भारतया दक्षिणी राज्य केरलाय् मङ्कीपक्स भाइरसं छम्हेसिगु ज्यान वंगु दु। वंगु शनिवाः मदुम्ह उम्ह मनूयात मङ्कीपक्स सङक्रमण पुष्टि जुगु खः।

संयुक्त अरब इमिरेट्स (यूएई) पाखे केरला वंम्ह २२ दँ दुम्ह उम्ह मनूयात शनिवाः मदुगु खःसा नमुना परीक्षणय् याउगुलि मङ्कीपक्स भाइरस खनेदुगु धका केरलाया स्वास्थ्यमन्त्री वीणा जर्ज न पुष्टि जुगु दु धका भारतीय सञ्चारमाध्यमं धाउगु दु। मङ्कीपक्स पुष्टि जुइवं मदुगुलि मेपि २० म्हेसित निगरानीइ तःगु दु।

हलिमय् थीथी देशय् मङ्कीपक्स भाइरस फैलै जुइवं विश्व स्वास्थ्य सङ्गठन डब्ल्यूएचओ न थ्व स्वया न्ह्यः हे स्वास्थ्य सङ्कटया रूपं घोषणा याये धुकुगु दु।

अमेरिकाया न्युयोर्कय् मङ्कीपक्सयो प्रकोप फैलै जइवं सार्वजनिक स्वास्थ्य सङ्कटया घोषणा याउगु दु।

न्युयोर्क सहरया मेयर एरिक एडम्स व सहरया स्वास्थ्य आयुक्त आश्विन भासनं मंकाः कथं छगु विज्ञप्ति पिकया न्युयोर्कय् आःतक १ हजार ३ सय ८३ म्हेसित मङ्कीपक्स सङ्क्रमण पुष्टि जुइ धकुगु दु धका धाउगु दु।

न्युयोर्क सहरय् थुगु प्रकोपं केन्द्र जुगु व मङ्कीपक्सया जोखिम अप्पोगुलि सार्वजनिक स्वास्थ्य सङ्कटया घोषणा यानागु दु धका विज्ञप्तिइ धाउगु दु। विश्व स्वास्थ्य सङ्गठनं वंगु जुलाई २३ तारिखय् हे मङ्कीपक्स अन्तर्राष्ट्रिय च्यूताया विषय जुगु धासे सार्वजनिक स्वास्थ्य सङ्कटया रूपय् घोषणा याउगु दु।

अथेहे, भारतय् न मङ्कीपक्सया जोखिम अप्पोया वयेव थुकिया निगरानी व रोकथामया लागि टास्क फोर्स गठन याये धुकुगु दु। भारतय् आःतक प्यम्हेसित मङ्कीपक्सया सङ्क्रमणया पुष्टि जुइ धुकुगु दु।

भारतय् कोरोनो सक्रमण जूपि हाकन बढे जूगु दु।

वंगु २४ घण्टाय् २० हजार स्वया अप्पोसित कोभिड–१९ या सङ्क्रमण पुष्टि जूगु दु धका केन्द्रीय स्वास्थ्य तथा परिवार कल्याण मन्त्रालयं धाउगु दु।

लगातार स्वन्हुनिसे कोरोना सङ्क्रमितपि २० हजार स्वया अप्पाृ जूयाच्वंगु दु। आःतक भारतय् कोरोना सङ्क्रमितपि ४ करोड ३९ लाख ५९ हजार ३ सय २१ थ्यःगू दु।

अन आः १ लाख ४६ हजार ३ सय २३ म्ह सक्रिय सङ्क्रमितपि दु। कोरोना सङ्क्रमणं लिपागु दिं ४४ म्हेसिगु ज्यान वःगु दु।

भारतया पश्चिम बंगालया कांग्रेस सांसद अधीर रञ्जन चौधरीं राष्ट्रपति द्रौपदी मुर्मूयात ‘राष्ट्रपत्नी’ धाउगु धासे संसदय् विरोध जुगु दु।

सत्तारुढ भारतीय जनता पार्टी विजेपीया सांसदपिन्स संसदय् कांग्रेसं माफी फ्वनेमाः धासे संसद (लोकसभा) य् विरोध याउगु दु। चौधरींया टिप्पणीयात कया विजेपी सांसदपिन्स होहल्ला यायेवं संसद बैठक हे स्थगित जुगु दु।

संघीय मन्त्री स्मृति इरानीं कांग्रेसं मुर्मूप्रति घृणा व उपहास याउगु धका द्धपः बिउगु दु। सत्ताधारी दलं चिधःगु खँयात तधःगु धका  चौधरीं द्धपः बिउगु दु। वयकलं धाउगु दु, ‘जि स्यू भारतया राष्ट्रपति न्ह्यम्हे जूसा झीपिनिगु लागि राष्ट्रपति हे खः, थ्व शब्द (राष्ट्रपत्नी) छकः म्हुतू पिहावःगु खः, सत्ताधारी दल तधःगुकगु धका द्धपः बियादीगु खः।

प्यम्ह कोरोना संक्रमण पुष्टि जुइवं चीनया वुहान सहरय् स्वन्हुया लागि म याउगु दु।

वुहानया जियाङ्जिया क्षेत्रय् प्यम्हेसित कोरोना संक्रमण पुष्टि जुगुलि लकडाउन घोषणा यासे सर्वसाधारणपिन्त छेँ च्वनेत निर्देशन बिउगु दु। आः अन मनोरञ्जन स्थल– बार, सिनेमाघर व इन्टरनेट क्याफे नाप – चिचिधःगु क्लिनिक व कृषि उत्पादन बजार न बन्द याउगु दु।

रेस्टुरेन्ट व तः तःधःगु जमघट जुइ थाय्, प्रदर्शननिसे सभा सम्मेलन दक्को थाय् प्रतिवन्ध याउगु दु। अथहे, दक्को धार्मिक गतिविधि जुइगु थाय्, शिक्षण संस्था लगायत दक्को थासय् स्वन्हुया लागि प्रतिबन्ध तःगु दु।

वुहान कोरोना भाइरस संक्रमण शुरू जुगु केन्द्रविन्दु खः व अन छु दिंनिसे अन न्हुपि संक्रमित खनेदुगु दुगु खः।