Display Style:
Column Style
कोरोनाया कारण विदेशय् १४ म्ह नेपाली सित
लहनान्युज | चौलागा पंचमी ११४०, चैत्र ३० आईतवाः
हलियक महामारीया रुपं फैले जुगु कोभिड–१९ या कारण विदेशय् जक १४ म्ह नेपाली सिइगु दु सा ६६५ म्ह मनूत संक्रमणजुगु दु ।
कोरोना संक्रमणं बेलायतय् च्याम्ह, अमेरिकाय् न्याम्ह व संयुक्त अरब इमिरेट्सय् छम्ह नेपाली सिइगु दु ।
संक्रमण जुपि अमेरिकाय् ५०० म्ह, बेलायतय् १०० म्ह, स्पेनय् १८ म्ह, युएईय् १० म्ह, जर्मनीइ म्ह, पोर्तुगलय् च्याम्ह, अष्ट्रेलियाय् गुम्ह, साउदी अरेबियाय् प्यम्ह, कुवेतय् न्याम्ह संक्रमण जुगु दु ।
अथेहे,जापान, मलेसिया, म्यानमार व हङकङय् छम्ह छम्ह नेपालीयात कोरोना सङ्क्रमण जुगु पुष्टि जुगु दु ।
इटालीइ हाकन २१ दिं लकडाउन
लहनान्युज | चौलागा चतुर्थी ११४०, चैत्र २९ शनिवाः
इटालीइ लकडाउन मे ३ तक तःगु दु । इटालीया प्रधानमन्त्री गिउसेपे कोन्टें देशय् लकडाउन मे ३ तक तयेगु निर्णय याःगु दु ।
इटालीइ मार्च ९ य् न्हापागु लकडाउनया घोषणा याःगु खः । थुगु लकडाउन अप्रिल ३ तक घोषणा याःगु खः ।
लिपागु ई थुगु लकडाउन १३ अप्रिल तक याःगु खः । अझ न इटालीइ कोरोना भाइरस (कोभिड–१९) या महामारी राके मजुनि । थुकिया कारण मेग २१ दिं थपे याना मे ३ तक यायेगु निर्णय याःगु खः ।
इटालीइ लकडाउनं संक्रमित व सिपिनिगु ल्याखय् असर खने दुगु खः । शुक्रवाः सार्वजनिक यागु तथ्यांक कथं इटालीइ लिपागु २४ घण्टाय् ५७० म्ह भाइरसया कारण सिइगु खः ।
थ्वःलिपागु वालय् दकलय् कम खः । तर, इटाली विश्वय् कोरोना भाइरसपाखे सिपि दकलय् अप्वो जुगु देशय् लाः । आतक अन १८ द्धः व ८४९ म्ह मनूत भाइरसया कारण सिइगु खः ।
बेलायती प्रधानमन्त्री बोरिस जोन्सनया स्वास्थ्य् सुधार
लहनान्युज | चौलागा तृतिया ११४०, चैत्र २८
कोरोना भाइरस (कोभिड–१९)या कारण आईसीयूलय् च्वना वास याकाच्वम्ह बेलायती प्रधानमन्त्री बोरिस जोन्सनयात बिहीवाः आईसीयूपाखे पिहा वःगु दु ।
आः न छु ई अस्पतालय् हे च्वनितिनि । बीबीसीइा अनुसार लण्डनस्थित सेन्ट थम्सन अस्पतालय् आइतवाः निसे वासः याका च्वगु खः ।
जोन्सनया अवस्थाय् सुधार जुया वःगुलि आईसीयू न पिहा वःगु खः ।
जोन्सनयात कोरोना भाइरसया संक्रमण पुष्टि जुगु झीन्हु लिपा अस्पतालय् भर्ना जुगु खः ।
सोमवाः जक आईसीयू लय् तःगु खःसा भेन्टिलेटरय् धासा तयेम्वाः ।
आतक बेलायतय् कोरोना भाइरसया कारण सिपिनिगु ल्याः न्ह्यद्धः व ९७८ थ्यःगु दु ।
कोरोना भाइरसं भारतय् डाक्टर छम्ह मन्त
चौलागा पारु ११४०, चैत्र २७
भारतया मध्य प्रदेशय् कोरोना भाइरस (कोभिड–१९)या कारण छम्ह डाक्टर सिइगु दु ।
६२ दँयाम्ह उम्ह डाक्टर शत्रुघ्न पञ्जवानीे कोरोना भाइरसया कारण सिइगु खः ।
उगु घटनायात कया प्रदेशया मुख्यमन्त्री शिवराज चौहानं सामाजिक सञ्जालपाखे कोभिड–१९ विरुद्ध ल्वाना च्वम्ह डाक्टरया आत्माया शान्तियाःगु कामना यानादिगु खः ।
भाइरसया संक्रमण पुष्टि जुया वास याका च्वगु खः । तर, वयागु अवस्था गम्भीर खने दुगु खः ।
थौं सुथय् मदुगु खः । मध्यप्रदेशय कोरोनाया कारण मदुम्ह न्हापाम्ह डाक्टरको खः ।
डाक्टर सिइगुलि प्रशासनं स्वास्थ्यकःमिपिन्त विशेष सावधानी अपने यायेत सुझाव बिगु खः ।
हलियक १५ लाख संक्रमित, ८८ द्धः सित
लहनान्युज | चौलागा पारु ११४०, चैत्र २७
कोभिड १९ या कारण हलियक सिपिनिगु ल्याः ८८ द्धः व ४१४ म्ह थ्यःगु दु ।
जोन हप्किन्स विश्वविद्यालयया कथं संक्रमित पिनगिु ल्याः १५ लाख १३ द्धः ३५८ म्ह थ्यःगु दु । वासः याकेगु झ्वलय् स्वगु लाख द्धःछि व गुम्ह लागु दु ।
इटली आतक दकलय् अप्वा १७ द्धः ६६९ म्ह सिगु दु । थन संक्रमित ल्याः छगु लाख ३९ द्धः व ४२२ म्ह थ्यःगु खः ।
अथेहे, स्पेनय् सिपिनिगु ल्याः १४ द्धः७९२ म्ह थ्यःगु खःसा संक्रमित ल्याः छगु लाख ४८ द्धः २२० थ्यःगु खः ।
अथेतु, संयुक्त राज्य अमेरिकाय् संक्रमित ल्याः प्यंगु लाख ३० द्धः ३०७६ थ्यःगु सिपिनिगु ल्याः १४ द्धः ७३९ थ्यःगु दु ।
अमेरिकाय् छन्ह्ु हे निद्धः मनू सिगु दु । छन्हु न्ह्य जक सिपिनिगु ल्याः १२ द्धः व च्यासः दुगु खः ।
न्युयोर्कय् जक कोभिड १९ या कारण खुद्धः व २६८ सिगु दु । थन छन्हु हे च्यासः स्वया अप्वो मनू सिगु खः ।
फ्रान्सय् सिपिनिगु ल्याः १० द्धः व ८६९ थ्यःगु दु । संक्रमित ल्याः छगु लाख १३ द्धः ९६५ थ्यःगु दु ।
बेलायतय् न्ह्यद्धः व ९७ म्ह सिगु दु । अथहे संक्रमित ल्याः ६१ द्धः ४७४ थ्यःगु दु ।
