जाल्पा सामुदायिक लघुवित्तं माघ २१ गतेनिसे धितोपत्रया प्राथमिक सार्वजनिक निष्कासन (आईपीओ) बिक्री खुला याइगु जुगु दु।

माघ ९ गते नेपाल धितोपत्र बोर्ड कम्पनीयात आईपीओ निष्काशन अनुमति बिउगु दु। माघ २१ गतेनिसे बिक्री खुला जुइगु आईपीआ २५ गते तक आवेदन बिइफइ।

थ्व नाप बोर्डया तत्कालीन अध्यक्ष भीष्म ढुंगानाया वर्खास्तनाप अवरुद्ध जुयाच्वंगु आईपीओ निष्काशन प्रक्रिया सुरू जुगु दु। कम्पनीं छगु कित्ता १०० सय रुपैयाँ अंकित दरं ५ करोड २२ लाख रूपैयाँ बराबरया ५ लाख २२ हजार कित्ता शेयर निष्काशन यायेत्यंगु खः। उकि मध्ये ८ हजार कित्ता शेयर कम्पनीया कर्माचारीपनिगु लागि छुटे याउगु दु।

२६ हजार १ सय कित्ता सामुहिक लगानी कोषया लागि छुटे याउगु दु। बाँकी ४ लाख ८७ हजार ९ सय कित्ताया लागि सर्वसाधारणं आवेदन बिइफइगु जुगु दु।

जुइगु गृह मन्त्रालयं सम्बन्धित व्यक्तिपिनिगु सहमतिबिना छु न प्रकारया तस्बिर व भिडिओ खिचे यायेगु व उकिया सामाजिक सञ्जालय् तलकि कारबाही यायेगु चेतावनी बिउगु दु।

मन्त्रालयं छगु सूचं जारी यासे सम्बन्धित व्यक्तिया अनुमतिबिना तस्बिर खिचे याना व ‘भिडियो’ दयका वयागु सहमति÷अनुमतिबिना सामाजिक सञ्जालय् प्रकाशन याइपिन्त प्रचलित कानुनबमोजिम कारबाही जुइ धका धाउगु दु। सार्वजनिक थासय् ख्याना नां गोप्य तया भिडिओ तयार याना वयागु सामाजिक सञ्जालय् तइगु गुनासो मन्त्रालय वउगुलि सर्वसाधारणयात शारीरिक नाप मानसिक सास्ती जुइगु गतिविधि मयायेत गृह मन्त्रालयं सम्बद्ध सकसित सचेत याउगु दु।

सार्वजनिक थासय् ख्याः याउगु  पाखे पीडित व्यक्तियात मानसिक तनाव उत्पन्न जुइगु, वादविवाद व द्वन्द्व नाप सामाजिक सद्भाव व शान्ति सुव्यवस्था जुइगु नकारात्मक प्रभावया नाप व्यक्तिगत गोपनीयता व प्रतिष्ठाय् लाइगु असरयात स्वया व्यक्तिया अनुमतिबिना  व्यक्तिया तस्बिर व भिडिओ खिचे यायेगु उकियात सामाजिक सञ्जालय् प्रकाशन मयायेत मन्त्रालयं सचेत याउगु दु।

लमजुङय् भुखाय् ब्बःगु दु।

जिल्लाया क्व्होलासोथर गाउँपालिका–१ बागलुङपानी केन्द्रविन्दु जुया वंगु चान्ह्य १०ः३४ बजे २ दशमलव ५ रेक्टर स्केलया भुखाय् ब्बःगु दु धका राष्ट्रिय भूकम्प मापन तथा अनुसन्धान केन्द्रं धाउगु दु।

माओवादी केन्द्रया नेता नाप पूर्व शिक्षा, विज्ञान तथा प्रविधिमन्त्री गिरिराजमणि पोखरेल कोरोना संक्रमण जुगु दु।

थौं बिहीबाः सुथय् एन्टिजेन परीक्षण याउगुलि कोरोना पोजेटिभ खनेदुगु धका नेता पोखरेलया सचिवालयं धाउगु दु। नेता पोखरेल छु दिं न्ह्यः थःगु निर्वाचन क्षेत्र महोत्तरीइ भेटघाटय् व्यस्त जूगु खः।

एन्टिजेन परीक्षण पोजेटिभ पुष्टि जुइवं थः महोत्तरी गौरीडाँडाया आधारशिलाय् आराम यानाच्वंगु दु।

वंगु २४ घन्टाया दुने स्वनिगलय् थप ३ हजार १ सय ४३ म्हेसित कोरोना संक्रमितपि थपे जूगु दु।

थौं येँ जक २४०२ म्हेसित कोरोना सक्रमित जूगु दु। अथेहे, ख्वपय् २२० म्ह व यलय् ५२१ म्हेसित संक्रमितपि थपे जूगु दु।

अथेहे स्वनिगलय् ५४ हजार ८६३ म्ह सक्रिय संक्रमितपि दु।

उकि मध्ये येँ ३८८५९ म्ह, यलय् १०३९० म्ह व ख्वपय् ५६१४ म्ह सक्रिय संक्रमितपि दु।