Display Style:
Column Style
थौंनिसे न्हुगु नोट हिलयेगु ब्यवस्था
लहनान्युज | ञंलाथ्व पुन्ही ११४१, असोज ४ सोमवाः
थौंनिसे बैंक तथा वित्तीय संस्थाय् न्हुगु नोट हिले दइगु जुगु दु।
मोहानीया इलय् न्हगु नोटया विशेष महत्त्व दुगुलि नोट वितरणया व्यवस्था मिले यानागु धका नेपाल राष्ट्र बैंकं धाउगु दु।
केन्द्रीय बैंकं नोट व्यवस्थापन विभागया कथं स्वनिगलय् दुने स्वीकृतिइ कयातःगु वाणिज्य बैंकय् तोके यनातःगु शाखा कार्यालयपाखे न्हुगु नोट हिलेफइगु धका धाउगु दु
पत्रकार सुनील महर्जन जनसेवाश्री पदवीपाखे विभूषित
लहनान्युज | ञंलाथ्व चतुर्दशी ११४१, असोज ३ आंईतवाः
राष्ट्रपति विद्यादेवी भण्डारीं वंगु १९ दँ निसे पत्रकारितामा क्रियाशील नेवाः पत्रकार राष्ट्रिय दबूया महासचिब सुनील महर्जनयात जनसेवाश्री पदवीपाखे विभूषित जुइत्यंगु दु।
गृह मन्त्रालयं राष्ट्रपति भण्डारीपाखे थीथी विभूषण, अलङकार व पदक काइपि ९०३ म्हेसिगु नां थौं सार्वजनिक याउगु दु। उकि मध्ये जनसेवाश्री पदवी काइगुलि पत्रकार महर्जनया नां न समावेश जुगु दु। २०५९ सालय् महानगर दैनिकया प्रशिक्षार्थी पत्रकार जुया महर्जनं २०६० साल श्रावणनिसे नेपाल समाचारपत्र दैनिक पाखे पत्रकारिता शुरु यानादीगु खः।
पत्रकार महर्जनं पत्रकारिता पाखे बुद्धधर्मया विकास, मूर्त अर्मूत संस्कृति, सम्पदाया संरक्षणया योगदानया कदर यासे बिभूषित यायेत्यंगु खः। थौंकन्ह्य नेपाल समाचारपत्र दैनिकया सहायक सम्पादक तक जुयादीम्ह महर्जनं निजामती प्रशासन, संघीयता, स्थानीय तह विषयमा निरन्तर रिपोटिङ याना वयाच्वंगु खः।
पत्रकार राजेश बज्राचार्यया अबु मन्त
लहनान्युज | ञंलाथ्व चतुर्दशी ११४१, असोज ३ आंईतवाः
पत्रकार राजेश बज्राचार्यया अबु समाजसेबी सोम नरसिह बज्रचार्य मन्त।
छातीइ समस्या व निमोनिया जुया यलया पाटन अस्पतालय् वासः यायेत यकुगु खः। वयकः ७९ दय् वासः यायेगु झ्वलय् अस्पतालय् सनिवाः चान्ह्य १ बजे मदुगु खः।
मदुम्ह समाजसेबी सोम नरसिह बज्रचार्यया जहान नाप स्वम्ह काय् व छम्ह म्ह्याय् दी।
पत्रकार राजेश बज्राचार्य कान्छाम्ह काय् खः।
थौं येँयाःया झ्वलय् क्वःनेयाः
लहनान्युज | ञंलाथ्व चतुर्दशी ११४१, असोज ३ आंईतवाः
थौं स्वनिगःया ऐतिहासिक येँयाःया झ्वलय् क्वःनेयाः । येँया क्वःने लागाय् कुमारीलिसें गणेश व भैरवया रथ सालाः क्वःनेयाः हनेत्यंगु दु ।
थौैंया दिनय् रथ साले न्ह्यः बसन्तपुरलिइ राष्ट्रप्रमुखं सद्यः कुमारी, गणेश व भैरवया दर्शन यायेगु परम्परा दु । येँयाःया हे झ्वलय् लाखय्, पुलुकिसि, सवःभकु नं पिकोगु चलन दु । थुकथं लाखय्, पुलुकिसिलिसें कुमारी, गणेश व भैरवया रथ बसन्तपुलिं सालाः थौं मरु, चिकंमुगः, न्हूघः, लगं, ह्यूमत, क्वहितिं मरु जुयाः बसन्तपुलिइ हे थ्यंकेधुंकाः याः न्याइ ।
कन्हय् धाःसा येँया थःने लागाय् रथ साली । कन्हय् येँयाःपुन्हिया दिनय् दक्वं नेवाःतय् समयबजि दयेकाः नयेगु लिसें इनेगु नं याइ । येँयाःपुन्हिया दिनय् समयबजिया विशेष महत्व दुगु जूगुलिं समयबजि पुन्हि तकं धायेगु याः । दँय्दसं भाद्र शुक्ल चतुर्दशीया दिनय् स्वनिगःया येँ, यल, ख्वपलिसें धौख्यः व दोलखाय् नं येँयाः हनेगु याइ ।
भाद्र शुक्ल द्वादशीया दिनय् हनुमानध्वाखाया न्ह्यःने धार्मिक विधि कथं इन्द्रध्वजालिसेंया यःसिँ थनेधुंकाः येँयाः औपचारिक रुपं न्ह्याइ । वयां न्ह्यः तान्त्रिक विधि कथं पूजा यानाः काभ्रेया नालास्थित चित्तपोल जङ्गलं यःसिँया नितिं सिमा पालाः हइ । लिच्छवीकालनिसें थुगु जात्रा हनेगु न्ह्याःगु धयावःगु दुसा जय प्रकाश मल्लया पालय् कुमारीया रथ जात्रा न्ह्याकूगु खः ।
विशेष यानाः स्वनिगःया नेवाः समुदायं वा व सहकालया द्यः इन्द्रया पूजा–आराधना यानाः थुगु जात्रा हनेगु याइ ।
थौं खुक्वःगु संविधान दिवस
लहनान्युज | ञंलाथ्व चतुर्दशी ११४१, असोज ३ आंईतवाः
थौं संविधान दिवस। संविधानसभां नेपालय् न्हूगु संविधान जारी जूगु ६दँ पूवंगु दु।
२०७२ साल असोज ३ गते संविधानसभां दयेकूगु संघीय लोकतान्त्रिक गणतन्त्र नेपालया संविधान जारी जूगु खः । छिमेकी भारतया असन्तुष्टि व देशय् मधेश केन्द्रित दलतय्गु विरोधयादथुइ स्वंगू दल नेपाली कांग्रेस, नेकपा एमाले व माओवादीया नेतृत्वय् संविधानसभां न्हूगु संविधान जारी जूगु खः ।
अनलिं हरेक दँ असोज ३ गतेयात संविधान दिवस अले राष्ट्रिय दिवसया रुपय् हनेगु यानावःगु दु । आःया संविधानं मधेश केन्द्रीत दलतय्गु असन्तुष्टि अmझं सम्वोधन मजूनि । संविधानप्रतिया असन्तुष्टि झं अप्वःगु दु । संविधान जारी जूगु थुखय् न्हापांखुसि निर्वाचित संसद निक्वः तक विघटनया असफल कुतः तकं जूगु दु । उगु ईलय् संसद गतिहीन अवस्थाय् थाःगु खः ।
संविधानय् उल्लेखित मौलिक हकत भ्वँतय् जक लिकुनेत बाध्य जूगु खः । संघीयता कार्यान्यनया पक्ष झं थाकुगु अवस्थाय् थ्यंगु दुसा प्रदेशत फगत दलतय् नेता व्यवस्थापन यायेगु माध्यम थें जूगु दु।अधिकार सम्पन्न स्थानिय तहत भ्रष्टाचारया न्हून्हूगु अखडा थें जूगु दु। समाजवाद उन्मुख संविधान धाःसां ज्या यानाः नयेमाःगु बर्गया नितिं नीति निर्माण याइगु तहलं च्यूताः तःगु खनेमरु ।
