नेपाली कांग्रेसया १४क्वःगु महाधिवेशन अन्तर्गत सुर्खेतय् जुगु क्षेत्रीय अधिवेशनय् निम्ह पूर्वमन्त्री महाधिवेशन प्रतिनिधिइ पराजित जुगु दु।

सुर्खेत–२ पाखे पूर्वमन्त्री शिवराज जोशी व पूर्वराज्यमन्त्री खड्गबहादुर बस्याल महाधिवेशन प्रतिनिधिइ पराजित जुगु खः। स्वकः तक मन्त्री जुइ धुकुम्ह जोशीं ३१० मत जक हःगु खः। केन्द्रीय महाधिवेशनपाखे खुलाय् झीम्ह प्रतिनिधिइ प्रतिस्पर्धा याउगुलि १३ औं नम्बरय् वंगु खः।

अथेहे केन्द्रीय महाधिवेशनय् दलितपाखे उम्मेदवार जुम्ह बस्यालं ३०२ मत जक हःगु खः। वयात लोकबहादुर विश्वकर्मां पराजित याउगु खः। विश्वकर्मां ४७३ मत कया निर्वाचित जुगु खः। सुर्खेतय् महामन्त्री पूर्णबहादुर खड्का समूह विजयी जुगु खः।

निगु हे निर्वाचन क्षेत्रया कार्यसमिति व महाधिवेशन प्रतिनिधिइ खड्का समूहया प्यानल विजयी जुगु खः।

उच्च बार विराटनगरं प्रधानन्यायाधीश चोलेन्द्र शमशेर जबराया राजीनामा माग यासे प्रदर्शन याउगु दु।

उच्च अदालत विराटनगर परिसरय् बारया पदाधिकारीपि नाप केन्द्रीय पार्षदपिन्स ल्हातय् हाकूगु पट्टी चिना धर्ना व बेन्च बहिष्कार याउगु खः।

न्यायपालिकाया विकृति, विसंगती, भ्रष्टाचार विरुद्ध बार यानाच्वंगु आन्दोलन मंसिर ५ गतेनिसे १० गतेतक बेन्च बहिस्कार याउगु खः।

न्यायपालिकाया गरिमा कायम तयेमफुम्ह विवादित प्रधानन्यायाधीशं तत्काल राजीनामा बिइमाःगु माग यासे चरणवद्ध विरोधया ज्याझ्व सञ्चालन याना वयाच्वंगु खः धका विराटनगर बारं धाउगु दु।

लुँया भाः थौं न्यासः कुहावंगु दु।

थौं तोला न्यासः कुहावया ९१ हजार ८ सय रुपैयाँ थ्यःगु दु धका नेपाल सुन चाँदी व्यवसायी महासंघं धाउगु दु।

अथेहे वहः तोलां स्वीतका कुहावंगु दु। थौं वहः तोलाया १२ सय २५ रुपैयाँ कारोबार जुयाच्वंगु दु।

किपू नगरपालिका ३ वडा ज्याकूया ग्वसालय् ज्येष्ठ नागरिकपिं मुंकाः लुम्बिनी व भारतया गोरखपुर भ्रमणय् यंकूगु खः।

३ वडा ज्याकूया हे निर्माण व्यवस्थापनय् कीर्तिपुर मिडिया हाउसया न्ह्यब्वया कथं ज्येष्ठ नागरिकपिनिगु बाखंया लिधंंसाय् नेपालभाषाया चिहाः संकिपा ‘कीर्तिमान’ या भिं–साईत ज्याझ्वः नं जुगु खः।

किपू नगरपालिकाया मेयर रमेश महर्जनं उगु ज्याझ्वःया उलेज्या यानादिसें ज्येष्ठ नागरिकपिं धैपिं सकलसिगु नितिं द्यः सम्मान जूगु खँ न्ह्यथनादिगु खःसा चिहाः संकिपा ‘कीर्तिमान’ निर्माण पुचःयात सफलताया कामना यानादिगु खः। अथेहे, मेयर रमेश महर्जन व उपमेयर सरस्वती रिजाल खड्कां मंकाः कथं चिहाः संकिपा ‘कीर्तिमान’या ब्यानर उलेज्या यासें चिहाः संकिपाया भिं–साईत ज्याझ्वः यानादीगु खः ।

अथेहे विशेष पाहाँकथं नगरपालिकाया १ वडाया अध्यक्ष हर्ष महर्जन, २ वडाया अध्यक्ष रमेशमानपिनिगु न उपस्थित दुगु खः । ३ वडाया वडाध्यक्ष राजेन्द्र महर्जनं ज्येष्ठ नागरिकपिन्त लुम्बिनी व गोरखपुर देश दर्शन भ्रमणया आज्जुया विषयस ध्वाथुइकादीगु खः।