Display Style:
Column Style
यलय् १८दँ च्वयेपिन्त कोरोनाविरुद्धया खोप न्ह्यात
ञंलागा औंसी ११४१, असोज २० बुधवाः
यलय् थौंनिसें १८दँ च्वयेया सकलेंसित कोरोनाविरुद्धया खोप तयेकीगु जूगु दु ।
जिल्ला स्वास्थ्य ज्याकू यलं क्वःछिनातःगु खोप केन्द्रपाखें खोप तयेकेगु तयारी यानाच्वंगु दु । नखःचखःया ईलय् भीडभाड अप्वयेफइगु अले कोभिड–१९ न्यनेफइगु जुयाः उकियात मध्यनजर यानाः खोप ज्याझ्वः न्ह्याकूगु खः ।
खोपया नितिं थःत छिंगु थासय् पालिकां क्वःछिनातःगु खोप केन्द्रय् वनाः खोप कायेत स्वास्थ्य ज्याकुथीं इनाप याःगु दु ।
येँ महानगरपालिकां वंगु वालंनिसें हे १८दँ च्वयेया मनूतय्त भेरोसेल खोप तयेकाच्वंगु दु ।
धौबिचौरया गाःहितीइ लःया मुहान लुगु दु
नृपेन्द्रलाल श्रेष्ठ | ञंलागा औंसी ११४१, असोज २० बुधवाः
धौबिचौरया गाःहितीइ लःया मुहान खनेदत येँ महानगरपालिका १७ वडाया धौबिचौरया गाःहितीइ (ल्वहिती) म्हिगः लःया मुहान लुगु दु।
येँ महानगर १७ वडाध्यक्ष नबिन मानन्धरं बिउगु जानकारी कथं दच्छि न्ह्यःनिसे जुयाच्वंगु अनुसुन्धानय् म्हिगः उत्खनन् याउगु इलय् उगु ल्वहिती याउगु लःया मुहान लुगु खः।
मिस नेपाल सुप्रिया श्रेष्ठ फिलिपिन्सय् ब्बति कायेगु निति थःगु देय् या न्ह्यब्बयेत ल्वतितीबारे बिषय कयादीगु खः। श्रेष्ठ नाप जाना अनुसन्धान याउगु इलय् ईन्द्रायणी मार्गय् उगु मुहान लुगु खः।
आः अन च्वंगु स्वंगु ल्वहितीइ म्हिगः निसे लः वःगु दु। येँ महानगरपालिकां दँच्छि न्ह्यः उगु ल्वहिती अनुसन्धानया निती ८८ लाख बजेत छुटे याउगु खः धका १७ वडाध्यक्ष मानन्धरं लहानन्युजयात जानकारी बियादीगु खः।
देयन्यक ९६८ म्ह कोरोना संक्रमण पुष्टि
रसिया श्रेष्ठ | ञंलागा चतुर्दशी ११४१, असोज १९ मंगलवाः
वंगु २४ घण्टाया दुने देयन्यक ९६८ म्हेसित कोरोना भाइरस संक्रमण पुष्टि जुगु दु ।
११,८५२ म्हेसिगु पीसीआर परीक्षण यागुलि ७६२ म्ह व ४,४६० एन्टिजेन परीक्षण यागुलि २०६ म्ह यानाः ९९६८ म्हेसित कोरोना भाइरसया संक्रमण पुष्टि जुगु दु धका स्वास्थ्य व जनसंख्या मन्त्रालय जानकारी बिउगु दु।
अथेहे वंगु २४ घण्टाय् कोरोना संक्रमणं खुम्हेसिगु ज्यान वंगु दु सा १,११४ म्ह कोरोनामुक्त जुगु दु।
नेप्से थौं ४१ दशमलव ८४ अङ्कं थहावन
रसिया श्रेष्ठ | ञंलागा चतुर्दशी ११४१, असोज १९ मंगलवाः
छु दिंनिसे लगातार घटे जुयाच्वंगु शेयर बजाः थौं मङ्गलवाः थहावंगु दु।
शेयर बजाः परिसूचक नेप्से थौं ४१ दशमलव ८४ अङ्कं थहावना २ हजार ६ सय १२ दशमलव ६५ विन्दुइ थ्यंगु दु। थौं व्यापारबाहेक दक्को समूहया शेयर भाः थहावंगु दु।
बैंकिङ समूहया शेयर १८ अङ्कं, विकास बैंक समूहया १४० अङ्कं, जलविद्युतया ६० अङ्कं, फाइनान्सया ८७ अङ्कं व माइक्रोफाइनान्स समूहया शेयर १३६ अङ्कं थहावंगु दु। अथेहे होटलय् ३६, जीवन बीमा समूहय् ३०७, निर्जीवन बीमा समूहया २६५, उत्पादन समूहय् १०७ व मेमेगु समूहया शेयर ११ अङ्कं थहावंगु दु।
शेयर बजार थहावसां कारोबार रकम धासा घटे जुगु दु। म्हिगः ३ अर्ब ६२ करोड रुपैयाँ कारोबार जुगुलि थौं जम्मा २ अर्ब ९९ करोड ९६ लाख रुपैयाँया शेयर किनबेच जुगु दु। थौं २ सय २३ कम्पनीया ४१ हजार कारोबारपाखे ५८ लाख ४२ हजार कित्ता शेयर कारोबार जुगु दु।
दकलय् अप्वो शिखर इन्स्योरेन्सया १३ करोड ६६ लाख रुपैयाँया शेयर कारोबार जुगु खः। थौं मल्टिपर्पोज फाइनान्स, हिमालयन पावर पार्टनर व समता घरेलु लघुवित्तया शेयर १० प्रतिशतं थहावंगु दु। समग्र बजाः थहावसां एनआईसी एसिया लघुवित्तया शेयर १० प्रतिशतं थहावंगु दु।
बिहीवाःया दुने मन्त्रिपरिषद् विस्तार जुइगु
लहनान्युज | ञंलागा चतुर्दशी ११४१, असोज १९ मंगलवाः
मन्त्रिपरिषद् विस्तार कसं बिहीवाः तक यायेगु तयारी दु धका सत्तारुढ दलपिन्स धाउगु दु।
मंगलबाः सुथय् सत्तारुढ दलया शीर्ष नेतापि दथुइ मन्त्रालय भागवण्डाबारे छलफल जुगु खः। बालुवाटारय् जुगु प्रधानमन्त्री नाप छलफलय् कांग्रेस सभापति शेरबहादुर देउवा, माओवादी केन्द्रया अध्यक्ष पुष्पकमल दाहाल प्रचण्ड, एकीकृत समाजवादीया अध्यक्ष माधवकुमार नेपाल, जनता समाजवादीया अध्यक्ष उपेन्द्र यादव व कानूनमन्त्री ज्ञानेन्द्रबहादुर कार्कीपिनिगु सहभागी दुगु खः।
छम्ह नेता धाउगु कथं शीर्ष नेतापि सहमति न्ह्यने थ्यःगु दु । ‘थौं बहनि तक वा कन्ह्य हाकनं मेगु बैठक च्वनिइ व कसंतक मन्त्रिपरिषद् विस्तार जुइ’ धका छम्ह नेतां धाउगु दु।
