पाकिस्तानय् संसद (नेश्नल एसेम्ब्ली) पुनस्र्थापना यायेगु प्रधानमन्त्री इमरान खानविरुद्ध दर्ता जुगु अविश्वासया प्रस्तावय् भोटिङ यायेत आदेश बिउगु दु।

उपसभामुख कासिम सुरीं अविश्वास प्रस्ताव खारेज यायेवं प्रधानमन्त्रीया सिफारिसय् राष्ट्रपतिं संसद भंग यासे मध्यावधि निर्वाचन घोषणा याउगु खः।

तर सर्वोच्च अदालतलया प्रधानन्यायाधीश उमर अता बान्दियाल नेतृत्वया न्याम्ह सदस्यीय बेञ्चं अविश्वास प्रस्ताव खारेज यासे उपसभामुख कासिम सुरीया निर्णययात असंवैधानिक ठहर याउगु दु।

प्रधानमन्त्री खानं संसद भंग यायेगु राष्ट्रपतियात सिफारिस यायेमफइगु ठहर यासे संसद पुनर्स्थापना याउगु खः। नाप ९ अप्रिलय् अधिवेशन सत्यःगु व अविश्वास प्रस्तावय् भोटिङ याकिइगु जुगु दु।

अदालतया थुगु फैसला प्रधानमन्त्री इमरानया तःधगु झड्का लगे जुगु दु। पूर्व प्रधानमन्त्री बेनेजिर भुट्टाया काय् बिलावल भुट्टां लोकतन्त्रया तधःगु बदला जुगु धका धाउगु दु।

अमेरिकी राष्ट्रपति जो बाइडेनं भ्लादिमिर पुटिनविरुद्ध युद्ध अपराधया लागि मुद्दा न्ह्याकेत आह्वान याउगु दु ।

वयकलं युक्रेनय् अमानवीय ढंगं हत्या व हिंसा याउगु कारण थम्हेसिया रुसयात थप न्हुगु नाकावन्दी तयेगु जुइ धका धाउगु दु।

बाइडेन न युक्रेनय् बुचा सहरयात लुमका पुटिनयात ‘युद्ध अपराधी’ या संज्ञा बिउगु खः।

युक्रेनी राष्ट्रपति भोलोदिमिर जेलेन्स्की न राजधानी किभयात घेरे यानातःगु सहरमध्ये छगु बुचाया स्थलगत भ्रमण यासे बाइडेन न थथे बिचाः तःगु खः।

श्रीलंकाय् मन्त्रीपिन्स मंकाः राजीनामा बिउगु दु।

प्रधानमन्त्री महिन्दा राजापाक्षे बाहेक श्रीलंकाया दक्को २६ म्ह मन्त्रीपिन्स मंकाः राजीनामा बिउगु दु धका बीबीसी न धाउगु दु।

आर्थिक संकटया कारण श्रीलंकाका नागरिकपिन्स तंपिकाया च्वंगु अवस्था दु। सरकारविरुद्ध सतकय् प्रदर्शन जुया च्वंगु दु सा अन लुटपाटया घटना अप्पोया वंगुलि देयन्यक कर्फ्यु तक जुयाच्वंगु दु।

कर्फ्युया उल्लंघन यासे प्रदर्शन जुइवं मन्त्रीपिन्स मंकाः राजीनामा बिउगु खः।

अमेरिकाया क्यालिफोर्नियाय् गोली चले जुया खुम्हेसिगु ज्यान वंगु दु सा १२ म्ह घाइते जुगु दु।

क्यालिफोर्निया राज्यया राजधानी सेक्रामेन्टोय् रेष्टुरेन्ट व बारया व्यस्त इलाकाय् आइतबाः सुथय् गोली चले जुगु खः।

गोली चले जुगुलि प्रहरीं न जवाफी कारबाही याउगु खः ।

घटनाय् संलग्नया पहिचान मजुगु व अनुसन्धान जुयाच्वंगु धका प्रहरीं धाउगु दु।

पाकिस्तानी प्रधानमन्त्री इमरान खानं संसद भंगया सिफारिस याउगु दु।

थःविरुद्ध वःगु अविश्वासया प्रस्तावयात संसदं पनाबीधुंकाः खानं संसद भंग यायेत सिफारिस आः चुनावया तयारी न्ह्याकेगु घोषणा याउगु दु।

पाकिस्तानी संसदं अविश्वासया प्रस्ताव खारेज यायेवं प्रधानमन्त्री खानं राष्ट्रया नामय् संशोधन यासें राष्ट्रपति समक्ष संसद भंग यायेत सिफारिस यानागु जानकारी बिउगु खः।

प्रधानमन्त्री बुइगु खनेदुगु अविश्वासया प्रस्तावय् मतदान याकेत संसदया उपसभामुखं अस्वीकार याःगु खः।

विपक्षीतय्सं धाःसा खानया द्वपं हास्यास्पद जूगु व खानविरुद्ध अविश्वासया प्रस्ताव हयेगु निंतिं अमेरिकाया ल्हाः दु धयागु द्वपं असत्य खः धाःगु दु।

विपक्षीत प्रधानमन्त्री खानया गठबन्धन दुनेया तःम्ह हे सांसदतय्त थःपाखे सालेत ताःलायेवं खान अविश्वासया प्रस्तावय् पराजित जुइगु खनेदुगु खः।