दाङया तुलसीपुर उपमहानगरपालिका–७ या रानीघाट खुसिइ दिकातःगु छगः बसय् अज्ञात समूह नं मिँतयाबिगु दु।

घोराही–तुलसीपुर सडकखण्ड रा १ ख १८९२ नम्बरया बसय् अज्ञात समूह न मिँ तयाबिगु खः। उगु बसय् वंगु १ः३० बजेनिसे मिँ तयाबिगु धका इलाका प्रहरी कार्यालय तुलसीपुरया प्रमुख श्याम अर्यालं जानकारी बिगु खः। प्ह

रीं चान्ह्यः हे मिँयात नियन्त्रणय् काये धुकुगु दु। सू ना मिँ तःगु धइगु मस्यूनिसा घटनाया अनुसन्धान जुयाच्वंगु दु धका प्रहरीं धागु दु।

निर्वाचन आयोगं जनता समाजवादी पार्टी (जसपा) या नेता रेशम चौधरीया सनाखत जेल हे याइगु जुगु दु।

आयोगं जसपाया आधिकारिकता विवाद निरुपण यायेत जसपाया केन्द्रीय कार्यकारिणी समितिया सदस्यप आयोगय् सःता सनाखत यानाच्वंगु दु। आयोगया कार्यालय उपेन्द्र यादव व महन्थ ठाकुर पक्षया नेतापि वंगु खः। चौधरी जेलय् दुगुलि वयागु सनाखत जेलय् यायेत्यंगु खः।

जसपाया आधिकारिकता विवाद समाधान यायेत आयोगं प्रमुख निर्वाचन आयुक्त दिनेश कुमार थपलियाया नेतृत्वय् न्याम्ह सदस्यीय इजलास गठन यागु खः। उगु इजलासय् केन्द्रीय कार्यकारिणी सदस्य स्वयं उपस्थित जुया सनाखत यायेमाःगु खनेदगु धासे साउन ११ गते सुथय् ११ बजे आयोगय् उपस्थित जुइत साउन ७ गते आदेश बिगु खः।

निर्वाचन आयोगय् जनता समाजवादी पार्टी (जसपा)या केन्द्रीय कार्यकारिणी समिति सदस्यपिनिगु सनाखत सुरु जुगु दु।

सनाखतया लागि जसपा अध्यक्ष उपेन्द्र यादव नाप नेतापि निर्वाचन आयोगय् वंगु खः।मेम्ह अध्यक्ष महन्थ ठाकुर पक्षय् दुपि मनिष सुमन लगायतया नेतापि न निर्वाचन आयोगय् दु।

निर्वाचन आयोगया प्रवक्ता राजकुमार श्रेष्ठं जसपाया कार्यकारिणी समिति सदस्यपि नाप ‘हेड काउन्ट’ सुरु जुगु धका धागु दु।

श्रेष्ठं जसपाया आधिकारिकता सम्बन्धी निर्णय थौं हे वइ धका धागु दु।

गुरु पुन्हिया लसताय् येँया खुसिबुँ खुसिपार्क (बुद्धपार्क) य् छगु ज्याझ्वः दथुइ बुद्धया प्रतिमा अनावरण जुगु दु।

उगु ज्याझ्वलय येँ महानगरपालिका १७ वडाध्यक्ष नविन मानन्धरं उगु बुद्ध प्रतिमा अनावरण यानादीगु खः।

निर्वाचन आयोगं जनता समाजवादी पार्टी आधिकारिकताया लागि केन्द्रीय कार्यकारिणी समिति यागु सदस्यपिनिगु सनाखत याये दइगु जुगु दु।

जसपाया अध्यक्ष महन्थ ठाकुरं समितिया सदस्यपिनिगु सनाखत याइगु निर्वाचन आयोगया ज्या रोके यायेगु माग यासे सर्वोच्च अदालतय् रिट दर्ता यागु खः।

तर थौं आइतवाः न्यायाधीश कुमार रेग्मीया एकल इजलासं अन्तरिम आदेश बिइम्वागु ठहर यासे निगु पक्षयात १५ दिं दुने छलफलया लागि सःतूगु खः। निर्वाचन आयोग थे संवैधानिक निकाय न इजलासं निगु पक्षयात सःतूगु निर्णय अन्तरिम आदेश बिइम्वागु इजलासं ठहर यागु खः।

जसपाया अध्यक्ष महन्थ ठाकुर व उपेन्द्र यादव निगु पक्षं आधिकारिकता दाबी यायेवं निर्वाचन आयोगं कार्यकारिणी समितिया सदस्यपिनिगु सनाखतपाखे निर्णय काइगु जुगु दु। उकिया लागि आयोगं कन्ह्य सोमवाः सुथय् ११ बजे सकसित आयोगय् उपस्थित जुइत धागु दु। कार्यकारिणी समितिइ दुपि ५१ म्ह मध्ये थःगु पक्षय् ३२ म्ह दुगुलि आयोगं मान्यता बिइत उपेन्द्र यादव पक्षं दाबी यागु खः।