Display Style:
Column Style
अष्ट्रेलियाय् कोरोनाया संक्रमण अप्वल
लहनान्युज | दिल्लाथ्व नवमी ११४०, असार १५ सोमवाः
हलियकं महामारीया रुपय् फैलै जुया च्व्ंंगु कोरोना भाइरस संक्रमणया न्युनीकरण यायेत ताःलागु अष्ट्रेलियाय् हाकन संक्रमण खने दुगु दु ।
लगातार १२ न्हि भिक्टोरिया राज्यया मेलबर्न शहरय् कोरोना भाइरसया न्हुपि संक्रमितपि खनेदुगु खः ।
वंगु स्वन्हु निसे मेलबर्नय् १५०म्ह न्हुपि संक्रमितपि पिहावःगु खः ।
उकि मध्ये आइतवाः जक ४९म्ह अप्वःगु थ्व हे आः तक दकलय् अप्व खः ।
भारतय् छन्हु २०द्धः कोरोना संक्रमित
लहनान्युज | दिल्लाथ्व अष्टमी ११४०,असार १४ आइतवाः
भारतय् छन्हु हे कोरोना भाइरस (कोभिड–१९) करिब २० द्धः न्हुपि संक्रमित थपे जूगु दु ।
भारतया स्वास्थ्य मन्त्रालयया कथं वःगु २४ घण्टाय् कोरोना भाइरस १९द्धः व ९०६म्ह न्हुपि संक्रमित जूगु दु ।
थ्व नाप भारतय् कोरोना भाइरसपाखे संक्रमित जूपि न्यागु लाख २८ द्धः व ८५९म्ह थ्यःगु दु । भारतय् लगातार गुक्वःगु दिं १४द्धः न्हुपि संक्रमित पिहावःगु दु ।
अथेतु भारतय् कोरोना भाइरस (कोभिड–१९) सीपिनिगु ल्याः १६द्धः स्वया अप्वगु दु । अथेहे कोरोना भाइरसया कारण १६ द्धः ९५म्ह थ्यःगु दु ।
भारतय् दकलय् अप्व प्रभावित राज्य महाराष्ट्रय् आः तक छगू लाख ५९द्धः न्हूपि संक्रमित पिहा वःगु दु सा न्ह्यद्धः व २७३ म्ह सीगु दु ।
दिल्लीइ ८०द्धः न्हुपि संक्रमित पिहा वःगु दु सा निद्धः व ५५८म्ह सीगु दु ।
विश्वय् कोरोना भाइरस सङ्क्रमितपि छगु करोड थ्यन
लहनान्युज | दिल्लाथ्व अष्टमी ११४०,असार १४ आइतवाः
आतक छगु करोड ७३ द्धः स्वया अप्व कोरोना सङ्क्रमण पुष्टि जुगु धका वल्डोमिटरं धाःगु दु । अथेतु ज्यान वःपि न्यागु लाख स्वया अप्वगु दु ।
आतक ५ लाख व खुसः स्वया अप्वसिगु ज्यान वःगु दु । छगू करोड स्वया अप्व सङ्क्रमित मध्ये ५४ लाख ५१ द्धः स्वया अप्व वासः याका छेँय् लिहा वने धुकुगु दु ।
अमेरिकाय् २५ लाख ९५ द्धः स्वया अप्व सङ्क्रमित मध्ये छगू लाख २८ द्धः स्वया अप्वसिगु ज्यान वःगु दु । अमेरिकाय् छगू लाख ७७ द्धः डिस्चार्ज जुगु दु ।
ब्राजिलय् १३ लाख १५ द्धः स्वया अप्व सङ्क्रमित मध्ये ५७ द्धः सिगु ज्यान वःगु दु सा खुगु लाख २७ द्धः स्वया अप्व सङ्क्रमित जुगु दु । रुसय् च्याद्धः स्वया अप्वसिगु ज्यान वःगु दु ।
अथेतु, भारतय् ५ लाख २९ द्धः स्वया अप्व सङ्क्रमित जुगु दु ।
अन १६ द्धः स्वया अप्वसिगु ज्यान वःगु दु । भारतय् ३ लाख १० द्धः मनूत वासः याका छेँय् लिहा वने धुकुगु दु ।
अमेरिकाय् २४ घण्टाया दुने पीद्धः सङ्क्रमित जुल
लहनान्युज | दिल्लाथ्व षष्ठी ११४०,असार १३ सनीवाः
अमेरिकाय् वःगु २४ घण्टाय् पीद्धः मनू तयेत कोरोना सङ्क्रमण पुष्टि जूूगु दु ।
आःतक २४ घण्टाय् सङ्क्रमण जुगु मध्ये थ्व हे न्हापागु घटना खः । फ्लोरिडा राज्यय् जक हे झन्डै गुद्धः न्हुपि सङ्क्रमित थपे जूगु दु, थ्व वःगु दिं स्वया न्ह्यःया तुलनाय् ६२ प्रतिशत अप्वःगु खः ।
कोरोना सङ्क्रमित मनू तयेगु ल्याः अप्वगुलि फ्लोरिडा व टेक्सस निगु राज्यय् हाकन लकडाउन प्रतिबन्ध लगे यायेत्यःगु दु ।
अमेरिकाय् आःतक २५लाख स्वया अप्व मनू तयेत सङ्क्रमण पुष्टि जुइ धुकुगु दु सा छगू लाख २७ द्धः स्वया अप्व मनू तयेगु ज्यान वःगु दु ।
अमेरिकी स्वास्थ्य अधिकारीपिनिगु कथं अझ न अप्वइ तिनि धका धाःगु दु ।
बिहीवाः सेन्टर्स फर डिजीजेज कन्ट्रोल (सीडीसी) नं सङ्क्रमितपि वास्तविक ल्याः पुष्टि जूगु स्वया सङ्क्रमण झीगु गुना अप्वइगु अनुमान याःगु दु ।
अमेरिकाय् निगू करोड स्वया अप्व कोरोना संक्रमण जुइगु आशंका
लहनान्युज | दिल्लाथ्व पंचमी ११४०,असार १२ शुक्रवाः
अमेरिकाय् निगू करोड स्वया अप्व मनू तयेत कोरोना संक्रमण जुइगु आशंका याना हःगु दु । अमेरिकाया सेन्टर फर डिजिज कन्ट्रोल (सीडीसी) नं थथे आशंका याःगु खः ।
सीडीसीया डाइरेक्टर डा. रोबर्ट रेडभिफल्डं म्हिगः बिहीवाः सन्चारकःमिपि नाप खँ ल्हाःना दिसे जिमिगु आँकलन कोरोना संक्रमणया छगू रिपोर्ट वये ल्यःदनि, उगु रिपोर्ट वःलकि सिइ दइ । अले जक धाये फइ मेगु झीम्हेसित संक्रमण फैलै जुइ फइ धका धयादिगु खः ।
सीडीसीया कथं थुगु महामारीं यक्को ल्याय् म्ह त जुइ धका धाःगु दु । तर ल्याय् म्हपिन्त जुगु इलय् ल्याय् म्हपिके रोग प्रतिरोधक क्षमता अप्वइगुलि सीइगु कम जुइ धका धाःगु दु ।
सीडीसीया संक्रामक रोग विशेषज्ञ डा. जोय बटलरया कथं ल्याय् म्ह तयेत यक्को संक्रमित जुइगुया कारण उमिके बढा तयके स्वया कम सुरक्षाया उपाय अपने याःसा गाः ।
अमेरिकां ल्याय् म्हपिन्त जागरुक दयेकेत टिकटक थेजाःगु सामाजिक सन्जालं छ्यलिगु योजना दयेकुगु दु ।
विश्व स्वास्थ्य संगठन (डब्ल्यूएचओ) या आपतकालीन टिमया प्रमुख डा. माइक रियानया कथं अमेरिका आः तक न कोरोना संक्रमण उच्च विन्दुइ थ्यःगु मदुनि । वइगु दिनय् संक्रमितपि व सीइपिनिगु ल्याः अझ अप्वइगु सम्भावना दु धका धाःगु दु ।
अमेरिकाया जोन्स हप्किन्स विश्वविद्यालयया कथं थौं अमेरिकाय् कोरोना संक्रमितपिनिगु ल्याः २४ लाख ५२ द्धः अप्वःगु दु । अथेतु १ लाख २५द्धः स्वया अप्व मनूत सीइ धुकुगु दु ।
