न्यागु दलीय सत्ता गठबन्धनया बैठक सुरु जुगु दु। बैठक प्रधानमन्त्री निवास बालुवाटारय् जुयाच्वंगु दु।

थौंया बैठकय् राष्ट्रिय जनमोर्चाया प्रतिनिधित्व जुगु मदु। थौंया बैठकय् स्थानीय तहया निर्वाचन मितिबारे सरकारयात सुझाव बिइगु अनुमान यानातःगु दु।

प्रधानमन्त्री देउवां निर्वाचन आयोगया सिफारिस कथं वैशाखय् हे स्थानीय तहया निर्वाचन यायेमाःगु धका गठबन्धनं उगु कथं हे निर्णय जुइगु अनुमान दु ।

थ्व स्वया न्ह्यः निर्वाचन आयोगं वइगु वैशाख १४ व २२ गते निगु चरणय् स्थानीय तहया निर्वाचन यणयेत सरकारयात सुझाव बिउगु खः।

स्थानीय तहया जनप्रतिनिधिपिनिगु कार्यकाल क्वचाइगु निला न्ह्यः निर्वाचन यायेमाःगु स्थानीय तह निर्वाचन ऐन २०७३ य् व्यवस्था दुगुलि बैशाखय् हे निर्वाचन यायेमाःगु आयोगं बःबिउगु खः।

स्वनिगःलय् न्ह्याइगु सार्वजनिक सवारी ज्वलंनय् तःगु जोरबिजोर प्रणाली चिइकुगु दु ।

जिल्ला प्रशासन ज्याकु काठमाडौं नं म्हिगः आदेश जारी याना थौं निसें लागू जुइगु याना उगु प्रणाली चिइकेगु निर्णय जूगु न्ह्यथना बिउगु खः । न्हूगु आदेश कथं  बस, माइक्रो व टेम्पोय् जोरबिजोर प्रणाली चिइकुगु दु । तर, ट्याक्सी व निजी सवारी (दुई पांग्रे)लिसेंयालय् धाःसा जोरबिजोर प्रणाली यथावत जुइगु प्रशासनया आदेशय् उल्लेख दु ।

थ्वयान्ह्यः च्वंगु कोभिड–१९ संकट व्यवस्थापन समन्वय केन्द्र (सीसीएमसीसी) या मुँज्यां ट्याक्सी व निजी बाहेकया सार्वजनिक सवारीइ जोरबिजोर प्रणाली चिइकेत सिफारिस यायेगु निर्णय याःगु खः  । जोरबिजोर प्रणालीं सार्वजनिक सवारीइ भिड अप्वयेकुगुलिं संक्रमणया जोखिम झं अप्वःगु धका जनस्तरपाखें सरकारया तच्वकं कुँख्यना जुयावःगु खः  ।

अथेहे, माघ मसान्त तक्क ब्वनेकुथिइ भौतिक उपस्थितिइ पठनपाठन बन्द यायेगु नं प्रशासनया आदेशय् उल्लेख दु । अयेसां प्राविधिक व भाय् परीक्षात धाःसा स्वास्थ्य मापदण्ड पालना याना संचालन याये दइगु उल्लेख दु ।

थ्वयान्ह्यः सरकारं माघ १५ गते तक्क ब्वनेकुथिइ भौतिक उपस्थितिइ पठनपाठन यायेगुलिइ रोक तःगु खः । तर, कोरोनाया जोखिम यथावत् दूगु धका थुगु ई ताहाक याना माघ मसान्ततक्क थ्यंकुगु खः  ।

थुखे, पार्टी प्यालेस, डान्स बार, रेष्टुरेन्ट, जिम व फिल्म हलय् थ्वयान्ह्यःया निर्णय यथावत् तःगु दु ।

स्वनिगलय् थप २ हजार ९४० म्ह कोरोना संक्रमण पुष्टि जूगु दु।

स्वास्थ्य मन्त्रालयया कथं येँ जक २,१५३ म्हेसित कोरोना सक्रमित पुष्टि जुगु दु। अथेहे, यलय् ५१९ म्ह व ख्वपय् २६८ म्हेसित कोरोना संक्रमण प्ष्टि जुगु दु।

अथेहे मेमेगु जिल्लाय् मन्त्रालयया कथं मोरङय् २१२, कैलालीइ १४७, सुनसरीइ १११ म्हेसित कोरोना संक्रमण पुष्टि जूगु दु। झापाय् ८६, बाँकेय् ७३, रुपन्देहीइ ६८, काभ्रेपलाञ्चोकय् ६५, चितवनय् ६३ व बागलुङय् ५४ म्हेसित कोरोना संक्रमण पुष्टि जुगु दु।

अथेतु, पर्वतय् ४४, कञ्चनपुरय् ४१, सिरहाय् ३८, नुवाकोटय् ३५, मकवानपुरय् ३४, दाङय् ३३, तनहुँइ ३०, सर्लाहीइ २८, पाल्पाय् २५, उदयपुरय् २४, स्याङ्जाय् २३ नाप रसुवा  व गोरखाय् २२÷२२ म्हेसित कोरोना संक्रमण जुगु दु धका मन्त्रालयं धाउगु दु।

वंगु २४ घण्टाया दुने देयन्यक थप ६ हजार ८२७ म्हेसित कोरोना भाइरस (कोभिड–१९) या संक्रमण पुष्टि जुगु दु धका धाउगु दु।

अथेहे थौं झीम्ह सीउगु दु।

स्वास्थ्य मन्त्रालयया कथं १३ हजार ७९१ म्हेसित पीसीआर परीक्षण याउगुलि ४ हजार ८०७ म्ह व ६ हजार ७८ म्हेसिगु एन्टीजेन परीक्षण याउगुलि २ हजार २० म्ह याना ६ हजार ८२७ म्हेसित कोरोना भाइरस (कोभिड–१९) या संक्रमण पुष्टि जुगु दु। वंगु २४ घण्टाय् ५ हजार ४३५ म्ह कोरोना संक्रमण मुक्त जुगु दु।

लुँया भाः थौं तोलां ९ सय रुपैयाँ घटे जुगु दु।

म्हिगः व थौं निन्हुयक लगातार तोलां ९ सय रुपैयाँ  घटे जुगु खः। थौं तोलां गुसः कुहावना ९२ हजार ६ सय रुपैयाँ कायम जुगु दु धका नेपाल सुनचाँदी व्यवसायी महासङ्घ न धाउगु दु।

अथेहे थौं न घटे जुगु दु। म्हिगः तोलां १२ सय ९० रुपैयाँ न कारोबार जुगु वहः थौं नीन्यातका घटे जुया १२ सय ६५ रुपैयाँ तोके याउगु दु धका महासङ्घं धाउगु दु।