श्रीलंकाय्  राष्ट्रपतिया सरकारी निवासय् प्रदर्शन श्रीलंकाय् प्रदर्शनकारीपिन्स राष्ट्रपतिया सरकारी निवासय् प्रदर्शन याउगु दु।

हजारौं प्रदर्शनकारीपिन्स राजधानी कोलम्बोय् प्रदर्शन यासे प्रहरीया अवरोध दथुइ राष्ट्रपतिया निवास वना थौं शनिबाः प्रदर्शन याउगु दु।

श्रीलंकाय् आर्थिक मन्दी जुया तच्वःगुलि श्रृङ्खलावद्ध प्रदर्शन जुयाच्वंगु खः। थौं जुगु प्रदर्शन दकलय् तधःगु खः।

श्रीलंकाय् राष्ट्रिय ध्वाँय् व हेलमेट पुना प्रदर्शनकारीपिन्स राष्ट्रपति कार्यालय तोडफोड याउगु खः।

थज्यागु स्थिति वंगुलि राष्ट्रपति गोटावाया राजापाक्षे दोषी दु धका प्रदर्शनकारीपिन्स न्याला निसे राजीनामा फ्वना वयाच्वंगु खः।

जापानया पूर्वप्रधानमन्त्री शिन्जो आबेयात गोली क्यकूगु दु। देशया पश्चिम क्षेत्रया नारा धैगु थासय् सतकय् भाषण यानाच्वंगु इलय् आबेयात ल्यूनेपाखें गोली क्यकूगु खः।

जापानया समाचार एजेन्सी एनएचकेया कथं गोली लाःगु थासं हि बाः वःगु खः। आबेयात नारा मेडिकल युनिभर्सिटीइ भर्ना याःगु दु। वया अवस्था तच्वः जूगु दु।

गोली प्रहार याःम्ह मनूयात नियन्त्रणय् कयाः घटनाया अनुसन्धान यानाच्वंगु प्रहरीं जानकारी ब्यूगु दु।

शिवसेना विद्रोही समूहया नेता एकनाश शिन्दे महाराष्ट्रय् न्हुम्ह मुख्यमन्त्री जुगु दु।

महाराष्ट्रया पूर्वमुख्यमन्त्री नाप बीजेपी नेता देवेन्द्र फडणवीसं पत्रकार सम्मेलनपाखे शिन्दे न्हुम्ह मुख्यमन्त्री जुइगु जानकारी बिउगु खः।

फडणवीसं राज्यपाल भगतसिंह कोश्यारीयात नापलाये धुका शिन्देयात मुख्यमन्त्री दयकेगु जानकारी बिउगु खः। बुधबार उद्धव ठाकरे न राजीनामा बिइवं बीजेपीपाखे फडणवीस मुख्यमन्त्री व शिन्दे उपमुख्यमन्त्री जुइगु आकलन याउगु खः।

तर बिहीबाः अचानक फडणविस व शिन्दे न मंका पत्रकार सम्मेलन यासे महाराष्ट्र विकासया लागि बीजेपी व शिवसेना हाकन नाप वयागु खः धका धाउगु खः। शिन्दे समूहं छु दिं न्ह्यःनिसे उद्धव पक्षं याकचा हे पार्टी न्ह्याकगु, हिन्दुत्वया एजेन्डा त्वतूगु द्धपः बियावया च्वंगु खः।

शिन्देनाप शिवसेनाया ४० विधायक दुगु दाबी यानावयाच्वंगु खः। स्वतन्त्रनाप थःपिके ५० म्ह सांसद दु धका दाबी यानावयाच्वंगु खः। बीजेपी महाराष्ट्रया दकलय् तधःगु पार्टी खः।  बीजेपी नाप १०६ म्ह सांसद दु। ठाकरेया पक्षय् १६ म्ह सांसद दुगु दाबी यानाच्वंगु दु। अथेहे विधानसभाय् कांग्रेसय् ४४ व एनसीपीइ ५३ म्ह सांसदपि दु।

भारत महाराष्ट्र प्रदेशया मुख्यमन्त्री उद्धव ठाकरे न राजीनामा बिउगु दु। बहुमत परीक्षणया लागि सर्वोच्च अदालतं आदेश बिइवं राजीनामा बिउगु खः।

सामाजिक सन्जालय् लाइभ भिडियोपाखे ठाकरें  धाउगु दु, ‘जि शिवसैनिकपिनिगु हि बाः वयेमाः धइगु चाहे मजू। उकिइं महाराष्ट्रया मुख्यमन्त्री पद त्यागे यानागु दु।

पद त्याग यायत जितः छु न दुःख मजु।’ ठाकरे भारतया शिवसेना प्रमुख न खः। वया लिपा राज्यपाल भगतसिंह कोसियारीयात थःगु राजीनामा बुझे यायेत राजभवन वःगु खः। ठाकरे न विधान परिषदया सदस्यपाखे न राजीनामा बिइ धका धाउगु दु।

सर्वोच्चया न्यायाधीशपि सूर्यकान्त व जेबी पार्डिवालां रिटय् सुनुवाइ यासे विधानसभाय् फ्लोर टेस्ट यायेत रोके याये फइमखु धका फैसला याउगु खः।

वयालिपा मुख्यमन्त्री ठाकरे न राजीनामा बिइगु घोषणा याउगु खः। शिवसेनाका विद्रोही नेता एकनाथ शिन्देसमक्ष बहमुत सदस्य दुगुलि ठाकरेयात विधानसभाय् बहुमत क्यनेत चुनौती बिउगु खः तर ठाकरें बहुमत सिद्ध मयासे राजीनामा बिउगु खः।

अथेहे आः महाराष्टय् एकनाथ शिन्दे तक समर्थनय् भाजपा नेता देवेन्द्र फडणवीस मुख्यमन्त्री जुइगु चर्चा दु।

भारतय् कोरोना भाइरसं थप ६ हजार स्वया अप्पो संक्रमित जुगु दु।

सरकारी अधिकारीपिन्स मंगलबाः बिउगु जानकारी कथं छन्हुया दुने ६ हजार ५९४ म्हेसित संक्रमित जुगु खः।

अथेहे म्हिगः सोमबाःया सार्वजनिक विवरण कथं ८ हजार ८४ म्हेसित संक्रमित जुगु खः।

भारतय् आः संक्रमित अवस्थाय् हे ५० हजार ५४८ म्ह दु धका स्वास्थ्य मन्त्रालयं धाउगु दु।

संघीय स्वास्थ्य मन्त्रालयं म्हिगः छन्हु हे ४ हजार ३५ म्ह कोरोना संक्रमणमुक्त जुगु जानकारी बिउगु खः।