Display Style:
Column Style
भारतय् कोरानां सीपि १२द्धः थ्यन
लहनान्युज | तछलागा द्धादशी ११४०,असार ४ बिहीवाः
भारतय् कोरोना भाइरस (कोभिड–१९) पाखे सीपिनिगु ल्याः १२द्धः थ्यन ।
भारतया स्वास्थ्य मन्त्रालयं कथं कोरोना भाइरसं सीपि आः १२ द्धः २३७ म्ह थ्यःगु दु ।
वःगु २४ घण्टाय् दुने भारतय् कोरोना भाइरसं सीपिनिगु ल्या ३३४म्ह थ्यःगु दु ।
अथेहे, आतक भारतय् संक्रमितपि स्वगु लाख ६६ द्धः ९४६म्ह थ्यःगु दु । वःगु २४ घण्टाया दुने कोरोना भाइरसं १२ द्धः व ८८१म्ह न्हुपि संक्रमित जूगु दु ।
भारतय् दकलय् अप्व प्रभावित राज्य महाराष्ट्रय् आतक कोरोना भाइरसं छगु लाख १६ द्धः व ७५२म्ह संक्रमित जुइ धुकुगु दु सा न्याः द्धः व ६५१ म्ह कोरोना भाइरसं सी धुकुगु दु ।
भारतय् छन्हु निद्धः स्वया सीत अप्वोल
नृपेन्द्रलाल श्रेष्ठ | तछलागा द्धादशी ११४०,असार ३ बुधवाः
भारतय् कोरोना भाइरसया कारण वःगु २४ घण्टाया दुने निद्धः स्वया अप्वो मनू सीगु दु ।
भारतया स्वास्थ्य मन्त्रालयया तथ्यांक कथं वःगु २४ घण्टाय् दुने भारतय् कोरोना भाइरसं सीपिनिगु ल्याः निद्धः व स्वम्ह सीगु दु । थ्व नाप भारतय् कोरोना भाइरस सीपिनिगु ल्याः ११ द्धः व ९०३म्ह थ्यःगु दु ।
अथेहे भारतय् कोरोना भाइरसया संक्रमितपि स्वगू लाख ५४ द्धः व ६५म्ह थ्यःगु दु । वःगु २४ घण्टाय् भारतय् १० द्धः व ९७४म्ह न्हूपि संक्रमितपि पिहा वःगु दु ।
भारतय् दकलय् अप्वो प्रभावित राज्य महाराष्ट्रय् आः तक कोरोना भाइरसं छगु लाख १३ द्धः व ४४५म्ह न्हुपि संक्रमित पिहा वःगु दु । उगु थासय् न्याद्धः व ५३७ म्ह कोरोना भाइरसया
कारण सीगु दु ।
आःतक भारतय् कोरोना भाइरसं छगू लाख ८६ द्धः व ९३५म्ह संक्रमितपि वासः याका छेँय् लिहा वने धुकुगु दु ।
ब्राजिलय् छन्हु ३५ द्धःयात कोरोना संक्रमण
लहनान्युज | तछलागा द्धादशी ११४०,असार ३ बुधवाः
ब्राजिलय् छन्हु हे ३५ द्धःयात कोरोना भाइरस (कोभिड–१९) संक्रमितपि पिहा वःगु दु । ब्राजिलया स्वास्थ्य मन्त्रालयं मंगलवाः बिःगु जानकारी कथं वःगु २४ घण्टाया दुने ब्राजिलय् ३४९१८ न्हुपि संक्रमित पिहाः वःगु दु ।
ब्राजिलय आतक छन्हु हे यक्को खने दुगु खः । थ्व नाप ब्राजिलय् कोरोना भाइरस संक्रमितपि गूगु लाख २३ द्धः व १८९म्ह थ्यःगु दु ।
अथेहे, कोरोना भाइरसया कारण ब्राजिलय् सीपिनिगु ल्याः ४५द्धः स्वया अप्वोगु दु । आतक ब्राजिलय् कोरोना भाइरसं ४५द्धः व २४१म्ह सी धुकुगु दु । वःगु २४ घण्टाय् जक ब्राजिलय् कोरोना भाइरसया कारण १२८२ म्ह सीगु दु ।
ब्राजिलय् लकडाउन छ्वासुकुगु लिपा कोरोना भाइरसया संक्रमित व सीपिनिगु ल्याः तसक अप्वोगु दु । ब्राजिल अमेरिका लिपा कोरोना भाइरसपाखे अप्वो प्रभावित जूगु देय् खः ।
भारत व चीनया भिडन्तय् २०म्ह भारतीय सैनिक मन्त
लहनान्युज | तछलागा द्धादशी ११४०,असार ३ बुधवाः
भारत व चीनया विवादित सीमा क्षेत्र लद्दाख गलवान क्षेत्रय् निगु देय् सैनिक दथुइ भिडन्त जुगुलि २०म्ह भारतीय सैनिक सीगु दु ।
१५ व १६ जुनय् जुूगु भिडन्तय् भारतीय सेनाया छम्ह अधिकारी व १९ जवान सीगु खः ।
भारतीय सेनां, ‘भारत व चीनका सेना गलवान क्षेत्रं लिचिगु दु । १५ व १६ जुनया चान्ह्य तक निगु देय् या सैनिक दथुइ झडप जूग खः ।
उगु झडपय् १७ म्ह भारतीय सैनिक गम्भीर रुपं घाइते जूगु खः । शून्य डिग्री स्वया कम तापक्रम व यक्को उचाइ दुगु उगु इलाकाय् गम्भीर घाइते जूया १७म्ह सैनिक सीगु खः ।
उगु थासय् २०म्ह भारतीय सैनिक सीगु खः ।
थ्व स्वया न्ह्य भारतीय सेनां छम्ह सैनिक अधिकारी व निम्ह जवान जक सीगु धका धाःगु खः ।
भारतय् छन्हु कोरोनां ३८०म्ह सीत
लहनान्युज | तछलागा एकादशी ११४०,असार २ मंगलवाः
भारतय् कोरोना भाइरस (कोभिड(१९) याना वःगु २४ घण्टाय् दुने ३८०म्ह सीगु दु । भारतया स्वास्थ्य मन्त्रालयय् बिःगु जानकारी कथं आतक भारतय् कोरोना भाइरसया कारण सीपिनिगु ल्याः गुद्धः व गुसः थ्यःगु दु ।
अथेह भारतय् कोरोना भाइरसं संक्रमित जूपि स्वगू लाख ४३ द्धः व ९१म्ह थ्यःगु दु । वःगु २४ घण्टाय् जक भारतय् कोरोना भाइरसं १०६६७ म्ह न्हुपि संक्रमित जूगु दु ।
भारतय् दकलय् अप्वो प्रभावित राज्य महाराष्ट्रय् आतक कोरोना भाइरसं छगु लाख व १०७४४ संक्रमित जुइ धुकुगु दु । अन ४१२८ म्हे कोरोना भाइरसया कारण सीगु दु । अथेतु तामिलनाडुइ ४६५०४म्ह संक्रमित जुगु व ४७९म्ह सीगु दु ।
दिल्लीइ ४२८२९ संक्रमित जुगु दु सा १४००म्ह सिगु दु । गुजरातय् २४५५ संक्रमित जुगु दु सा व १५०५ म्ह सीइ धुकुगु दु ।
आतक भारतय् कोरोना भाइरसं छगु लाख ८०द्धः व १३म्ह संक्रमित वासः याका छेँय् लिहा वने धुकुगु दु ।
