शनिबाः न्हिनय् फिलिपिन्सया सारंगानीइ २३१ किलोमिटर तापाप्क ६ म्याग्निच्युडया भुखाय् ब्बःगु दु धका अमेरिकी भूगर्भ सर्वेक्षणं धाउगु दु।

२३.९९ किलोमिटर क्वय् न भुखाय् ब्बःगु खः। भुखाय् ब्बःगु केन्द्र सुरुइ ३.६९५१ डिग्री उत्तर अक्षांश व १२६.६७४७ डिग्री पूर्वी देशान्तरय् धका धाउगु दु।

अमेरिकां रुसयात युक्रेनय् पूर्ववर्ती सरकार पक्षधरतयेत ग्वाका सत्तापलट याकेत स्वगु धका द्वपं बिउगु दु ।

थःपिनि गुप्तचरत परिचालन याना रुसं यु्क्रेनय् सत्तापलट याकेगु व पूर्ववर्ती सरकार पक्षधरयात युक्रेनया शासनय् हयेगु चाल रुसं न्ह्याकुगु अमेरिकी द्वपं दु ।

अमेरिकाया अर्थ मन्त्रालयं उगु ज्याया नितिं ४म्ह खटे जूगु व उपिं मध्ये २म्ह युक्रेनया संसदये हे दूगु दाबी याना उपिं क्रेमलिनया राणनीति कथं युक्रेनय् अस्थिरता न्यंका सत्तापलट याकेगु ज्याय् च्वन्ह्यागु द्वपं बिउगु खः ।

रुसं युक्रेनया उच्च पदतये थःपिनि मनूत थ्यंका गोप्य सूचंत कयाच्वंगु दाबी नं अमेरिकाया दु ।

थ्वहे दथुइ युक्रेन मामिलायात कया अमेरिकी विदेशमन्त्री एन्टोनी ब्लिङ्केन व रुसी विदेशमन्त्री सर्गेइ लाभारोब दथुइ थौं जेनेभाय् भेटवार्ता जुइत्यंगु दु ।

वार्ता न्ह्यः अमेरिकी विदेशमन्त्री ब्लिङ्केनं युक्रेनय् हस्तक्षेप यायेगु कुतः रुसं याःसा पश्चिमा शक्तितयेसं उकिया मंका कथं लिसः बिइगु लिसाकयादीगु दु ।

लाइबेरियाया राजधानी मोनरोभियाया छगू धार्मिक ज्याझ्वलय् भागदौड जूबलय् ११ म्ह मस्त लिसें २९म्ह सीगु दु ।

बिहीबाः मोनरोभियाया उत्तरी लागाय् दूगु न्यू क्रु टाउनया फुटबल मैदानय् जूगु ज्याझ्वलय् भागदौड न्यंगु अधिकारीतयेसं न्ह्यथंगृु दु । भागदौडय् आपालं घाःपाः जूगु हुनिं सीपिनि ल्याः अझं अप्वयेफइगु प्रहरीयात उदृत यासें अन्तराष्ट्रिय सञ्चारमाध्यमं न्ह्यथंगु दु ।

क्रिस्चियन प्रार्थना सभाय् सीपिंलय् मस्त नं दूगु स्थानीय सञ्चारमाध्यमं न्ह्यथंगु दु । भागदौडया हुनिं धाःसा ध्वाथूगु मदुनि । अयेसां छुं मनूतयेसं ल्वाभः लिसें प्राथना यानाच्वंपिन्त हताः यायेगु न्ह्याकेधुंका भागदौड न्यंगु धाःगु दु ।

उगु झ्वलय् छम्हसित ज्वंगु दु । अफ्रिकाया दक्वःलय् पुलांगु गणतन्त्र देय् लाइबेरियाय् लिपांगु दँ हिंसात्मक ज्यापहः याइगु गिरोहया ल्याः अप्वयावंगु दु ।

सन् १९८९ निसें २००३ या दथुइ तच्वगु गृहयुद्धया हुनिं लाईबेरियाया अर्थतन्त्र क्वन्ह्यागु लिसें लखौंलख मनूत गरिबीया चपेटाय् लाःगु दु ।

भारतया छन्हुया दुने ३ लाख स्वया अप्पोसित कोरोना भाइरसया सङ्क्रमण जूगु दु।

वंगु २४ घण्टाया दुने ३ लाख १७ हजार ५ सय ३२ म्हेसित सङ्क्रमित जूगु दु धका भारतीय सञ्चारमाध्यमं धाउगु दु।

भारतय् च्याला लिपा ३ लाख स्वया अप्पोसित कोरोना सङ्क्रमित जूगु दु।

अथेहे, वंगु २४ घण्टाय्  कोरोनां ४ सय ९१ म्हेसिगु ज्यान व.गु दु सा २ लाख २३ हजार ९ सय ९० म्ह कोरोनामुक्त जूगु दु।

भारतय् छन्हुया दुने थप २ लाख ८२ हजार स्वया अप्पोसित कोरोना संक्रमित जुगु दु।

म्हिगः स्वया १८.९ प्रतिशतं अप्पो खः। वंगु २४ घण्टाय् २ लाख ८२ हजार ९७० म्हेसित संक्रमित जूगु धका भारतया केन्द्रीय स्वास्थ्य मन्त्रालयं धाउगु दु।

अथेहे ४४१ म्ह सीउगु दु धक न मन्त्रालयं धाउगु दु। संक्रमित पुष्टि जुगु मध्ये दकलय् अप्पो कर्नाटकय् ४१ हजार ४५७ म्हेसित पुष्टि जुगु खः। महाराष्ट्र ३९ हजार २०७ म्ह, केरलय् २८ हजार ४८१, तमिलनाडुइ २३ हजार ८८८ व गुजरातय् १७ हजार ११९ म्ह सक्रमितपि थपे जुगु खः।