बागमती प्रदेशया सूचना संकलन व भण्डारण यायेगु उदेश्यं एग्रिगेटरया रुपं सूचना बैंक सञ्चालनय् हःगु दु।

सूचना बैंकया शुक्रबाः आन्तरिक मामिला तथा कानूनमन्त्री डा. अजयक्रान्ति शाक्यं हेटौँडाय् छगु ज्याझ्वः दथुइ उलेज्या यानादीगु दु। उलेज्यालिपा सम्बोधन यानादीसे मन्त्री शाक्यं बागमती प्रदेशया सूचना बैंकय् आः प्रदेशया न्ह्यगू मन्त्रालय, प्रदेश प्रमुखया कार्यालय, प्रदेशसभा नाप १४ गु कार्यालयय् सूचना छगु हे पोर्टलपाखे उपलब्ध जुइगु जानकारी बिउगु दु।

प्रदेश सञ्चार माध्यम व्यवस्थापन ऐन व नियमावली दुगु व्यवस्था कथं सञ्चार रजिष्ट्रार कार्यालयपाखे एग्रिगेटर सूचना बैंक सञ्चालनय् हःगु खः। मन्त्री शाक्यं नेपालय् न्हापागु पटक बागमती प्रदेशय् सूचना बैठक सञ्चालनय् वंगु गर्वया विषय जुगु धका धयादीगु दु।

‘१४ गु कार्यालयया सूचना आः सूचना बैंकय वइ,’ मन्त्री शाक्यं धाउगु दु, ‘बागमती प्रदेशया ११९ गु स्थानीय तहया सूचना वइगु कथं थुकिया विकास यायेगु जुइ।’ मन्त्री शाक्यं मन्त्रालयं बागमती प्रदेशया दक्को ऐन कानून एपया तयेगु याकन हे गृहकार्य जुयाच्वंगु जानकारी बिउगु दु।

गभर्नेस अटोमेसन सोलुसनं तयार याउगु सूचना बैंकय् आः मुख्यमन्त्री तथा मन्त्रिपरिषदया कार्यालय, प्रदेश प्रमुखया कार्यालय, प्रदेश सभा, आन्तरिक मामिला तथा कानून मन्त्रालय, आर्थिक मामिला तथा योजना मन्त्रालय, भौतिक पूर्वाधार विकास मन्त्रालय, सामाजिक विकास मन्त्रालय, उद्योग, पर्यटन, वन तथा वातावरण मन्त्रालय, भूमि व्यवस्था, कृषि तथा सहकारी मन्त्रालय, प्रदेश नीति तथा योजना आयोग, सञ्चार रजिष्ट्रारया कार्यालय, प्रदेश लेखा नियन्त्रक कार्यालय, यातायात पूर्वाधार निर्देशनालय, पशुपन्छी तथा मत्स्य विकास निर्देशनालयया वेवसाइटय् तःगु दु धका सूचना बैंकय् संग्रहित तःगु दु।

स्वास्थ्य मन्त्रालयया कथं थौं दकलय् अप्वो येँ २२९ म्हेसित कोरोना सक्रमण जूगु दु।

अथेहे मोरङय् ७२, यलय् ६८, रुपन्देहीइ ६७, सुनसरीइ ५० म्हेसित कोरोना संक्रमण पुष्टि जुगु दु।

कास्कीइ ३२, ख्वपय् २५, काभ्रेपलाञ्चोकय् २०, झापाय् १५, बाँकेय् १३ व बर्दियाय् १० म्हेसित कोरोना संक्रमण खनेदुगु दु धका मन्त्रालयं धाउगु दु।

वंगु २४ घण्टाया दुने देयन्यक ७६४ म्हेसित कोरोना भाइरस संक्रमण पुष्टि जूगु दु।

९ हजार ४६६ म्हेसिगु पीसीआर परीक्षण याउगुलि ७१५ म्ह व १ हजार २२२ म्हेसित एन्टिजेन परीक्षण यागुलि ४९ म्ह याना ७६४ म्हेसित कोरोना भाइरसया संक्रमण पुष्टि जुगु दु धका स्वास्थ्य तथा जनसंख्या मन्त्रालयं धाउगु दु।

अथेहे २४ घण्टाय् कोरोना संक्रमणं झीमह सीगु दु सा १ हजार ३३ म्ह कोरोनामुक्त जुगु दु।

थौं थपे जुगु नाप आःतक नेपालय् कोरोना संक्रमित जूपि आः ८ लाख ९९७ म्ह थ्यंगु दु।

अथेहे नेपालय् कोरोना सीपि ११ हजार २१० म्ह थ्यंगु दु सा ७ लाख ७४ हजार १७३ म्ह संक्रमणमुक्त जुइ धुकुगु दु।

शेरबहादुर देउवाया मन्त्रिपरिषदय् नवनियुक्त १६ मन्त्री व निम्ह राज्यमन्त्रीं थौं शुक्रबाः पद व गोपनीयताया शपथ काउगु दु।

राष्ट्रपति कार्यालय शीतलनिवासय् ग्वसाः ग्वंगु कार्यक्रमय् मन्त्रीपिन्त राष्ट्रपति विद्यादेवी भण्डारीं व राज्यमन्त्रीपिन्त प्रधानमन्त्री शेरबहादुर देउवां शपथ याकूगु खः।

न्हुगु गठन जुगु मन्त्रिपरिषद् कथं शेरबहादुर देउवा प्रधानमन्त्री, बालकृष्ण खाँण गृह, ज्ञानेन्द्रबहादुर कार्की सञ्चार तथा सूचना प्रविधि, पम्फा भुसाल ऊर्जा, जलस्रोत तथा सिँचाइ, राजेन्द्रप्रसाद श्रेष्ठ सङ्घीय मामिला तथा सामान्य प्रशासन, विरोध खतिवडा स्वास्थ्य तथा जनसङ्ख्या व जनार्दन शर्मा अर्थमन्त्री जुगु दु।

अथेहे डा. मीनेन्द्रप्रसाद रिजाल रक्षा, उमाकान्त चौधरी खानेपानी, डा नारायण खड्का परराष्ट्र, रेणुकुमारी यादव भौतिक पूर्वाधार तथा यातायात, प्रेमबहादुर आले संस्कृति, पर्यटन तथा नागरिक उड्डयन, दिलेन्द्रप्रसाद बडू कानून, न्याय तथा संसदीय मामिला, देवेन्द्र पौडेल शिक्षा, विज्ञान तथा प्रविधिमन्त्री नियुक्त जुगु दु।

महेन्द्रराय यादव कृषि तथा पशुपन्छी विकास, उमा रेग्मी महिला, बालबालिका तथा ज्येष्ठ नागरिक, शशी श्रेष्ठ भूमि व्यवस्था, सहकारी तथा गरिबी निवारण, रामकुमारी झाँक्री सहरी विकास, गजेन्द्रबहादुर हमाल उद्योग, वाणिज्य तथा आपूर्ति, रामसहायप्रसाद यादव वन तथा वातावरण, कृष्णकुमार श्रेष्ठ श्रम, रोजगार तथा सामाजिक सुरक्षा, महेश्वरजंग गहतराज युवा तथा खेलकूद मन्त्री नियुक्त जुगु खः।

मन्त्रिपरिषद विस्तार जुइ न्ह्यः न्हापा कानुन, न्याय तथा संसदीय मामिला मन्त्री जुम्ह मन्त्री ज्ञानेन्द्रबहादुर कार्कीयात सञ्चार तथा सूचनाप्रविधि मन्त्री दयकूगु दु।

राष्ट्रपति विद्यादेवी भण्डारीं प्रधानमन्त्री शेरबहादुर देउवाया नेतृत्वय् वंगु असार २९ गते गठित  मन्त्रिपरिषद् मन्त्री नियुक्ति जूपिनिगु, जिम्मेवारी हेरफेर व कार्यविभाजन याउगु दु।

प्रधानमन्त्री देउवाया सिफारिसय् राष्ट्रपति भण्डारीं १६ मन्त्री व निम्ह राज्यमन्त्री नियुक्त याउगु दु सा मन्त्री व राज्यमन्त्रीपिनिगु न जिम्मेवारी हेरफेर याउगु दु। न्हु गठन जूगु मन्त्रिपरिषद कथं शेरबहादुर देउवा प्रधानमन्त्री, बालकृष्ण खाँण गृह, ज्ञानेन्द्रबहादुर कार्की सञ्चार तथा सूचना प्रविधि, पम्फा भुसाल ऊर्जा, जलस्रोत तथा सिँचाइ, राजेन्द्रप्रसाद श्रेष्ठ सङ्घीय मामिला तथा सामान्य प्रशासन, विरोध खतिवडा स्वास्थ्य तथा जनसङ्ख्या व जनार्दन शर्मा अर्थमन्त्री जुगु दु।

अथेहे डा. मीनेन्द्रप्रसाद रिजाल रक्षा, उमाकान्त चौधरी खानेपानी, डा नारायण खड्का परराष्ट्र, रेणुकुमारी यादव भौतिक पूर्वाधार तथा यातायात, प्रेमबहादुर आले संस्कृति, पर्यटन तथा नागरिक उड्डयन, दिलेन्द्रप्रसाद बडू कानून, न्याय तथा संसदीय मामिला, देवेन्द्र पौडेल शिक्षा, विज्ञान तथा प्रविधिमन्त्री नियुक्त याउगु दु।

महेन्द्रराय यादव कृषि तथा पशुपन्छी विकास, उमा रेग्मी महिला, बालबालिका तथा ज्येष्ठ नागरिक, शशी श्रेष्ठ भूमि व्यवस्था, सहकारी तथा गरिबी निवारण, रामकुमारी झाँक्री सहरी विकास, गजेन्द्रबहादुर हमाल उद्योग, वाणिज्य तथा आपूर्ति, रामसहायप्रसाद यादव वन तथा वातावरण, कृष्णकुमार श्रेष्ठ श्रम, रोजगार तथा सामाजिक सुरक्षा, महेश्वरजंग गहतराज युवा तथा खेलकूद मन्त्रीइ नियुक्त जूगु दु।

मन्त्रिपरिषद विस्तार न्हापा कानुन, न्याय तथा संसदीय मामिला मन्त्री जूम्ह मन्त्री ज्ञानेन्द्रबहादुर कार्की आः सञ्चार तथा सूचनाप्रविधि मन्त्री जूगु दु। उमेश श्रेष्ठ प्रधानमन्त्री तथा मन्त्रिपरिषदउा कार्यालय स्वइगु राज्यमन्त्री, भवानीप्रसाद खापुङ स्वास्थ्य तथा जनसंख्या राज्यमन्त्री व बोधमायाकुमारी यादव शिक्षा, विज्ञान तथा प्रविधि राज्यमन्त्री नियुक्त जुगु दु।