बुर्किना फासाया सेना न राष्ट्रपति रोच मार्क क्रिस्चियन काबोरेयात अपदस्थ यासे सरकार व राष्ट्रियसभा विघटन याउगु दु।

सेना न सोमबाः घोषणा याउगु कथं देशया सीमा न बन्द याउगु दु।

अथेहे, सत्तारूढ दलं थ्व स्वया न्ह्य छगु विज्ञप्तिपाखे राष्ट्रपति रोच हत्या यायेगु कुतःपाखे बचे जुगु धका धाउगु खः।

भारतय् लगातार कोरोना सङ्क्रमण जूपि घटे जुगु दु। म्हिगः भारतय् र्२ लाख ५२ हजार ८ सय ७४ म्ह कोरोना सङ्क्रमण पुष्टि जुगु खःसा आइतवाःया तुलनाय् ५० हजार स्वया अप्पो कमी जुगु दु धका भारतया स्वास्थ्य मन्त्रालयं धाउगु दु।

अथेहे २४ घण्टाया दुने भारतय् कोरोना सङ्क्रमणं ६ सय १४ म्हेसिगु ज्यान वंगु दु।

बिहीवाः भारतय् ३ लाख ४७ हजार म्हेसित कोरोना पुष्टि जुगु खः। न्यान्हुया दुने हे कोरोना सङ्क्रमितपि २७ दशमलव २० प्रतिशतं कम जुगु दु धका भारतीय सञ्चारमाध्यमं धाउगु दु।

अफ्रिकी देय् बुर्किना फासोय् सेनां शासन सत्ता थःगु ल्हातय् काःगु दावी याःगु दु ।

बुर्किना फासोया राष्ट्रपति रोज काबोरेयात अपदस्थ याना सत्ता कब्जा यानागु सेना दावी याःगु दु ।

सेनाया छम्ह उच्च अधिकारीं टेलिभिजनपाखें सन्देश बिउसें सुरक्षाया अवस्था तच्वकं बाँमलागुलिं सत्ता कब्जाय् कायेमाःगु धाःगु दु ।

बुर्किनो फासोय् लिपांगु ईलय् इस्लामवादी विद्रोहीपिन्सं संरक्षण याःगु द्वपं बिउसें देशय् अशान्ति ब्वलंकूगु सेनाया दावी दु ।

यद्यपि राष्ट्रपति रोजयात ज्वंगु वा सुरक्षित थासय् च्वनाच्वंगु दु धैगु बुखँ पिहाँवःगु मदुनि ।

राष्ट्रपतिं देय्या सुरक्षा संकटलिसें ल्वायेत असफल जूगु व देय्यात छधि यायेगु भूमिका मम्हितुगुलिं देय्या हितया नितिं सेनां मेगु पलाः न्ह्याकेगु दावी नं याःगु दु ।
 

फगानिस्तानया हेरात प्रान्तय् बम विस्फोट जुगुलिं न्ह्यम्हेसिया ज्यान वंगु दु सा गुम्ह घाइते जुगु दु।

छगः भ्यानय् बम विस्फोट जुगु धका अनया सञ्चारमाध्यमं धाउगु दु। बम विस्फोट सूना याउगु ख धका आःतक सिइमदुनि।

अफगानिस्तानय् तालिबानं सत्ता चले याये धुका थज्याउगु घटना इस्लामिक स्टेट आईएसं याना वयाच्वंगु खः।

घटनाया अनुसन्धान जुयाच्व.गु दु धका तालिबानं धाउगु दु ।

भारतया मुम्बईलय् छगु भवनय् मिँ च्याना खुम्हेसिगु ज्यान वंगु दु।

मुम्बईया तारदेवय् छखाः २० तल्ला छेँय् शनिबाः सुथय् मिँ च्याउगु धका भारतीय सञ्चार माध्ययमं धाउगु दु। कमला भवनया १८ गु तल्लाय् मिँच्याउगु ख।

खुम्हेसिगु ज्यान वंगु खःसा २८ म्ह घाइते जुगु धका इन्डिया टुडे न धाउगु दु।