अमेरिकाया कोलोराडो सर्वोच्च अदालतं पूर्व राष्ट्रपति डोनाल्ड ट्रम्पयात सन् २०२४ य् राष्ट्रपति चुनावं चिइकूगु दु।

वइगु चुनावय् राष्ट्रपतिया प्रमुख दाबेदार माने यानातम्ह ट्रम्पयात अमेरिकी संविधानं विद्रोह खण्डयात क्यसे चुनाव हे चिइकूगु दु धका बीबीसीं धाःगु दु।

ट्रम्प अमेरिकया संविधानय् १४ क्वःगु संशोधनया धारा ३ या कारण योग्य उम्मेदवार मजूगु धका अदालतं धाःगु दु। तर थुगु निर्णय ट्रम्पं इनाप याये दइ।

थ्व स्वया न्ह्यः मेगु राज्यय् न ट्रम्पयात चुनावी इलय् कुतः याःगु असफल जूगु खः। सन् २०२१ य् अमेरिकाया संसदय् जूगु आक्रमणय् जिम्मेवार जूगु कारण ट्रम्प चुनावय् ब्बति काय् मदइगु जुगु कोलोराडोया सर्वोच्च अदालतं निर्णय याःगु दु।

अमेरिकाय् थ्व हे वाः याःगु सर्वेक्षणं वइगु दँय् राष्ट्रपति चुनावय् वर्तमान राष्ट्रपति जो वाइडेन स्वया पूर्व राष्ट्रपति ट्रम्प बलाम्ह दावेदार खने दुगु धका बीबीसीं धाःगु खः।

अमेरिकाया लसभेगासस्थित नेभाडा विश्वविद्यालय परिसरय् गोली चले जुइवं स्वम्ह मनू सीउगु दु । प्रहरी कारबाहीलय् संदिग्ध आक्रमणकारी न सीउगु दु।

सीपि व घाःपाःनिगु म्हसिका खुले जुगु मदुनि। लसभेगास शहरय् प्रहरीं बुधवाः सुथय् जूगु उगु घटनाबारे सामाजिक सन्जाल एक्सपाखे जानकारी बिःगु दु।

गोली छु कारणं चले जुगु धासा सिइमदुनि। प्रहरीया कथं थुगु घटना विश्वविद्यालयया बीम हल न्ह्यने जुगु, अन बिजनेस स्कुल व मेमेगु सुविधा न दु।

प्रहरीं आः स्थिति नियन्त्रणय् काये धुकुगु दु व आः छु न खतरा मदु धका धाःगु दु।

अमेरिकाया पूर्वविदेशमन्त्री हेनरी किसिन्जर सच्छि दँय् मन्त । किसिन्जरया कनेक्टिकटस्थित थःगु हे निवासय् म्हिगः बुधवाः मदुगु धका रोयटर्सं धाःगु दु।

रिपब्लिकन पार्टीया किसिन्जर सन् १९७३ निसे १९७७ तक अमेरिकी विदेशमन्त्री जुयादीगु खः। भियतनाम युद्धविरामया लागि कुतः याःगु कारणं सन् १९७३ य् वय्कःयात नोबेल शान्ति पुरस्कार बिःगु खः।

वयकः अमेरिकी राष्ट्रपति रिचर्ड निक्सनया राष्ट्रिय सुरक्षा सल्लाहकार न जुयादीगु खः। चीननापं सम्बन्ध विस्तारया लागि वयकः पाकिस्तानयो रावलपिण्डीपाखे चीन वंगु खः। वय्कलं चिनियाँ नेता माओ व राष्ट्रपति निक्सनयात भेटवार्ता याकूगु  खः।

उगु कारणं चीन–अमेरिका द्वन्द्वयात अन्त्य जूगु खः। माओ–निक्सन भेटवार्ता विश्व राजनीतिइ तसकं चर्चा जुगु खः।

चीनं न्हुगु पुस्ताया समुन्द्री उपग्रह प्रक्षेपण याःगु दु। चीनं न्हुगु पुस्ताया महासागर रङ अनुगमन उपग्रह अन्तरिक्षय् छ्वंगु दु।

उकि मध्ये समुन्द्री लः सुधार ग्वाहालि याइ। थुकिइ हलिमयय् न्हापागु उच्च परिशुद्धता महासागर रंग अवलोकन उपग्रह खः । उकिइ हलिमयया थीथी लःया निकाययात लक्षित याइ। थुकिइ लःया रंग, लःया तापक्रम, समुन्द्री बरफ, निलम्वित पदार्थ व लःया पारिस्थितिया बारेय् अनुसन्धान याइ।

चीनया राष्ट्रिय अन्तरिक्ष प्रशासन अन्तर्गत पृथ्वी अवलोकन व डाटा केन्द्रया उपप्रमुख इन्जिनियर मेङ लिङ्जीं उपग्रह न चीनया मू समुन्द्री मार्गयात रिमोट सेन्सिङ सेवा लःल्हाइ धका धाःगु दु। नापं न्याँ लःहिइगु स्रोतया उपयोग व समुन्द्री प्रदूषण अनुगमनयात न स्वइ धका धाःगु दु।

थुगु उपग्रह उत्तरपश्चिम चीनया जिउक्वान स्याटेलाइट प्रक्षेपण केन्द्रं लङ मार्च–२सी क्यारियर रकेटपाखे प्रक्षेपण याःगु खः।

इजरायलया प्रधानमन्त्री बेन्जामिन नेतन्याहू न इजरायली सुरक्षा बलनाप माफी फ्वंगु दु। अक्टोबर ७ य् हमासं याःगु आक्रमणबारे पूर्वजानकारी कायेत असफल जूगु धका धासे वयकलं उगु इलय् सुरक्षा बलयात द्धपं बिगु खः।

तर, आः थज्यागु परिस्थितिइ छवाः जुइमाःगु व उगु टिप्पणी यानागु गलत जुगु धका धासे माफी फ्वंगु खः। शनिवाः सामाजिक सञ्जाल एक्सय् नेतन्याहू न हमासया आक्रमणबारे खुफिया सेवा व सुरक्षा एजेन्सी सिन बेटं छु न चेतावनी बिइमफुगु धका च्वंगु खः ।

आः हुया छ्वये धुकुगु उगु पोस्टय् वयकलं अःखतं उगु समूहयात निरुत्साहित यायेगु आश्वासन बिःगु उल्लेख याना तःगु दु। हमासया आक्रमणबारे छु न पूर्वजानकारी काये मफुगु कारणं इजरायलया सेना व खुफिया एजेन्सी आलोचित जूगु खः।

थुकिइ सरकार व सुरक्षा निकाय दथुइ खः ल्वागु खः । थुकिया दथुइ नेतन्याहू न आः छवाः जुइमाःगु दु धका धासे माफी फ्वंगु खः।