भारतया मध्य प्रदेशया इन्दौरय् छगु देगलय् छत कुतुवया १३ म्हेसिगु ज्यान वःगु दु। रामनवमीया लसताय् जुयाच्वंगु मेलाय् यक्को हुल जुगुलि देगलय् छत कुतु वया १३ म्हेसिगु ज्यान वःगु दु।

मध्य प्रदेशया गृहमन्त्री नरोत्तम मिश्रं देगःया छत कुतु वया झीम्ह मिसा नाप १३ म्हेसिगु ज्यान वःगु खः। आः तक १९ म्हेसित उद्धार याये धुकुगु दु धका अस्पतालं धाःगु दु।

प्रदेशया मुख्यमन्त्री शिवराज सिंह चौहानं सीम्हसिया थःथितिपिन्त न्यागु लाख व घाःपाः जुपिन्त न्यय् द्धः बिइगु घोषणा याःगु दु।

जर्मनी न युक्रेनयात लियोपार्ड–२ लडाकु ट्याङ्क लःल्हाःगु दु। युक्रेनयात हतियार ग्वहालि यायेगु जर्मनीया प्रतिबद्धता कथं लियोपार्ड–२ ट्याङ्क किएभय् छ्वंगु दु धका रक्षा मन्त्रालयं धाःगु दु।

युक्रेनी टोलीयात लियोपार्ड–२ ट्याङ्क छ्यलेत व सञ्चालनया प्रशिक्षण बिइत १८ गः अत्याधुनिक युद्ध ट्याङ्क छ्वंगु दु धका रक्षा मन्त्री बोरिस पिस्टोरियसं धाःगु दु।

वंगु जनवरीइ जर्मनी न युक्रेनयात लियोपार्ड–२ ट्याङ्क लःल्हायेगु बचं बिःगु खः।

अमेरिकाया टेनेसीय् छगु निजी स्कुलय् गोली चले जुगुलि स्वम्ह मस्त नाप खुम्ह सीगु दु।

न्यासभिलस्थित क्रिश्चियन स्कुल कोभेन्टय् छम्ह मिसां असाल्ट राइफल व ह्याण्ड गनं अन्धाधुन्द गोली चले याःगु खः। उम्ह मनू न प्रहरीया गोली सीगु दु।

गोली लाना स्कुलया विद्यार्थी व शिक्षिकयाना खुम्ह सीगु दु धका बीबीसीं धाःगु दु। स्वम्ह विद्यार्थीपि नाप स्कुलया प्रमुख, शिक्षिका व सुरक्षा गार्ड खः। कोभेन्ट स्कुलय् करिब २०० म्ह विद्यार्थीपि दु।

अन स्वदँनिसे १२ दँ दुपि मस्त ब्बनेगु याइ।

अफगानिस्तानया सहर जुर्म स्वया ४० किलोमिटर दक्षिणपूर्वय् पाकिस्तान व ताजकिस्तानया सीमा नाप केन्द्रविन्दु जूया भुखाय् ब्बगुलि १३ म्ह सीगु दु।

६.५ म्याग्निच्युडया भुखाय् ब्बःगुलि दर्जनौँ मल्याक मनूत घाःपाः जूगु दु धका अन्तर्राष्ट्रिय सञ्चार माध्यमं धाःगु दु। उगु भुखाय् ब्बःगु भारतया राजधानी न्हुगु दिल्लीतक महसुस जुगु धका धाःगु दु।

उत्तरपश्चिमी पाकिस्तानय् ब्बःगु भुखाचं गुम्ह मनू सीगु दु सा ४४ म्ह घाःपाः जुगु दु धका सरकारी अधिकारीपिन्स धाःगु दु।

म्हिगः मंगलबाः चान्ह्यः १०ः३० बजेति भुखाय् ब्बगुलि उत्तरी खैबर पख्तुनख्वा प्रान्तया अस्पतालय् आपतकालीन अवस्थाय् तयातःगु खः।

अफगानिस्तानय् प्यम्ह सीगु दु सा ५० म्ह घाःपाः जूगु दु धका स्वास्थ्य मन्त्रालयया अधिकारीं धाःगु दु।

इन्टरनेशनल क्रिमिनल कोर्ट (आईसीसी) नं रुसी राष्ट्रपति भ्लादिमिर पुटिनविरुद्ध पक्राउ पुर्जी जारी याःगु दु।

आईसीसीं पुटिनविरुद्ध युद्ध अपराधया द्धपः बिउसे, उकिइ मस्तय्त गैरकानुनी रुपमा युक्रेनपाखे रुस छ्वःगु धका बीबीसीं धाःगु दु। रुसं २४ फेब्रुअरी २०२२ निसे युक्रेनय् आक्रमण सुरु याःगु दु।

अय्न उगु आक्रमणया झ्वलय् युद्ध अपराध जूगु द्धपः अस्वीकार याना वयाच्वंगु खः। पक्राउ पुर्जीबारे टिप्पणी यासे रुसी विदेश मन्त्रालयया प्रवक्ता मारिया जखारोवां ‘इन्टरनेशनल क्रिमिनल कोर्टया फैसला झीगु देशया लागि कानुनी रुपं छु न अर्थ मदु’ धका वयकलं धाःगु दु।