Display Style:
Column Style
स्पेनय् कोरोना संक्रमित ल्याः १ लाख थ्यन
लहनान्युज | चौलाथ्व नवमी ११४०, चैत्र १९
स्पेनय् कोरोना भाइरस (कोभिड–१९) पाखे संक्रमित जुीप मनू तयेगु ल्याः १ लाख थ्यन ।
स्पेनया स्वास्थ्य मन्त्रालयया जानकारी कथं वःगु २४ घण्टाय् ७७१० न्हुपि संक्रमित खने दुगु खः ।
आः स्पेनय् संक्रमित जुुपिनिगु ल्याः छगु २१३६ म्ह थ्यःगु दु । वःगु २४ घण्टाया दुने कोरोना भाइरसपाखे ८६४ म्ह सिइगु दु ।
आतक सिपिनिगु ल्याः ९ द्ध व ५३ म्ह थ्यःगु दु ।
वःगु मार्च निसृ स्पेन पूर्ण रुपं लकडाउन याना तःगु खः ।
पोर्चुगलय् च्याम्ह नेपाली कोरोना संक्रमित
लहनान्युज | चौलाथ्व नवमी ११४०, चैत्र १९
पोर्चुगलया राजधानी लिस्बनय् च्वनाच्वपि च्याम्ह नेपालीयात कोरोना संक्रमण जुगु दु ।
इपि च्याम्हं मार्कस्पोम्बलय् छगु हे फ्ल्याटय् च्वनिपिं खः ।
इपि च्याम्ह मध्ये छम्हेसित निवाः न्ह्यःनिसे ज्वरो वयाच्वंगु खः ।
संक्रमित जुपि मध्ये छम्ह मचा व छम्ह प्वाथय् दुम्ह खः ।
निम्हेसित अस्पताल यंकिगु खःसा मेपि छेँय् क्वारेन्टाइनय् च्वना च्वंगु खः ।
उगु हे फ्ल्याटय् च्वनाच्वपि मेपि न्याम्हेसित न क्वारेन्टाइनयुु तःगु दु ।
आतक पोर्चुगलय् क्वारेन्टाइनय् गुम्ह नेपालीयाके संक्रमण खने दये धुकल ।
निक्वःगु विश्वयुद्ध लिपा तधःगु चुनौती खः कोरोना : राष्ट्रसंघ
लहनान्युज | चौलाथ्व नवमी ११४०, चैत्र १९
संयुक्त राष्ट्रसंघया महासचिव एन्टोनियो गुट्रेसं कोरोना भाइरस (कोभिड(१९)या महामारी निक्वःगु विश्वयुद्ध लिपा दकदय् अप्वो चुनौती जुगु धका धयादिगु खः ।
कोरोनां हलियकं सम्भावित सामाजिक आर्थिक प्रभावबारे छगु रिपोर्ट सार्वजनिक यासे महासचिव गुट्रेसं अथे धयादिगु खः ।
कोरोना प्रकोपं विश्वव्यापी मन्दी हये फइगु सम्भावना दुगु धका धयादिगु खः ।
कोरोना प्रकोपं आतक हे दकलय् अप्वो तधःगु हलियकं मन्दी हयेफइगु धका बिचाः तयादिगु खः।
निम्न व मध्यमस्तर देशयात ग्वाहालि राहत कोष
संयुक्त राष्ट्रसंघया महासचिव गुट्रेसं कोरोना भाइरसया महामारीपाखे निम्न व मध्यमस्तरया देशयात राहत कोष बिइगु धका जानकारी न बियादिगु खः ।
गुट्रेसं समन्वयकारी स्वास्थ्य सतर्कता अपेयाना महामारी अन्त्यया लागि भूमिका म्हितेत सकसित इनाप न यानादिगु दु ।
युएई निम्ह नेपालीयात कोरोना संक्रमण
लहनान्युज | चौलाथ्व सप्तमी ११४०
युएई हान निम्ह नेपालीयाके कोरोना भाइरसयाल संक्रमण खनेदुगु दु ।
युएईया स्वास्थ्य तथा रोकथाम मन्त्रालयं थौं मंगलवाः सार्वजनिक याःगु तथ्यांक अनुसार निम्ह नेपाली नाप मेपि ५३ म्हेसित संक्रमितगु जुगु धका धाःगु दु ।
अथहे, थौं मंगलवाः छम्ह सिइगु दु । कोरोनाया कारण सिपिनिगु ल्याः खुम्ह थ्यःगु दु ।
युएई आतक च्याम्ह नेपाली तयेत कोरोना भाइरस (कोभिड १९) या संक्रमण खने दये धुकुग दु । निम्ह वासःयाका लिहा वने धुकुगु दु ।
थौंतक ५३ म्ह मनूतँ संक्रमित जुइ धुकुगु दु सा आतक ६६४ म्ह जुइ धुकुगु दु ।
युएईलय्मा न्हापां मार्च ९ खय् निम्ह नेपाली नाप १४ म्हेसित खने दुगु खः । वया लिपा २७ मार्चय् निम्ह व २८ मार्चय् निम्ह नेपालीयात खने दुगु खः ।
स्पेनय् छन्हु हे ८४९ म्ह सित
लहनान्युज | चौलाथ्व सप्तमी ११४०
स्पेनमा वःगु २४ घण्टां कोरोना भाइरस (कोभिड–१९)या कारण ८४९ म्ह सिइगु ।
कोरोना भाइरसं याना कारण स्पेनय् छन्हु हे सिपिनिगु ल्याः आतक या हे दकलय् अप्वो खः ।
थ्व नाप स्पनेयकं सिपिनिगु ल्याः ८ द्धः व १८९ म्ह थ्यने धुकुगु दु ।
स्पेनया विदेशमन्त्रीं कोरोना भाइरस संक्रमितया ल्याः म्हो जुगु धाःगु कन्ह्य कुन्ह्ु हे अप्वो सिःगु खः ।
स्पेनया स्वास्थ्य मन्त्रालयया अनुसार वःगु २४ घण्टाया दुने ५ द्धः व ८९१ म्ह संक्रमित थपे जुगु खः ।
आतक स्पेनय् कोरोना भाइरसया समग्र संक्रमित ल्याः ९४ द्धः ४१७ म्ह थ्यःगु दु ।
