, मनोरन्जन पार्क, सिनेमा घर, बार लगायत धाःसा अझ न बन्द हे जुइ ।
भारतय् आतक १ लाख ९० द्धः व ६०९ म्हेसित कोरोना सङ्क्रमण पुष्टि जुगु दु सा न्याद्धः व ४०८ म्हसिया ज्यान वने धुकुगु दु ।
वःगु २४ घण्टाय् जक भारतय् २२३ म्हेसिया ज्यान वःगु दु सा च्याद्धः व ७८२ म्ह सङ्क्रमित जुगु दु । कोरोना सङ्क्रमित देशया धलः खय् न्ह्यःगु थासय् दु ।
रायलया चिकित्सक दथुइ भर्चुअल सम्वाद
लहनान्युज | तछलाथ्व षष्ठी ११४०,जेठ १५ बिहिवाः
कोरोना भाइरसया संक्रमणपाखे मुक्त जुया च्वंगु ईजरायल व नेपालया चिकित्सकपि दथुइ भर्चुअल वेभिनार जुगु दु । नेपालय् अप्वोया वयाच्वगु कोरोना संक्रमण नियन्त्रण व न्युनिकरणया लागि इजरायलया अनुभव व सफलताया विषय आदन–प्रदानया लागि भर्चुअल सम्वादया लागि इजरायलया लागि नेपाली राजदूत डा. अन्जान शाक्यं जानकारी बियादिगु दु ।
‘
कोरोना भाइरसया संक्रमणपाखे मुक्त जुइत इजरायली सरकार, चिकित्सक व थनया जनतां याःगु व्यवस्थापकीय, नीतिगत, चिकित्सा तथा अन्य अनुभव आदन–प्रदानया विषयय् जिमिसं खँ ल्हाःनागु खः धकाः,’ राजदूत शाक्यं धयादिगु खः,’ राजदूत शाक्यं, ‘कोरोना भाइरसया संक्रमणपाखे मुक्त जुइत थज्याःगु सम्वादं ग्वाहालि जुइगु जिमिसं अपेक्षा यानाःगु दु, थुगु सम्वादयात निरन्तरता बिइगु जुइ धका धयादिगु दु ।’
राजदूत शाक्यं थज्यागु थाकुगु परिस्थितिइ नेपाल व ईजरायलया चिकित्सपि दथुइ सहकार्यं कोरोना संक्रमण व्यवस्थापनय् प्रभावकारी भूमिका म्हितिगुलि जोड बियादिगु दु ।
या उगु सम्वादय् स्वास्थ्य तथा जनसंख्या मन्त्रालयया प्रमुख विशेषज्ञ डा. रोशन पोखरेल, स्वास्थ्य सेवा विभाग, नर्सिङ तथा सामाजिक सुरक्षा महाशाखाया निर्देशक रोशनी लक्ष्मी तुइतुइ,
शुक्रराज ट्रपिकल सरुवारोग अस्पतालया डा अनुप बास्तोला, नेपाल मेडिकल काउन्सिलपाखे प्राध्यापक डा भगवान कोइराला सहभागी जुयादिगु खः ।
अथेहे भेरी अस्पताल नेपालगञ्ज, कर्णाली स्वास्थ्य बिज्ञान प्रतिष्ठान, जुम्ला, सेती अस्पताल, कैलाली, पाटन स्वास्थ्य बिज्ञान प्रतिष्ठान, धुलिखेल अस्पताल, चिकित्सा शास्त्र अध्ययन संस्थान, मनमोहन कार्डियोथोरासिक भास्कुलर एण्ड ट्रान्सप्लान्ट सेन्टर, नेपाल सशस्त्र प्रहरी अस्पताल, नेपाली सेना स्वास्थ्य विज्ञान संस्थान लगायतया थीथी स्वास्थ्य संस्थाय् ज्या यानाच्वपि चिकित्सकपि सहभागी जुयादिगु खः ।
भर्चुअल सम्वादय् ईजरायलपाखे सेबा हस्पीटलया प्रा.डा. एली सेचवार्ज व प्रा.डा. माइकल एल एलकेन लगायत पिनिगु सहभागी दुगु खः । सेबा अस्पताल विश्वया न्ह्यगु उत्कृष्ट अस्पताल खः ।
करीब निघौ तक जुगु उगु सम्वादय् नेपाली पक्षं कोरोना संक्रमणसम्बन्धी वर्तमान स्थिति, समस्या व मेमेगु जिज्ञासा तःगु खः । ईजरायली डाक्टरपिन्स थःगु अनुभवपाखे याये माःगु व याये म्वाःगु बिषय थःथःगु राय प्रस्तुत यानादिगुखः ।
कोरोना संक्रमित जुगु देय् रुस स्वःगु थासय्
लहनान्युज | तछलाथ्व चौथी ११४०,जेठ १३ मंगलवाः
रुसय् थौं मंगलवाः आधिकारिक तथ्यांक कथं वःगु २४ घण्टाय् दुने रुसय् कोरोना भाइरसपाखे सीपि १७४ म्ह थ्यःगु दु ।
थ्व नाप रुसय् कोरोना भाइरसपाखे सीपि स्वद्धः व ८०७ म्ह थ्यःगु दु ।
अथेहे रुसय् वःगु २४ घण्टाय् कोरोना भाइरसं च्या द्धः व ९१५ म्ह न्हुपि संक्रमित जुगु दु ।
थ्व नाप रुसय् कोरोना भाइरसपाखे संक्रमित जुपि स्वगु लाख ६२ द्धः ३४२ म्ह थ्यःगु दु ।
संक्रमित जुपिनिगु ल्याखय् आ रुस अमेरिका व ब्राजिल लिपा स्वगु थासय् लाःगु दु ।
