वंगु २४ घण्टाया दुने देयन्यक २६४ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ९३९२ म्हेसिगु पीसीआर परीक्षणय् २२९ म्ह व ४३१७ म्हेसिगु एन्टिजेन परीक्षणय् ३५ म्ह या २६४ म्हेसित संक्रमण पुष्टि जुगु दु।

अथेहे २४ घण्टाय् कोरोना भाइरस ३६२म्ह संक्रमणमुक्त जुगु दु सा निम्ह सीउगु दु।

नेकपा एमाले न थौं मंगलबाः शुरु जुगु प्रतिनिधिसभाया न्हापागु बैठक अवरुद्ध याउगु दु।

थःपिन्स सांसदपिन्त कारबाही यानागु सभामुखं मान्यता मबिउगु विरोधय् वंगु अधिवेशननिसे संसद अवरुद्ध याना वयाच्वंगु एमाले न थौं मंगलबाः निसे शुरु जुगु संसद अधिवेशनया न्हापागु बैठकय् न उगु हे विषययात कया अवरुद्ध याउगु खः। एमाले सांसदपिनिगु नाराबाजी दथुइ हे सभामुख अग्निप्रसाद सापकोटां संसद बैठक सञ्चालन याउगु दु। थौंया बैठकय् सरकारया पाखे खुगु विधेयक पेश याउगु दु।

सरकारयापाखे कानुन न्याय तथा संसदीय मामिलामन्त्री दिलेन्द्रप्रसाद बडुं नेपाल प्रहरी व प्रदेश प्रहरी (कार्यसञ्चालन, सुपरिवेक्षण व समन्वय) (न्हापागु संशोधन) अध्यादेश २०७८ पेस यायेत्यंगु खः। वयकलं हे ै तेजाब तथा अन्य घातक रासायनिक पदार्थ (नियमन) अध्यादेश २०७८ व सामाजिक सुरक्षा –न्हापागु संशोधन) अध्यादेश २०७८ पेस याउगु खः।

अथेहे रेल्वे अध्यादेश २०७८, यौन हिंसाविरुद्धया छु ऐनयातयात संशोधन यायेगु अध्यादेश २०७८ व फौजदारी कसूर नाप फौजदारी कार्यविधिसम्बन्धी छु ऐन संशोधन याय्गु अध्यादेश न संसदमा पेश याउगु दु। संसद अधिवेशन चालु मजुगु इलय् सरकारं हःगु अध्यादेश संसदया न्हापागु बैठकय् हे पेस यायेगु प्रावधान दु।

आ संसदया मेगु बैठक पुस ६ गते मंगलबाः न्हिनय् १ बजे तकया लागि स्थगित याउगु दु।

नेपाली कांग्रेसया नेता विमलेन्द्र निधिं शेरबहादुर देउवायात समर्थन याइगु जुगु दु।

सभापतिया निगुगु चरणया मतदानय् निधिं देउवायात हे ग्वाहालि याइगु जुगु दु।

निगुगु चरणया मतदान जुइगु जुगुलि देउवां निधि व प्रकाशमान सिंहयात नापलावंगु खः।

सिंहं देउवायात समर्थन याये धका धाये धुकुुगु दु। निगु चरणया चुनावय् शेरबहादुर देउवा व शेखर कोइराला दथुइ प्रतिस्पर्धा जुइत्य.गु दु।

नेपाली कांग्रेसया सभापति पदया लागि निगुगु चरणया निर्वाचन न्हिनय् ३ः३० बजेनिसे सुरु जुइत्यंगु दु।

केन्द्रीय निर्वाचन समितिं मतदानया लागि ३ः३० बजेदेनिसे ७ः३० बजे तकया ई निर्धारण याउगु दु। निगुगु चरणया चुनावय् शेरबहादुर देउवा व शेखर कोइराला दथुइ प्रतिस्पर्धा जुइ।

न्हापागु चरणया चुनावय् देउवां २२५८ व कोइरालां १७०२ मत काउगु धका निर्वाचन समितिं धाउगु दु। ३७१ मत कया स्वगूगु थासय् प्रकाशमान सिंह, २५० मत कया प्यंगूगु थासय विमलेन्द्र निधि व न्यागू थासय् कल्याण गुरुङ लाउगु खः।

यलया लगनख्यःस्थित लिच्छिविकालिन सप्तपाताल पुखूया पुनर्निर्माण जुइगु जूगु दु ।

नेपाली सेनाया राजदल गण अन्तर्गत दूगु पुखुया प्रधान सेनापति प्रभुराम शर्मा व यल महानगरपालिकाया प्रमुख चिरिबाबु महर्जनं शिलान्यास यानादिल ।

सेनाया राजदल गण व यल महानगरपालिका दथुइ जूगु समझदारी कथं झण्डै ४०गू रोपनि क्षेत्रफलय् दुगु पुखू पुनर्निर्माणया नितिं यल महानगरपालिकां ५गू क्वःति ध्यबा बीगु जूगु दु ।

ज्याझ्वलय् यल महानगरपालिकाया प्रमुख महर्जनं स्मार्ट सिटि निर्माण अन्तर्गत हे पुुखू पुनर्निर्माणया ज्या जुइत्यंगु धयादिल ।

ज्याझ्वलय् प्रधानसेनापति शर्मां बातावरणिय ल्याखं येँसिबें यल जिल्ला यक्व स्तरिय जूगु थःपिन्सं महशुस यानागु धयादिल ।

सप्तपाताल पुखुया पुनर्निर्माण वइगु ३ दँ दुने क्वचायेकेगु योजना यल महानगरपालिकां दयेकूगु दु ।