देयन्यक २४२१ म्ह कोरोना संक्रमण पुष्टि जुगु दु। धका स्वास्थ्य तथा जनसंख्या मन्त्रालय धागु दु।

वंगु २४ घण्टाय् स्वनिगः दुने जक ४९७ म्हेसित संक्रमित जुगु दु। उकि मध्ये येँ जक ३४६ म्हेसित कोरोना जुगु दु।

अथेहे यलय् ९७ म्ह व ख्वप् ५७ म्हेसित पुष्टि जुगु दु धका मन्त्रालयं नियमित पत्रकार सम्मेलनय् धागु दु।

वंगु २४ घण्टाया दुने २४२१ म्हेसित कोरोना भाइरस संक्रमण पुष्टि जुगु दु।

स्वास्थ्य तथा जनसंख्या मन्त्रालयया कथं ७४६१ म्हेसिगु पीसीआर परीक्षणय् १५११ म्ह व ४९५३ म्हेसिगु एन्टिजेन परीक्षणय् ९१० म्ह याना २४२१ म्ह संक्रमण पुष्टि जुगु दु। कोरोना संक्रमणं थप ८१ म्ह सीगु दु।

उकि मध्ये वंगु  २४ घण्टाय् ५२ म्ह सीगु खः । बाँकी २९ म्ह धाःसा वंगु तथ्यांकय् समावेश सीपि मजुपि धका धागु दु। वंगु २४ घण्टाय् ३५५८ म्ह संक्रमणमुक्त जुगु दु। देयन्यक सक्रिय संक्रमितपि ५० हजार ५२० म्ह दु।

उकि मध्ये ४७२४६ म्ह होम आइसोलेसनय् व ३ हजार २३४ म्ह संस्थागत आइसोलेसनय् च्वना च्वंगु दु।

लुँ तोलां थौं स्वसः क्वहावःगु दु।

थौं स्वसः क्वहावया तोलां ९० हजार ७ सय कायम जुगु दु धका नेपाल सुनचाँदी व्यवसायी महासंघं धागु दु। म्हिगः लुँ तोलाया ९१ हजार रुपैयाँ थ्यंगु दु।

अथहे, थौं वहः न तोलां न्यातका क्वहावंगु दु । थौं वहः तोलां न्यातका क्वहावया १२ सय ९५ रुपैयाँ कायम जुगु दु। म्हिगः तोलाया १३ सय रुपैयाँ कारोबार जुगु खः।