चीनय् कोरोना संक्रमणया न्हुगु लहर फैलै जुया वयाच्वंगु दु।

विश्व स्वास्थ्य संगठन (डब्ल्यूएचओ) न चीनय् कोरोना लहरप्रति च्यूता प्वकूगु दु।

डब्ल्यूएचओया इमरजेन्सी चिफ डाक्टर माइकल रायनं चिनियाँ अधिकारीपिन्स बिरामीपिनिगु ल्याः म्हो जूसा अस्पतालया आईसीयू बेड अप्पो बिरामी जुयावःगु विषय च्यूता काःगु दु। जेनेभाया छगु ज्याझ्वलय् वयकलं धाःगु दु, ‘यक्को संक्रामक कोरोना भाइरसयात सार्वजनिक स्वास्थ्य व सामाजिक नियमह जकं पनेफइमखु धका धाःगु दु।

खोप अभियानपाखे हे जक पनिइगु छगु उपाय जुइफु।’ चिनियाँ अधिकारीपिन्स कोरोनाया लिपागु लहरया कारणं वंगु मंगलबाः न्याम्ह व सोमबाः निम्ह सी धुकुगु दु।

अमेरिका जुगु मध्यकालीन निर्वाचन अन्तर्गत न्युयोर्कया राज्यसभाय् नेपाली मूलया अमेरिकी नागरिक विजयी जूगु दु।

रिपब्लिकनया उम्मेदवार केभिन चहिलयात पराजितयासे सरहाना श्रेष्ठ निर्वाचित जूगु दु धका द युनियनं धाःगु दु। श्रेष्ठं ७ हजार ७ सय २ मत हया बिजयी जूगु खः।

१३ क्वःतक विजयी जुयाच्वम्ह केभिन, श्रेष्ठनाप ५ सय २३ मत पराजित याःगु खः। येँ जन्मय् जूम्ह श्रेष्ठ सन् २००१ य् ग्राफिक्स डिजाइन ब्बनेत न्युयोर्क वःगु खः।

श्रेष्ठ सन् २०१९ य् अमेरिकया नागरिकता काःगु खः। श्रेष्ठ जलवायु परिवर्तनबारे वकालत याइम्ह छम्ह अधिकारकःमि न खः।

लगातार स्वंगु वाःनिसे १ हजार स्वया अप्पो कोभिड संक्रमित जुइवं चीनया स्वंगु दर्जन स्वया अप्पो शहरय् लकडाउन याःगु दु।

कोरोना भाइरसया उत्पत्ति जूगु वुहान शहरय् न लक डाउन याःगु दु। अन ८ लाख स्वया अप्पो मनू तयेत वइगु आइतबाः तक छेँय् न पिहा मवयेत निर्देशन बिःगु दु।

उगु थासय् लिपागु वालय् न्हि २०–२५ म्ह कोरोना संक्रमण पुष्टि जुया वयाच्वंगु दु।

आईफोन उत्पादन याइगु दकलय् तधःगु कारखाना दुगु थाय् झेङझाउ शहर नाप चीनया प्यंगुगु तधःगु आर्थिक केन्द्र ग्वाङझाउय् न प्रभावित जूगु दु।

चिनियाँ कम्युनिस्ट पार्टी (सीपीसी) या २० क्वःगु महाधिवेशनं केन्द्रीय सैन्य आयोग (सीएमसी) या उपाध्यक्षय् जिम्मेवारी ७२ दँ दुम्ह चाङ योसियायात बिइगु जुगु दु।

पार्टी महासचिव नाप अध्यक्ष दुगु उगु शक्तिशाली आयोगया नेतृत्व यायेत्यःम्ह चाङ सर्वोच्च नेता सीया विश्वास पात्र कथं कयातःगु दु। थुगु आयोग चीनया दक्को सैन्य व सुरक्षासम्बन्धी ज्याय याइगु निर्णायक निकाय खः।

थुकिया मातहत चिनियाँ जनमुक्ति सेना व प्रहरी निगुलि लाः । थुकियात सैनिक नीति निर्माण नाप कार्यान्वयन याइग्ु निकायया रूपं म्हसिउगु याइ।

वंगु कार्यकालय् सैन्य आयोगया उपाध्यक्ष सुइ चिल्याङ, रक्षामन्त्री जुयादीम्ह वे फङ्कु व संयुक्त स्टाफ विभाग प्रमुख ली झुवचेङं केन्द्रीय समितिपाखे अवकाश काःगु दु।

तर पुलाम्ह सैन्य कमाण्ड अन्तर्गतया आयोगय् राजनीतिक विभागया जर्नेल मियाओ हुआ व सैन्य अनुशासन विभागया जर्नेल चाङ सेङमिन धाःसा आः न केन्द्रीय समितिइ हे दु।

चीनया व्यपारिक केन्द्र सांघाईलय् कोरोना सक्रमण अप्पोया वयेवं स्कुल, कलेज, शपिङ मल बन्द जुगु दु।

मिडिया रिपोर्टया कथं सांघाईलय् वंगु बुधबाः जक ४७ म्हेसित कोरोना सक्रमित जूगु खः। जुन लिपा सक्रमित जूपि थ्व हे दकलय् अप्पोगु खः।

कोरोना (केस) या सक्रमण अप्पोगुलि कम्युनिटी ट्रान्समिसनं सांघाईया १६ मध्ये न्यागु जिल्लाय् लकडाउनया घोषणा याःगु खः।