Display Style:
Column Style
चीनय् निलालिपा हाकन खनेदत कोरोना संक्रमित
लहनान्युज | तछलागा नवमी ११४०,जेठ ३२ आइतवाः
चीनय् वःगु २४ घण्टाय् निला लिपा हाकन कोरोना भाइरस (कोभिड(१९) या संक्रमित खने दुगु दु । वःगु अप्रिल १३ लिपा यक्को संक्रमित खने दुगु खः ।
चीनया नेशनल हेल्थ कमिसनया कथं ३८म्ह स्थानीय संक्रमित खनेदुगु खः । उकि मध्ये ३६म्ह संक्रमित बेइजिङया खः ।
थ्व चीनया राजधानी बेइजिङय् आतक हे दकलय् अप्वोगु ल्याःखः ।
छन्हु न्ह्यः जक बेइजिङय् खुम्ह संक्रमितपि पिहा वःगु खः । तर, शनिवाः जक सहरया दक्षिण पश्चिमी फेंगताई क्षेत्रय् थुलि अप्वो संक्रमितपि पिहा वःगु खः ।
चीनय् वःगु २४ घण्टा दुने संक्रमित जूपि मध्ये १९म्ह विदेशं लिहा वःपि मनूत खः ।
आतक चीनय् कोरोना भाइरसं ८३द्धः व १३२म्ह संक्रमित जूगु खः । अथेहे, ४६३४ म्हे कोरोना भाइरसया कारण सीगु खः ।
‘नेपाः इजरायल कोरोना इनिसिएटिभ’ नांया समिति गठन
नृपेन्द्रलाल श्रेष्ठ | तछलागा सप्तमी ११४०,जेठ ३० शुक्रवाः
नेपाः व इजरायल दथुइ कोभिड–१९ या ज्ञान व अनुभव कालबिल यायेगु निंतिं छगू समिति नीस्वंगु दु । निगू देय्या चिकित्सक नापं सम्बन्धित अधिकारीत दुथ्याकाः ‘नेपाः इजरायल कोरोना इनिसिएटिभ’ नांया छगू समिति नीस्वंगु खः ।
समितिइ निगूलिं देय्या विशषज्ञ डाक्टरत व विज्ञतय् दुजः कथं च्वनादीगु दु । उगु समितिं ज्ञान व अनुभव आदन–प्रदान यासे समस्या समाधानया लागि पहल यायेगु उदेश्यं नेपाल–इजरायल केरोना योजना (एनआइसीआई) गठन याःगु दु ।
कोराना महामारीपाखे उत्पन्न प्रभाव कम यायेत व आवश्यक मेडिकल व्यवस्थापनया लागि एनआइसीआई गठन इजरायलया लागि नेपाली राजदूत डा.अन्जान शाक्यं जानकारी बियादिगुु दु । वःगु जेठ १३ गते इजरायलया नेपाली राजदूतावासया संयोजनय् नेपाल व ईजरायलया चिकित्सकपि दथुइ नेपालय् अप्वोया वःगु कोरोना संक्रमण नियन्त्रण व न्युनिकरणया लागि इजरायलं याःगु अनुभव व सफलताया विषय आदन–प्रदानया लागि भर्चुअल सम्वाद जूगु खः ।
नेपालय् कोरोनाया वासः नापं आइसोलेसन व्यवस्थापनय् ग्वाहालि याइगु व निगू देय् दथुइया अनुभव कालबिल याइगु खँ धाःगु दु ।
इजरायलया लागि नेपाली राजदूत शाक्यया कथं उगु समितिया नेपालया पाखे स्वास्थ्य सेवा विभाग महानिर्देशक दिपेन्द्र रमण सिंह, नेपाल मेडिकल काउन्सिलया अध्यक्ष डा. भगवान कोइराला, स्वास्थ्य सेवा विभागया निर्देशक तारानाथ पोखरेल, नर्सिङ तथा सामाजिक सुरक्षा महाशाखा, स्वास्थ्य सेवा विभागया निर्देशक रोशनी लक्ष्मी तुइतुइ, राष्ट्रिय जनस्वास्थ्य प्रयोगशालाया निर्देशक डा.रुना झा, स्वास्थ्य तथा जनसंख्या मन्त्रालयका वरिष्ठ स्वास्थ्य प्रशासक डा.गुणनिधि शर्मा, शुक्रराज ट्रपिकल तथा सरुवा रोग अस्पतालया डा. अनुप बास्तोला च्वनादिगु दु ।
अथेहे, स्वास्थ्य तथा जनसंख्या मन्त्रालयया वरिष्ठ जनस्वास्थ्य प्रशासक, भीम प्रसाद सापकोटा, नेपाल सशस्त्र प्रहरी अस्पताल डा. शैलेन्द्र श्रेष्ठ, नेपाल आर्मी अस्पतालया डा. अरुण न्यौपाने, नेपाल आर्र्मी अस्पतालया डा.सुशील रावल, नेपाल प्रहरी अस्पतालया डा.आशिष दत्त, पाटन अस्पतालया डा.आशिष श्रेष्ठ, त्रिवि शिक्षण अस्पताल महाराजगञ्जया डा.सन्त कुमार दास च्वनादिगु खःसा नेपाल पक्षया संयोजकय् काठमाडौं विश्वविद्यालयया डा.विराज कर्माचार्य च्वनादिगु खः ।
मौसम ह्युपाःन कोरोना भाइरस संक्रमण असर मजुइफु : डंब्ल्यूएचओ
लहनान्युज | तछलागा षष्ठी ११४०,जेठ २९ बिहिवाः
विश्व स्वास्थ्य संगठन (डंब्ल्यूएचओ) नं मौसम ह्युपाः वसाः कोरोना भाइरस संक्रमण असर मजुइ धका प्रमाण मदुगु धका धाःगु दु ।
डब्ल्यूएचआें आपतकालीन ज्याझ्वःया प्रमुख माइक रयानं मौसम परिवर्तन वा तापक्रम वृद्धि जुसा भाइरसं गुलि असर याइगु सि मदु धका धाःगु दु ।
वयकलं मौसम परिवर्तनं थुगु भाइरस खतरनाक जुइ फु वा याकन फैलै जुइ मजुइ थुकियाःगु छु न तथ्यांक आतक जिमिके मदु धका धाःगु दु ।
डब्ल्यूएचओया आपतकालीन कार्यक्रमया प्रमुख रयानं छु न देशया स्वास्थ्य सुविधाया स्थिति तसक खराब जूगु व अनया अवस्था चिन्ताजनक दुगु धाःगु दु ।
कोरोनासम्बन्धी तथ्यांक सार्वजनिक यायेत ब्राजिल इनाप याःगु दु
लहनान्युज | तछलागा चतुर्थी ११४०,जेठ २७ मंगलवाः
विश्व स्वास्थ्य संगठन (डब्ल्यूएचओ) न कोरोना सम्बन्धी तथ्यांक सार्वजनिक यायेत ब्राजिलयात अपिल याःगु दु ।
सीपिनिगु वास्तविक ल्याः सूचुका तगुलि आलोचना जुया च्वंगु ब्राजिल सरकारं कोरोना भाइरसपाखे समग्र संक्रमित व सीपिसनगु तथ्यांक सार्वजनिक यायेगु त्वःतुगु दु ।
वःगु शनिवाः ब्राजिलया स्वास्थ्य मन्त्रालय याःगु वेबसाइटय् तया तःगु सीपि व संक्रमितपिनिगु तथ्यांक हटे याना वःगु २४ घण्टाय् खने दुपिनिगु संक्रमित व सीपिनिगु तथ्यांक जक तया तःगु दु ।
डब्ल्यूएचओं ब्राजिलया थुगु पलाःया कदममा चासो कासे तथ्य व पारदर्शिता अपने यान विवरणहरु सार्वजनिक यायेत धाःगु दु ।
ब्राजिल कोरोना भाइरस संक्रमणपाखे दकलय् अप्वो प्रभावित जूगु देशया धलःखय् हलिमय् निगु थासय् लाना च्वंगु खः । जोन्स हप्किन्स विश्वविद्यालयया कथं ब्राजिलमा कोरोना भाइरसपाखे ६ लाख ९१७५८म्ह संक्रमित व ३६ द्धः ४५५म्ह सी धुकुगु दु ।
कोरोना भाइरस संक्रमण रोकथाम तथा नियन्त्रणय् चासो मबिगु धका ब्राजिल सरकारया आलोचना जुया वयाच्वंगु खः । विश्व स्वास्थ्य संगठनया हेल्थ इमरजेन्सी प्रमुखं पत्रकारपि नाप खँ ल्हासे नागरिकपिनिग सुरक्षाय् ध्यान बिया तथ्यांकय् पारदर्शिता अपने यान उकिया सार्वजनिक यायेमा धका धाःगु खः ।
डब्ल्यूएचओपाखे मास्क तयेगु सुझाव
लहनान्युज | तछलागा पारु ११४०,जेठ २४ शनिवाः
बिश्व स्वास्थ्य संगठन डब्ल्यूएचओ मास्कनाप सम्बन्धित निर्देशिकाय् ह्यूपा हःगु दु ।
छू दिं न्ह्य जक मास्कं कोरोना भाइरसया उच्च गतियात रोके याये फइ मखू धका डब्ल्यूएचआें धाःगु खःसा आ मास्कयात सुरक्षा नाप मेगु उपकरणति हे महत्वपूर्ण ख धका धाःगू दु ।
मास्क तयेगु सुझाव बिउसे डब्ल्यूएचओं सार्वजनिक थासय् मास्क तये वयलय् भाइरस फैलै कम जुइगु धका धाःगु दु ।
डब्ल्यूएचओं फेब्रिक मास्क मतसे मेडिकल मास्क तयेत सुझाव बिःगु दु ।
डब्ल्यूएचओं कोरोना सम्बन्धित विशेषज्ञ मारिया भान केरखोभं वःगु छु वाःनिसे अनुसन्धानं मास्कं भाइरस फैलं जुगुलि ग्वाहालि जुगु प्रमाण दुगुलि थुकियात पालना याःगु दु ।
मास्कं जक कोरोनापाखे बचे जुइ फैमखुतर कम जुगु धका डब्ल्यूएचओ धाःगु दु ।
