येँ महानगरपालिकाया सुविधासम्पन्न थःगु हे केन्द्रीय भवन दयकिइगु जुगु दु।

भूमिगत तल्लानाप च्यागु तल्लाया उगु भवन थौं येँ महानगरपालिकाया मेयर विद्यासुन्दर शाक्यं शिलान्यास यानादीगु दु। आःयाउगु वातावरण विभाग दुगु जमिनय् करीब ६ रोपनी क्षेत्रफल दुगु उगु भवन दयकेत्यंगु खः।

भवनया शिलान्यास यासे मेयर शाक्यं थःगु कार्यकालय् दक्को वडाया वडा कार्यालय भवनया पुनर्निमाण व न्हुगु निर्माणया सम्पन्न यायेगु प्रतिवद्धता कथं उगु भवनया शिलान्यास यानागु जानकारी बियादीगु खः। ‘जिपि निर्वाचित जुया वये धुका न्हापागु बैठकय् येँ महानगरपालिकाया केन्द्रीय कार्यालय व दक्को वडाया कार्यालय भवनया पुनर्निमाण व न्हुगु निर्माणयात प्राथमिकताय् तया ज्या यायेगु धका घोषणा यानागु खः’ शाक्यं धयादीगु दु, ‘सेवाग्राहीपिन्स सेवा कायेगु थाय् सेवाग्रही मैत्री जुइमाः धका उगु हे कथं आःयाउगु हरिभवनय् केन्द्रीय कार्यालय दयकेत्यनागु खः। थीथी कारणं अन याउगु केन्द्रीय भवन दयकेगु सम्भव मन्त।

थौं केन्द्रीय भवन थन शिलान्यास जुगु दु। वयकलं हरिभवनयात बागदरबार धका विवाद हया अन भवन निर्माण मयाकूगु धका धयादीगु खः। मेयर शाक्यं केन्द्रीय भवन आः सुविधासम्पन्न जुइगु जानकारी बियादीगु दु। ‘जिमिसं जिम्मेवारी न्ह्यःतक यक्को वडा कार्यालय भवनय् सेवाग्राहीपिन्स याउक सेवा प्रदान कायेत समस्या जुगु,’ वयकलं धयादीगु दु, ‘आः दक्को वडाय् ई कथं विकास याना यकेमाः। वडा भवन निर्माण यायेगु इलय् मौलिकता खने दइगु व पिने याउगु स्वरुप छगु हे खनेदइगु कथं निर्माण यानाच्वनागु दु। जिमिसं निर्माण यानागु व निर्माण जुयाच्वंगु दक्को वडा भवनया पिने याउगु स्वरुप छगु हे कथं व मौलिकता खनेदइ।’

हरिभवनय् केन्द्रीय कार्यालय दयकेगु योजना दु सा सू मनू तयेगु व्यक्तिगत स्वार्थ तया विरोध याउगु कारण सम्भव मजुगु धका धयादीसे उगु भवनया शिलान्यास याये दया लयतागु दु धका धयादीगु दु। मेयर शाक्यं लानिपूखु, धरहरा, दरबार हाइस्कुल, कमलपोखरी पुर्ननिर्माणया सिलसिलाय् विवाद यापिन्स आः पश्चताप यानाच्वंगु दु धका धयादीगु दु।

उगु ज्याझ्वलय् संघीय सांसद कृष्णगोपाल श्रेष्ठ, उपप्रमुख हरिप्रभा खड्गी श्रेष्ठ, प्रमुख प्रशासकीय अधिकृत राजेश्वर ज्ञवाली लगायतपिन्स न सम्वोधन यानादीगु खः।

महानगरपालिकां बिउगु जानकारी कथं करीब ६ रोपनी क्षेत्रफलय् दयकूगु उगु भवनया भूमिगत तल्लाय् ३० गः गाडी व ८० गः मोटरसाइकलया लागि पार्किङया व्यवस्था दु। भूकम्प प्रतिरोधी उगु भवनय् भवन मापदण्ड कथं जःखः ५ मिटर त्वतताः, भूमिगत तल्लाय् भविष्यय् थप २५ गः गाडी मेकानिकल प्रविधिपाखे थप याये फइगु कथं दु। येँ महानगरया वरिष्ठ इन्जिनियर प्रेमबहादुर श्रेष्ठया कथं, ‘भवनया मोहोडा आधुनिक शैलीइ जुइ।

थुगु भवन ९२ हजार ६८ वर्गफुटय् निर्माण जुइ।’ वयकलं बिगु जानकारी कथं भवन अपाङ्ग व जेष्ठ नागरिकमैत्री जुइ। ‘अपाङ्गता जुपि व जेष्ठ नागरिकया लािग १० म्हेसिगु क्षमताया निगु लिफ्ट दइ,’ ‘थुगु भवन २०८० असोज मसान्त तक सम्पन्न यायेगु कथं ठेक्काया जिम्मा समानान्तर निर्माण सेवा प्रालीं काउगु दु।’ भवनया कार्यादेश ६९ करोड ५८ लाख १९ हजार ३ सय ५९ दु। भवनया डिजाइन सहरी योजना आयोग व सिनर्जी इन्जिनियरिङ प्रालीें तयार याउगु खः।

येँ महानगरपालिका वडा ६ या रामहिटीइ साहित्यकारपिनिगु लागि सुविधा सम्पन्न भवन निर्माण यायेगु धका धका धाउगु दु।

उकिया लागि सदन नेपालय् महानगरया मेयर विद्यासुन्दर शाक्यं छगु ज्याझ्वः दथुइ भवन शिलान्यास यानादीगु दु। उगु भवन साहित्यकारपिनिगु लागि आवासीय सुविधासहित जुइ।

भवन शिलान्यास याये धुका न्ववायेगु झ्वलय् मेयर शाक्यं, येँया विकास स्वयेगु, न्यनेगु व महसुस यायेगु थासय् थ्यंगु दु धका धयादीगु दु। ‘जिपि स्थानीय निर्वाचनया इलय् बहनि जुलकि लं स्वये मजिक धुँ हे धुँ जुइगु। अज्याउगु अवस्था आः मदु। कोविडया महामारीं झीसं यक्को ई अथेहे खर्च याये माल। मखुसा येँया ख्वाः हिले धुकुगु जुइ।’ शाक्यं धयादीगु खः।

जिमिसं ध्यवा स्वया विकास योजना दयकाउगु मखु। योजना तर्जुइ स्वया व हे कथं ध्यवा छुटे उानागु दु। ध्यवा गुलि दु उलि योजना दयकल धासा जनताया आवश्यकता पूरा जुइ मखु। मेयर शाक्यं, मूर्त अमूर्त सम्पदाया ममर्त सम्भार व जीर्णोद्धार, शिक्षा व स्वास्थ्यया क्षेत्रय् थप लगानी जुयाच्वंगु दु। आः च्वनेत व स्वयेत लायक सहर जुइ धका धयादीगु खः।

इञ्जिनियर श्रेष्ठया कथं भवनया भूमिगत, जमिन व न्हापागु तल्लाय् २ हजार ४० दशमलव ५३ बर्गफुट जुइ। निगुगु तल्लाय् २ हजार १२४ दशमलव ५६ बर्गफुट व स्वागूगु तल्ला १ हजार ६८७ दशमलव ४९ वर्गफुट जुइ। भवन जम्मा ९ हजार ९७६ दशमलव ९१ वर्गफुट जुइ। उगु भवनय् खुम्ह च्वनेगु लिफ्ट जडान जुइ। भवन अपाङ्गतामैत्री व जेष्ठनागरिक मैत्री जुइ।

वंइगु दँया भदौ मसान्तदुने (१२ महिनाय्) निर्माण सम्पन्न जुइगु लक्ष्यसहित निर्माण जुइगु कथं भवनया सम्झौता रकम भ्याटनाप ४ करोड ३ लाख ५८ हजार ९९४ रुपैयाँ ख। 

उद्योग, वाणिज्य तथा आपूर्तिमन्त्री गजेन्द्रबहादुर हमालया राजीनामा स्वीकृत जूगु दु।

वयकलं प्रधानमन्त्री शेरबहादुर देउवायात नापलाना थौं राजीनामा बुझे याउगु खःसा राजीनामा प्रधानमन्त्री देउवां स्वीकृत याये धुकुगु दु धका देउवाया स्वकीय सचिव भानु देउवां जानकारी बिउगु दु।

राजीनामा लिपा हमालं थःम्हेसिया सूयाउगु दबाब व इनापय् मखुसे स्वविवेकं राजीनामा बियाउगु धका धाउगु खः। वयकलं नियुक्ति जुइवं प्रधानन्यायाधीश चोलेन्द्र शमशेर जबराया ‘कोटा’य् मन्त्री जुगु धका ब्यापक विरोध जुगु खः।