भारतय् १६ दँ दुम्ह छम्ह अनलाइन कासा पबजी म्हित्यके मबिउगुलि मांयात हत्या यानाबिगु दु।

थुगु घटना भारत लखनउया यमनापुरम कोलोनी याउगु खः। भारतया समाचार एजेन्सी पीटीआईया कथं १६ दँ दुम्ह पबजीया लत लगे जुगु खः।

तर मांम्हेसिया वयात पबजी म्हित्यः मबिउगुलि तं पिकया थः अबुया लाइसेन्स दुगु पेस्तोलं गोली क्यय्का हत्या यानाबिउगु खः। वया अबु भारतीय सेनाय् ज्यायाइम्ह खः।

वंगु आइतबाः सुथय् ३ बजेति पबजीया लतय् लगे जुम्ह काय् न थः मांयात हत्या यानाबिउगु खः। मंगलबाः उम्ह मचां घटनाबारे थः अबुयात जानकारी बिउगु धका समाचारय् उल्लेख याउगु खः। वया अबुं जलाखलां धया प्रहरीयात सूचं बिउगु खः।

चीनया दक्षिण पश्चिम सिचुुआन प्रान्तया याआन सहरय् बुधवाः न्हिनय् ब्वःगु ६.१ रेक्टरस्केलया भुखाचं प्यम्ह मनूत सीगु दु।

उगुु भुखाचं लानाः मेपिं ४० म्ह सिबें अप्वः मनूत घाःपाः जूगु दु। बिहिवाः सुथय् ९ ता ई तक बाओक्सिङ काउन्टीइ ३४ व लुसान काउन्टीइ ११ म्ह घाःपाः जूगु धका छगू पत्रकार सम्मेलनय् जानकारी बिउगु दु।

भारतीय गायक केके (कृष्ण कुमार कुन्नथ) ५३ दँय् मन्त।

म्हिगः मंगलबाः बहनि कलकत्ताय् सांगीतिक ज्याझ्वः अस्वस्थ जुया उपचारया झ्वलय् मदुगु खः।

कोलकताया नजरुल मन्चमा गुरुदास कलेज जुगु कन्सर्टय् म्ये हालेगु झ्वलय् स्वास्थ्यय् समस्या वंगु खः। 

अस्ट्रेलियाया प्रधानमन्त्री स्कट मोरिसनं वइगु २१ मेया दिं संघीय चुनावया आह्वान याउगु दु।

मोरिसनयो सत्तारूढ गठबन्धनयो प्रतिनिधि सभाय् ७६ सिट दु। चुनाव न्ह्या सर्वेक्षणं सरकार हिलिइगु संकेत बिइ धुकुगु दु।

एन्थोनी अल्वानेसेया नेतृत्वय् दुगु विपक्षी लेबर पार्टी न न्हुगु् सत्ता सम्हाले याइगु अनुमान याउगु दु।

तर, थ्व स्वया न्ह्यःया चुनावय् अधिकांश मत सर्वेक्षणं न थःथःगु अनुमान याउगु खःसा न मध्यमार्गी दक्षिणपन्थी मोरिसनं चुनावय् त्याकूगु खः।

पाकिस्तानया प्रधानमन्त्री इमरान खान बिरुद्ध अविश्वास प्रस्ताव संसदंपाकिस्तानया प्रधानमन्त्री इमरान खान बिरुद्ध अविश्वास प्रस्ताव संसदं पास जुगु दु।

अविश्वास प्रस्ताव संसदं पास जुइवं पदपाखे हटे जुगु दु। वंगु चान्ह्यः संसदय् जुगु भोटिङय् अविश्वासया प्रस्तावय् १७४ मतं पारित जुइवं इमरान खान प्रधानमन्त्री पद गुमे जुगु खः।

पूर्वराष्ट्रिय क्रिकेट खेलाडी इमरान खान सन् २०१८ या अगष्टय् पाकिस्तानय् प्रधानमन्त्री जुगु खः। पाकिस्तानया नेश्नल एसेम्बलीइ ३४२ सदस्यपि दु।