न्यादी हाइड्रोपावर कम्पनीया साधारण शेयर (आईपीओ) या लागि थौंतक आवेदन बिइगु ई दु।

कम्पनीं सर्वसाधारणया लागि जारी याउगु २२ लाख ५० हजार कित्ता अर्थात २२ करोड ५० लाख रुपैयाया लागि शुक्रबारः निसे आवेदन खुला याउगु खः। बिक्रीइ हःगु जम्मा शेयर मध्ये ४५ हजार कित्ता शेयर कर्मचारीपिन्त व १ लाख १२ हजार ५०० कित्ता शेयर सामुहिक लगानी कोषया लागि खः।

उकिइ बाँकी दुगु २० लाख ९२ हजार ५०० कित्ता शेयर सर्वसाधारणया लागि खः। लगानीकर्तापिन्त थौं असोजया १९ गते तक आवेदन बिइगु ई तयातःगु खः। आइपीओ निष्काशन व बिक्री प्रबन्धकय् ग्लोबल आइएमई बैंकइ याउगु खः। उकिइ प्रत्याभूतकर्ताया नागरिक लगानी कोष दु।

कम्पनीया चुक्ता पुँजी १ अर्ब ९ करोड ५० लाख दु। शेयर निष्काशन लिपा चुक्ता पुँजी १ अर्ब ५० करोड थ्यंगु खः।

रिलायन्स लाइफ इन्स्यारेन्सं वंगु आर्थिक वर्षया मूनाफापाखे बोनस शेयर मबिइगु जुगु दु।

सोमबाः च्वंगु कम्पनीया सञ्चालक समितिया बैठकं शेयरधनीपिन्त नगद लाभांश जक बिइगु निर्णय याउगु दु। कम्पनीं नेपाल स्टक एक्सचेञ्जयात बिउगु जानकारी कथं आःतक कायम जुगु चुक्ता पुँजीया ५.२६ प्रतिशत नगद लाभांश (कर नाप) वितरण याइ।

आः बिमा कम्पनीपिनिगु नियामक निकाय बिमा समितिपाखे स्वीकृति बिइ धुका साधारणसभां उगु प्रस्ताव पेश याउगु खः। साधारणसभापाखे पारित जुइ धुका कम्पनीं शेयरधनीपिन्त बोनस शेयर बिइ।

प्रधानन्यायाधीश चोलेन्द्र शमशेर जबरां सर्वोच्च अदालतया न्यायाधीशपिनिगु पूर्णबैठक (फुलकोर्ट) सःतूगु दु।

प्रधानन्यायाधीश जबरां मन्त्रिपरिषदय् भाग खोजेयाउगु समाचार वयाच्वंगु इलय् न्यायाधीशपिनिगु पूर्ण बैठक सःतुगु खः। सर्वोच्च अदालतया प्रवक्ताया कथं थौं न्हिनसिया १ बजे च्वने त्यःगु धका धाउगु दु।

मोहनिया बिदा जुगु इलय् मुद्दा सुनवाइ याइपि न्यायाधीशपिनिगु नां क्वछिगु लगायतया एजेण्डाय् छलफल जुइ धका जानकारी बिउगु दु।

 नेवाः जातिय महासंघ (प्रस्ताबित) छगु मुँज्या च्वना न्हुदँया लसताय् तुच्चा नाप थीथी ज्याझ्वः यायेगु क्वछिगु दु।

मुँज्यालिपा महासंघया कजि मनोज नेवाः खड्गीं संचाकःमिपि नाप खँल्हानादीसे न्हुँ दँ ११४२ या लसताय् नेवाः खलः पुचः नाप जातिय संघ संस्था दथुइ भिंतुना कालबिल नाप छगु नेवा जात जातिय बिषय गोष्ठी यायेगु निर्णय जुगु दु धका धयादीगु खः।

उगु गोष्ठी नेवाः ख्यः नाजापि बौद्धिक ब्यक्तिपि लिसे कार्यपत्र न्ह्यब्बइगु धका कजि खड्गी जानकारी बिउगु दु।

अथेहे उगु मुँज्याय् महासंघया भिंचितामि येँ महानगरपालिका १८ वडाध्यक्ष न्हुच्छकाजी महर्जनया अबु कूलनारायण महर्जन आकाझाका मदुगुलि बिचाः हायकूगु दु।