Display Style:
Column Style
भारतय् कोरोनां सीपिं स्वसः न अप्वल
लहनान्युज | बछलागा त्रयोदशी ११४०,जेष्ठ ७ बुधवाः
भारतय् कोरोना भाइरस (कोभिड(१९) पाखे सीपिनिगु ल्याः स्वद्धः व स्वसः थ्यःगु दु । भारतया स्वास्थ्य मन्त्रालयया कथं वःगु २४ घण्टाय् जक भारतय् १४० म्ह कोरोना भाइरसया कारण सीगु दु ।
अथेहे भारतय् कोरोना भाइरस संक्रमित जुपि छगु लाख व खुद्धः व ७५० म्हेसित संक्रमण खनेदुगु दु । वःगु २४ घण्टाया दुने भारतय् न्याद्धः व ६११ म्हेसित संक्रमित खने दुगु दु ।
भारतया दकलय् अप्वो प्रभावित राज्य महाराष्ट्रय् कोरोना भाइरस संक्रमित जुपि ३७ द्धः व १३६ म्ह थ्यःगु दु । अथेहे, महाराष्ट्रय् १३२५म्ह कोरोना भाइरसया कारण सीइ धुकुगु दु । तमिलनाडुइ १२ द्धः ४४८ म्ह कोरोना भाइरसया संक्रमण खने दुगु दुसा ८४ म्ह सीइ गु ।
आतक भारतय् ४२ द्धः व २९८ म्ह न्हुपि संक्रमितपि वास याका छ्वये धुकुगु दु ।
जिपि रणनीतिक नेतृत्व याना वनेगु जुइ प्रमुख डा. टेड्रोस
लहनान्युज | बछलागा त्रयोदशी ११४०,जेष्ठ ७ बुधवाः
विश्व स्वास्थ्य संगठन (डब्ल्यूएचओ)या प्रमुख डा. टेड्रोस अधानम गेब्रेयेसुसं युरोपेली युनियनया प्रस्तावयात लसकुस याःगु दु । कोरोना महामारीया विषयय् हलियकं प्वका च्वंगु प्रतिक्रियाया समीक्षा यायेगु धका धाःगु दु । उगु प्रस्तावय् कोरोना भाइरसयात कया विश्व स्वास्थ्य संगठनया भूमिकाया जक मखु युरोपेली युनियनया न समीक्षा यायेगु धका धयादिगु दु ।
विश्व स्वास्थ्य सम्मेलनय् समापन समारोहय् न्ववानादिसे टेड्रोसं, ‘कोरोना भाइरसविरुद्ध हलियकं वःगु न्ह्यसःया लिसःबिइत जिमिसं रणनीतिक नेतृत्व याना वनेगु जुइ धका धयादिगु दु ।
कोरोना महामारीपाखे बचे जुइगु लागि विश्व स्वास्थ्य संगठनं ल्ह्वःगु पलाः यात कया संगठनया प्रमुख टेड्रोसया आलोचना जुया च्वंगु दु । अमेरिकी राष्ट्रपति डोनाल्ड ट्रम्पं संयुक्त राष्ट्रसंघ थुगु
संस्थायात चीनया कठपुतली तक धयादिगु खः ।
राष्ट्रपति ट्रम्पं डब्ल्यूएचओ प्रमुखयात ‘ठोस सुधार’या लागि स्वीन्हुया म्याद तक बिःगु खः । सामाजिक सञ्जाल ट्विटरय् डब्ल्यूएचओ प्रमुखयात पौ छ्वया ट्रम्पं स्वीन्हुया दुने कोरोना भाइरस नियन्त्रणया लागि माःगु ज्या मयासा अमेरिकां बिया वयाच्वंगु ग्वाहालि बन्द यायेगु चेतावनी बियादिगु खः ।
चीनं धाःसा ट्रम्पया थज्यागु धापू न अमेरिकां कोरोना भाइरस नियन्त्रणय यायेगु गल्ती सूचुकेगु उद्देश्य याःगु टिप्पणी जक जुगु धका धाःगु दु । २०१९ या डिसेम्बर लिपाःगु वाःपाखे चीनं सुरु जुगु कोरोना भाइरस थौं हलियकं प्रभावित जुया वयाच्वंगु दु । थौंकन्ह्य कोरोना भाइरसया प्रभावित जुगु देय् अमेरिका दकलय् न्हापा जुयाच्वंगु दु ।
अमेरिकाय् कोरोना पिं ९० द्धः थ्यन
लहनान्युज | बछलागा द्धादशी ११४०,जेष्ठ ६ मंगलवाः
अमेरिकाय् कोरोना भाइरस संक्रमणया कारण सीपि ९० थ्यने धुकुगु दु ।
जोन्स हप्किन्स विश्वविद्यालयया तथ्यांक कथं अमेरिकाय् सीपि ९० द्धः व ३०९ म्ह थ्यःगु दु ।
अमेरिकाय् कोरोनापाखे संक्रमित जुपि १५ लाख ६ द्धः ८४० म्ह थ्यःगु दु । अमेरिका कोरोनां हलिमय दकलय् अप्वो प्रभावित जुगु देय् जुगु दु ।
अथेहे अमेरिकी राष्ट्रपति डोनाल्ड ट्रम्पं कोरोना भाइरस संक्रमणपाखे बचे जुइ लागि हाइड्रोक्लोरोक्विन वास नया च्वनागु दु धका धयादिगु खः । थ्व स्वया न्ह्यः ट्रम्पं थुगु वासया खिल्ली उडे याःगु खः ।
वैज्ञानिकपिन्स हाइड्रोक्लोरोक्विनपाखे कोरोनाविरुद्ध बचे जुइत थुगु वास न ग्वाहालि याइ धका थुगु वास भारतं न्याःगु खः ।
दक्षिण सुडानया उपराष्ट्रपतियात न कोरोना संक्रमण
लहनान्युज | बछलागा द्धादशी ११४०,जेष्ठ ६ मंगलवाः
दक्षिण सुडानया उपराष्ट्रपति रिक माशर व वया तिरि मय्जु एजेलिना टेनीयात कोरोना संक्रमण पुष्टि जुुगु दु ।
उपराष्ट्रपति माशरया तिरिमय्जु एजेलिना रक्षामन्त्री खः ।
उपराष्ट्रपति माशरयात १३ मेय् हे कोरोना परीक्षण याःगु खः ।
कोभिड–१९ टास्क फोर्सया छ म्हेसित कोरोना संक्रमण खनेदेवं उपराष्ट्रपति माशरयात परीक्षण यागु इलय् कोरोना पुष्टि जुगु खः ।
माशरया बडीगार्ड व सुरक्षाकर्मीपिन्त न पनि कोरोना संक्रमण खनेदुगु खः ।
जोन्स हप्किन्स विश्वविद्यालयया कथं दक्षिण सुडानय् आतक २९० म्ह कोरोना संक्रमण खनेदुगु दु ।
अन आतक प्यम्ह कोरोना संक्रमणं सी धुकुगु दु ।
भारतय् छन्हु हे न्याद्धः कोराना सक्रमण खनेदत
लहनान्युज | बछलाथ्व दशमी ११४०,जेष्ठ ४ आइतवाः
भारतय् छन्हु हे कोरोना भाइरस (कोभिड(१९) न्याद्धः मनूत संक्रमित जुपि थपे जुगु दु ।
भारतया स्वास्थ्य मन्त्रालयया तथ्यांक कथं वःगु २४ घण्टाया दुने प्यद्धः व ९८७ म्ह न्हुपि संक्रमित खने दुगु दु । थ्व नाप भारतय् कोरोना भाइरसपाखे संक्रमित जुपिनिगु ल्याः ९० द्धः व ९२७ म्ह थ्यःगु दु ।
भारतय् कोरोना भाइरसपाखे सिपिनिगु ल्याः २८७२ म्ह थ्यःगु दु । वःगु २४ घण्टाय् भारतय् सच्छि व २० म्ह थ्यःगु दु ।
भारतया महाराष्ट्र राज्यय् दकलय् अप्वो कोरोना भाइरस संक्रमित जुपिनिगु ल्याः ३० द्धः व न्ह्यसः थ्यःगु दु । महाराष्ट्रय् आतक ११३५ म्ह कोरोना भाइरसया कारण सीगु दु ।
अथहे, गुजरात १०९८८ म्ह संक्रमित जुगु दुसा सीपिनिगु ल्याः ६२५ थ्यःगु दु । मध्यप्रदेशय् संक्रमित जुपि ४७८९ थ्यःगु दु । अन सीपिनिगु ल्याः २४३ म्ह थ्यःग दुु ।
आतक भारतय् ३४ द्धःव १०९म्ह मनूत संक्रमितपि वास याका छेँय् लिहा वने धुकुगु दु ।
