पत्रकार राजेश बज्राचार्यया अबु समाजसेबी सोम नरसिह बज्रचार्य मन्त।

छातीइ समस्या व निमोनिया जुया यलया पाटन अस्पतालय् वासः यायेत यकुगु खः। वयकः ७९ दय् वासः यायेगु झ्वलय् अस्पतालय् सनिवाः चान्ह्य १ बजे मदुगु खः।

मदुम्ह समाजसेबी सोम नरसिह बज्रचार्यया जहान नाप स्वम्ह काय् व छम्ह म्ह्याय् दी।

पत्रकार राजेश बज्राचार्य कान्छाम्ह काय् खः। 

कार्टुनिष्ट रविन सायमीं सरकारपाखे विभूषण मकायेग घोषणा याउगु दु।

संविधान दिवस २०७८ या लसताय् सरकारले सायमीयात ‘प्रवल जनसेवा श्री’ पाखे विभूषित यायेगु निर्णय याउगु खः।

कार्टुनिष्ट सायमी सामाजिक सन्जालपाखे उगु  पदक ग्रहण मयायेगु घोषणा याउगु खः। सायमी च्वंगु दु, ‘सरकारं जितः प्रवल जनसेवा श्रीपाखे विभुषित यायेगु निर्णय याउगु दु। तर आः थुगु विभूषण ग्रहण मयायेगु निर्णय यानागु दु।’

पदक वितरण दलीय प्रभावपाखे मुक्त जुगु मदु, उकिइ जिं मकायेगु निर्णय यानागुु दु धका धयादीगु दु। न्ह्यक्वःगु संविधान दिवसया लसताय् सरकारं  ९सः स्वयां अप्वःसित थीथी मानपदवी, अलंकार व विभूषणं हनीगु जूगु दु । दक्कले तःधंगु सम्मान सन्तनेता मदुम्ह कृष्णप्रसाद भट्टराईयात नेपाल रत्न बीगु जूगु दु ।

अथे हे, निगूगु तःधंठगु राष्ट्रगौरव विभूषण नेपाली कांग्रेसया संस्थापक नेता मदुम्ह सुवर्णशमशेर राणा व पूर्वप्रधानमन्त्री झलनाथ खनालयात बीगु जूगु दु । स्वंगूगु तःधंगु महाउज्वल राष्ट्रद्वीप न्हापांगु श्रेणीया विभूषण मदुम्ह नेतात् तुलसीलाल अमात्य, मंगलादेवी सिंह, दुर्गानन्द झा, स्वर सम्राट नारायण गोपाल व वामपन्थी नेता मोहनचन्द्र अधिकारीयात बीगु जूगु दु ।

अथे हे, सुप्रसिद्ध प्रबल जनसेवाश्री चूलाःपिंलय् प्रदीप नेपाल, पोष्टबहादुर बोगटी, मार्शल जुलुम शाक्य व पीएल सिंह लाःगु दु । अथे हे, प्रधानन्यायाधीश चोलेन्द्र शम्शेर जबरायात महाउज्जवल राष्ट्रद्वीप न्हापांगु श्रेणी व न्यायाधीश विश्वम्भर श्रेष्ठयात उज्वल कीर्तिमय राष्ट्रद्वीप पदकं विभूषित याइगु जूगु दु ।

अथे हे, सर्वोच्चया न्यायाधीशपिं अनिलकुमार सिन्हा, सपना प्रधान मल्ल व तेजबहादुर केसीयात प्रबल जनसेवाश्री बीगु जूगु दु । न्हापांगु खुसी प्रतिनिधिसभा विघटनया मुद्दाायत बदर याःपिं दक्वं न्यायाधीशपिं विभूषित जुइगु जूगु दु ।

महालेखा परीक्षक टंकमणि शर्मा व महान्यायाधिवक्ता खम्मबहादुर खातीयात नं प्रबल जनसेवाश्री पदक बीगु जूगु दु । अथे हे, माओवादी केन्द्रया नायः पुष्पकमल दाहालया जहान सीता दाहालयात नं सर्वोच्चया न्यायाधीशतय् ज्वलिंज्वःया प्रबल जनसेवाश्री पदक बीगु जूगु दु । अथे हे, मुख्यसचिव शंकरदास बैरागी, प्रधानसेनापति प्रभुराम शर्मा, वरिष्ठ अधिवक्ता कृष्णप्रसाद भण्डारीयात नं व हे पदक बीत्यंगु दु ।

प्रतिनिधिसभा विघटनया मुद्दाय् शेरबहादुर देउवायापाखें बहस याःपिं कानून व्यवसायीपिं बद्रीबहादुर कार्की, महादेवप्रसाद यादव, हरिहर दाहाल, मुक्ति प्रधान, मिथिलेश सिंह, रमण श्रेष्ठ, दिनेश त्रिपाठी, गोविन्द बन्दी व पदम रोक्कां नं प्रबल जनसेवाश्री चूलाकीगु जूगु दु ।

येँ महानगरपालिकाया मेयर विद्यासुन्दर शाक्यं येँया ऐतिहासिक सम्पदायात धार्मिक पर्यटननाप स्वाना धार्मिक पर्यटकीय सहरया पहिचान बिइगु अभियानय् वनाच्वनागु दु धका धयादीगु दु।

थौं २१ या इनाखा त्वालय् गणेश देगःया उलेज्या यानादीसे अथे धयादीगु खः। ‘येँ महानगरपालिकाया ३२ गु हे वडाय् सम्पदा निर्माण–पुर्ननिर्माणय् प्राथमिकता बियाच्वंनागु दु,’ शाक्यं धयादीगु दु, ‘दुगु सम्पदाया संरक्षण सम्वद्र्धन यायेगु व पर्यटननाप जक स्वायेगु मखु न्हुगु सम्पदा निर्माण अभियानय् न महानगरपालिका न्ह्या वनाच्वंनागु दु।’

मेयर शाक्यं धयादीगु दु सकल नेपाःमि व विदेशीपिन्त न थनया धार्मिक ऐतिहासिक महत्वया बारेय् अध्ययन अनुसन्धान यायेत धार्मिक–पर्यटकीय थाय् दयकेगु  धका धयादीगु दु। वयकलं मूर्त–अमूर्त सम्पदा संरक्षण–सम्वद्र्धन याना येँ चाःहिइ वइपि पर्यटकपिन्त यक्को तये फइगु कथं योजना ज्वना न्ह्यावयाच्वनागु दु।

‘थन चाःहू वइपि स्वदेशी–विदेशी पर्यटकपि यक्को च्वने फइगु कथं थनया पर्यटन प्रवद्र्धनय् ग्वाहालि जुइगु कथं जिमिसं सम्पदा निर्माण–पुर्ननिर्माणया अभियानय् न्ह्यावना च्वनागु दु,’ वयकलं धयादीगु दु, ‘थनया स्थानीयपिनिगु व्यवसाय थकायेत थनया सम्पदायातल पर्यटन नाप स्वायेतिनागु खः।’

उगु ज्याझ्वलय् पूर्वमन्त्री कृष्णगोपाल श्रेष्ठ नाप २१ वडाध्यक्ष उदयचुदामणि बज्राचार्य न उपस्थिति दुगु खः।