सेयर कारोबार मापक नेप्से परिसूचक दोहोरो अंकं घटे जुगु दु।

स्थानीय तहया निर्वाचन घोषणा जुया बजार थहावनिइगु अपेक्षा यासा मंगलबाःनिसे घटे जुगु दु। बुधबाः नेप्से परिसूचक जक मखु कारोबार रकम तक न म्हो जुगु दु।

मंगलबाः ५ अर्ब स्वया अप्पोगु सेयर कारोबार रकम बुधबाः साढे ३ अर्ब न मथ्यंगु दु। सेयर कारोबार मापक नेप्से परिसूचक २२ दशमलव ११ अंकं घटे जुया २ हजार ८ सय १३ दशमलव ४७ अंकय् कुहावंगु दु।

उखे ‘क’ वर्गया कम्पनीपिनिगु कारोबार मापन याइगु सेन्सेटिभ इन्डेक्स न ३.५१ अंकं घटे जुगु दु। न्हिच्छि यकं ४५ हजार ११२ कारोबारपाखे २२३ कम्पनीया ६५ लाख २० हजार ६२८ कित्ता सेयर किनबेच जुगु खः।

करोबार रकम ३ अर्ब ४७ करोड ११ लाख ९ हजार १८२ रुपैयाँय् रोके जुगु दु।

वंगु २४ घण्टाय् दुने स्वनिगलय् १०१७ म्हेसित कोरोना संक्रमण पुष्टि जुगु दु।

उकि मध्ये येँ ८९० म्ह कोरोना सक्रमण जुगु दु।

अथेहे, यलय् १०२ म्ह व ख्वपय् २५ म्हेसित संक्रमित जुगु दु।

वंगु २४ घण्टाया दुने देयन्यक थप २४०१ म्हेसित कोरोना भाइरस (कोभिड–१९) संक्रमण पुष्टि जूगु दु।

कोरोना सक्रमणं १४ म्हेसिगु ज्यान वंगु दु। स्वास्थ्य तथा जनसंख्या मन्त्रालयया कथं १६ हजार ३५६ म्हेसिगु नमुना परीक्षण यउगुलि २४०१ म्हेसित संक्रमण पुष्टि जुगु दु।

मन्त्रालयया कथं वंगु २४ घण्टाय् ७,७७७ म्ह संक्रमणमुक्त जुगु दु।

राष्ट्रिय प्रजातन्त्र पार्टीया नेता उद्धव पौडेल न पार्टी त्वःतुगु दु।

पौडेलं थौं बुधबाः सुथय् फेसबुकय् स्टाटस च्वया पार्टी न अलग जुइगु घोषणा याउगु खः। वयकलं थःम्हेसिया राप्रपायात एकतावद्ध यायेगु यक्को कुतः यास असफल जुगु धका धाउगु दु।

‘राप्रपायात एकतावद्ध दयकेगु जुगु कुतः असफल जुगु दु। असफल विद्यार्थीया रुपं तसक दुखी व भावुक जुगु दु।राप्रपाय् च्वनागु ई न्ह्यवलय् लुमना च्वनिइ, थौंनिसे राप्रपानाप संलग्नता अन्त्य यानागु दु’ धका पौडेलं च्वःगु दु।

राप्रपा कमल थापा नाप दुम्ह पौडेल पूर्व कोषाध्यक्ष न खः। वंगु महाधिवेशनय् वयकलं छु न पदय् उम्मेदवारी बिउगु मदु।

लुँया भाः तोलां थौं स्वसः थहावंगु दु।

लुँ तोलां स्वसः थहावना ९३ हजार ४ सय रुपैयाँ तोके याउगु दु धका नेपाल सुनचाँदी व्यवसायी महासंघं धाउगु दु।

अथेहे वहः तोलां नीतका थहावंगु दु। र्थौं तोला नीतका थहावना १२ सय ८० रुपैयाँ थ्यःगु दु धका महासंघं धाउगु दु।