Display Style:
Column Style
देयन्यक थप २९७९ म्हेसित संक्रमण पुष्टि
शोभा श्रेष्ठ | बछलागा त्रयोदशी ११४१,असार २३ बुधवाः
वंगु २४ घण्टाया दुन थप २९७९ म्हेसित कोरोना संक्रमण पुष्टि जुगु दु।
अथेहे २८ म्ह कोरोना संक्रमितपि सीगु दु। स्वास्थ्य तथा जनसंख्या मन्त्रालयया कथं देयन्यक ७८३५ म्हेसिगु पीसीआर टेष्ट यागुलि २०७७ म्ह संक्रमण पुष्टि जुगु खः।
देयन्यक ४०६३ म्हेसिगु एन्टिजेन परीक्षण यागुलि ९०२ म्हेसित संक्रमण पुष्टि जुगु खः।
देय् दबुया संस्थापक प्राध्यापक जीवेश्वर लाखे मन्त
लहानान्युज | बछलागा त्रयोदशी ११४१,असार २३ बुधवाः
नेवाः देय् दबुया संस्थापक प्राध्यापक जीवेश्वर लाखे ८४ दँया बैशय् मन्त।
गल ब्लाडरय् इन्फेक्सन जुया वंगु असार १३ गते येँया मोडल हस्पिटलय् वासः याना च्वनादिम्ह खः।
वयकलं प्यंगु दशकं न्ह्यः पत्रकारीता यानादीम्ह खःसा बिराटनगर प्रेस क्लबया पूर्व अध्यक्ष, मदर ल्याण्ड अंग्रेजी दैनिक व समाज दैनिकया संबाददाता प्रतिनिधि जुया ज्या याना कानून ब्यबसायीलिसें प्राध्यापक तक जुयादिइम्ह खः।
एमालेया कार्यदल बैठक थौं न च्वनिइगु
लहानान्युज | बछलागा त्रयोदशी ११४१,असार २३ बुधवाः
नेकपा (एमाले)या कार्यदल यागु बैठक थौ न च्वनेत्यंगु दु।
थौं च्वनेत्यंगु बैठकय् सर्वोच्च अदालतया फैसला लिपा पुनर्जीवित एमालेया संगठनात्मक प्रणालीया विषय छलफल जुगु दु।
थ्व स्वया न्ह्यः म्हिगः मंगलवाः च्वंगु बैठकय् पार्टी खने दुगु समस्या गये याना समाधान याये फइगु धइगु विषय कार्यदल सदस्यपिन्स धारणा तःगु खः।
थौंया बैठकय् उगु बिषय छलफल जुइत्यंगु खः।
पेट्रोलया भाः हाकनं थकाल
शोभा श्रेष्ठ | बछलागा त्रयोदशी ११४१,असार २३ बुधवाः
नेपाल आयल निगमं हाकनं थौंनिसे इन्धनया भाः थकागु दु।
वंगु असार १० गते चान्ह्य १२ बजेनिसे लागू जुइ कथं निगमं पेट्रोलया भाः छगु लिटरय् १२७ रुपैयाँ थ्यंकूगु खः।
हाकनं छगु लिटरय् नितका थकान पेट्रोलया भाः १२९ रुपैयाँ थ्यकूगु दु। डिजेल व मचिकं न छगु लिटरय् नितका थकागु दु।
हवाई इन्धन आन्तरिकपाखे छगु लिटरय् नितका थकाया ८४ रुपैयाँ, हवाई इन्धन (अन्तर्राष्ट्रिय) य् छगु किलोलिटरय् १९ अमेरिकी डलर थकाया ७४५ डलर थ्यकूगु दु।
अथेहे ग्यास छगः सिलिण्डरय् २५ रुपैयाँया थकाया १४ सय २५ रुपैयाँ कायम यागु दु।
भेरोसेल खोपया निगूगु डोज थौंनिसें न्ह्यात
बछलागा द्धादशी ११४१, असार २२ मंगलवाः
कोरोनाविरुद्धया भेरोसेल खोपया न्हापांगु डोज तयेकेधुंकूपिन्त थौंनिसें निगूगु डोज काःगु दु ।
सरकारं जेठ २५ गतेनिसें २९ गतेतक देय्न्यंकं ६०दँनिसें ६४दँ वैंश पुचःया नागारिकतय्त भेरोसेलया न्हापांगु डोज तयेकूगु खः ।
न्हापांगु डोज काःपिं ३गू लख ७०द्वम्ह मनूतय्त थौं निगूगु डोजया खोप न्ह्याकागु स्वास्थ्य सेवा विभागया खोप शाखां जानकारी बिल ।
न्हापांगु खोप अभियानय् भेरोसेल खोपया निगूगु डोज त्वःफ्यूपिन्सं न थ्व ईलय् निगूगु डोज कायेफइगु यानाः व्यवस्था यानातःगु दु ।
खोप कायेत न्हापांगु डोज काःबलय् ब्यूगु म्हासुगु कार्ड अनिवार्य यानातःगु दु । न्हापांखुसि ६०दँनिसें ६४दँ वैंश पुचःया ज्याथःजिथिपिं नागरिकपिन्त भेरोसेल खोपया न्हापांगु डोज तयेकूगु खः ।
खोप अभियान देय्न्यंकं न्ह्यात । थ्वहेदथुइ येँया स्वास्थ्य ज्याकुथीं ३२गू थासय् खोप केन्द्र क्वःछ्यूना निगूगु डोन बियाच्वंगु दु ।
