Display Style:
Column Style
बेलायती युवराज चार्ल्सयात नं कोरोना संक्रमण
शोभा श्रेष्ठ | चौलाथ्व पारु ११४०
बेलायती राजकुमार चार्ल्सयात नं कोरोना भाइरसया संक्रमण जूगु दु ।
संक्रमणया पुष्टि जूगुलिसें ७१दँया राजकुमार चार्ल्स आः सेल्फ आइसोलेसनय् च्वंगु दु । वयकः स्कटल्याण्डया बालमोरल क्यास्टलय् सेल्फ आइसोलेसनय् च्वंगु खः ।
वयकःयाके कोरोना भाइरसया सामान्य संक्रमण जक खनेदुगु व वयकःया उसाँय् अवस्था बांलाःगु नं धाःगु दु ।
वयकःया जहान क्यामिल्लायात कोरोना भाइरसया संक्रमण पोजेटिभ खनेमदुगु धाःगु दु ।
संक्रमण खनेमदुसां क्यामिल्लायात नं बालमोरलय् हे सेल्फ आइसोलेसनय् तःगु दु ।
ट्रम्पं सिफारिस याःगु वासः नया मनूसित
लहनान्युज | चांलाथ्व पारु ११४०
अमेरिकी राष्ट्रपति डोनाल्ड ट्रम्पं कोरोना भाइरस संक्रमितया लागि सिफारिस याएगु वासः नया छम्ह मनू सिउगु दुसा छम्ह गम्भीर बिरामी जुगु दु ।
ट्रम्पं कोरोना संक्रमित बिरामीया लागि सिफारिस याउगु क्लोरोक्वाइन नांया वासः नया अमेरिकाया एरिजोनाया निम्हतिपु बिरामी जुगु दु । बिरामीमध्ये भात उपचारया झ्वलय् मदुगु खःसा कलाम्ह न गम्भीर अवस्थाय् दु ।
अमेरिकी सञ्चारमाध्यमं धाःगु कथं क्लोरोक्वाइन उगु वासः नंपि ६० दँया च्वयेयापि खः । उगु वासः क्लोरोक्वाइन न्याया लागि व ट्यांकी सफा यायते छ्य्लिइ वासः खः ।
ट्रम्पं सार्वजनिक अभिव्यक्ति बिइगु इलय् पटकपटक क्लोरोक्वाइन नं कोरोना भाइरस थिक याइ धका धायेगु याना च्वंगु खः ।
औषधि सेवन गर्ने ती महिलाले एनबीसी न्युजसँग क्लोरोक्वाइनको सम्भाव्य फाइदाबारे आफूले ट्रम्पको टेलिभिजन सम्बोधनमार्फत थाहा पाएको र त्यहीअनुरूप सेवन गरेको बताएकी छन् ।
कोरोनाया संक्रमण मजुइकेत सम्भावित जोखिमपाखे बचे यायेगु लागि क्लोरोक्वाइन नःगु खः ।
अमेरिकां फुड एण्ड ड्रग एडमिनिस्ट्रेसन नं मलेरिया, लुप्सलगायत ल्वय्या लागि क्लोरोक्वाइन सिफारिस याःगु खः । तर कोरोनाया ल्वगि तयगु लागि थुके ज्या याइ मयाइ धका आतक ठोस अनुसन्धान जुगु मदुनि ।
अनुसन्धान हे मजुगु वासःया गलत सन्देश प्रवाह याःगु धका घटना लिपा ट्रम्पया चर्को आलोचना जुयाच्वःगु दु ।
फ्रान्सय् कोरोनां थप २४० म्ह मन्त
लहनान्युज | चांलाथ्व पारु ११४०
फ्रान्सय् कोरोना भाइरस संक्रमणं वःगु २४ घण्टां २४० म्ह स्वया अप्वो सीइगु दु ।
आतक फ्रान्सय् कोरोना संक्रमणं सीइपिनिगु ल्याः झीछसः थ्यःगु दु ।
अथहे, फ्रान्सय् नीद्धः व ४४४ म्ह न्हुपि संक्रमित लुगु दु ।
आतक फ्रान्सय् कोरोना जुगु पुष्टि जुपिनिगु ल्याः २२ द्धः स्वसः थ्यःगु दु ।
फ्रान्सय् वःगु चैत्र ४ गतेनिसे लकडाउन याःगु खः ।
भारतय् स्ववाः यंक लकडाउनया घोषणा
लहनान्युज | सिल्लागा औसी ११४०
भारतीय प्रधानमन्त्री नदेन्द्र मोदीं देय् यकं स्ववाःया लागि लकडाउनया घोषणा याउगु दु ।
थौंमंगलवाः बहनी टेलिभिजनय् सम्बोधन यासे थौं चान्ह्य निसे लागु जुइ कथं २१ दिं या लकडाउन घोषणा याउगु दु न् ।
भारतीय प्रधानमन्त्री मोदीं ‘थः प्रधानमन्त्रीया रुपय् मखु, छिकपिनिया हे छम्ह परिवारया सदस्य कथं धयागु खः धका धयादिगु खः ।
स्वास्थ्य विज्ञ पिनिगु सल्लाह कथं कोरोना भाइरसया साइकल तोडे यायेत म्हति न २१ दिं महत्वपूर्ण जुइ धका मोदीं धयादिगु खः ।
मोदीं स्वास्थ्य सम्बन्धी पूर्वाधार मजबुत यायेत केन्द्र सरकारं १५ द्धः करोड ध्यवा छुटे यानगु न धयादिगु खः ।
बेलायतय् न लकडाउन
लहनान्युज | सिल्लागा औसी ११४०
बेलायतया प्रधानमन्त्री बोरिस जोनसनं आवतजावत व जमघट यायेत कडाइ यासे लकडाउनया घोषणा याउगु दु ।
कोरोना भाइरस (कोभिड–१९) पाखे वःगु २४ घन्टा लिपा जक ५५ म्ह सिइगु दु । बेलायत जक कोरोनाया कारण ३३५ म्ह सिइ धुकुगु दु ।
डाइनिङ स्ट्रिटपाखे टेलिभिजन सम्बोधन यानादिसे प्रधानमन्त्री जोनसनं दक्को नागरिक तयेत छेँय् च्वने इनाप याउगु दु । प्रधानमन्त्री जोनसनंया अनुसार आः प्यःगु ज्या यायेत जक छेँय् न पिहा वनेगु अनुमति दु ।
न्हिया न्हिथः उपभोग्य बस्तु, वासः थे जाःगु अत्यावश्यक बस्तु न्यायेत ।
उपचार वा हेरचारया लागि, १८ दँ स्वया कमयापि मस्तय्त थः अभिभावक थाय् वनेत ।
ज्या वनेत व लिहा वयेत, तर थुजःगुु ज्या छेँय् च्वना याये मफइगु जुइमा ।
व्यायामया लागि ब्बाय् वने फइ,न्यासि वने फइ वा साइकल चले याये फइ । तर थ्व छम्ह वा नाप च्वपि नाप जक जुइमा ।
प्रधानमन्त्री जोनसनं अत्यावश्यक बस्तु बाहेकया दक्को पसः बन्द याये धाःगु दु व सार्वजनिक थासय् निम्ह स्वया अप्वो छथाय् च्वने दइ मखु । लाइब्रेरी, खेल मैदान, आउटडोर जिम व
दक्को धार्मिक थाय् न बन्द याःगु दु । पार्कय् व्यायामया लागि वने दइ, तर मनूत जम्मा जुइ दइ मखु ।
सरकारं मनू तयेत जमघट जुइगु सामाजिक ज्याझ्वः न रोक लगे याउगु दु । ब्याहा न रोक याउगु दु । स्वःगु वाःया लिपा थुगु प्रतिबन्धया समीक्षा याइगु व अवस्था स्वया मेगु निर्णय याइगु प्रधानमन्त्री जोनसनं धाःगु दु ।
प्रतिबन्ध उल्लंघन यात धाःसा जरिवाना याइगु तक प्रधानमन्त्री जोनसनं धाःगु दु ।
