राष्ट्रपति विद्यादेवी भण्डारीं प्रधानमन्त्री शेरबहादुर देउवाया नेतृत्वय् वंगु असार २९ गते गठित  मन्त्रिपरिषद् मन्त्री नियुक्ति जूपिनिगु, जिम्मेवारी हेरफेर व कार्यविभाजन याउगु दु।

प्रधानमन्त्री देउवाया सिफारिसय् राष्ट्रपति भण्डारीं १६ मन्त्री व निम्ह राज्यमन्त्री नियुक्त याउगु दु सा मन्त्री व राज्यमन्त्रीपिनिगु न जिम्मेवारी हेरफेर याउगु दु। न्हु गठन जूगु मन्त्रिपरिषद कथं शेरबहादुर देउवा प्रधानमन्त्री, बालकृष्ण खाँण गृह, ज्ञानेन्द्रबहादुर कार्की सञ्चार तथा सूचना प्रविधि, पम्फा भुसाल ऊर्जा, जलस्रोत तथा सिँचाइ, राजेन्द्रप्रसाद श्रेष्ठ सङ्घीय मामिला तथा सामान्य प्रशासन, विरोध खतिवडा स्वास्थ्य तथा जनसङ्ख्या व जनार्दन शर्मा अर्थमन्त्री जुगु दु।

अथेहे डा. मीनेन्द्रप्रसाद रिजाल रक्षा, उमाकान्त चौधरी खानेपानी, डा नारायण खड्का परराष्ट्र, रेणुकुमारी यादव भौतिक पूर्वाधार तथा यातायात, प्रेमबहादुर आले संस्कृति, पर्यटन तथा नागरिक उड्डयन, दिलेन्द्रप्रसाद बडू कानून, न्याय तथा संसदीय मामिला, देवेन्द्र पौडेल शिक्षा, विज्ञान तथा प्रविधिमन्त्री नियुक्त याउगु दु।

महेन्द्रराय यादव कृषि तथा पशुपन्छी विकास, उमा रेग्मी महिला, बालबालिका तथा ज्येष्ठ नागरिक, शशी श्रेष्ठ भूमि व्यवस्था, सहकारी तथा गरिबी निवारण, रामकुमारी झाँक्री सहरी विकास, गजेन्द्रबहादुर हमाल उद्योग, वाणिज्य तथा आपूर्ति, रामसहायप्रसाद यादव वन तथा वातावरण, कृष्णकुमार श्रेष्ठ श्रम, रोजगार तथा सामाजिक सुरक्षा, महेश्वरजंग गहतराज युवा तथा खेलकूद मन्त्रीइ नियुक्त जूगु दु।

मन्त्रिपरिषद विस्तार न्हापा कानुन, न्याय तथा संसदीय मामिला मन्त्री जूम्ह मन्त्री ज्ञानेन्द्रबहादुर कार्की आः सञ्चार तथा सूचनाप्रविधि मन्त्री जूगु दु। उमेश श्रेष्ठ प्रधानमन्त्री तथा मन्त्रिपरिषदउा कार्यालय स्वइगु राज्यमन्त्री, भवानीप्रसाद खापुङ स्वास्थ्य तथा जनसंख्या राज्यमन्त्री व बोधमायाकुमारी यादव शिक्षा, विज्ञान तथा प्रविधि राज्यमन्त्री नियुक्त जुगु दु।

येँ महानगरपालिकां १८ दँ स्वया च्वयेच्वपिन्त थौंनिसे कोभिड–१९ विरुद्धया खोप कार्यक्रम सञ्चालनय् हःगु दु। थ्व स्वया न्ह्यः खोप केन्द्र दुगु ३२ गु वडाया खोप केन्द्र नाप छु भचा थप याना थ्व हे असोज २४ गते तक भेरोसेलया न्हापागु मात्रा खोप कार्यक्रम सञ्चालन हःगु दु।

महानगरपालिकां ३२ गु खोप केन्द्रबाहेक नेपाल प्रहरी अस्पताल, वीर अस्पताल, निजामती कर्मचारी अस्पताल, परोपकार प्रसूति तथा स्त्रीरोग अस्पताल व वीरेन्द्र सैनिक अस्पतालपाखे सेवा काये फइ। खोप कायेगु निति परिचयपत्र व विद्युतीय दर्ता नम्बर नाप न्ह्यनेया खोप केन्द्रय् वनेत महानगरपालिकां इनाप याउगु दु।

खोप कार्यक्रम सुथय् १०ः०० निसे न्हिनसिया ४ः०० बजेतक सञ्चालन जुइ विद्युतीय दर्ता नम्बरया लागि वेबसाइट vaccine.mohp.gov.np पाखे सेवा काये फइगु व्यवस्था दु।

सत्ता गठबन्धनया प्यंगु दलया शीर्ष नेतापिन्स मन्त्रालय भागबण्डा टुङ्गे जुइवं मन्त्रिपरिषदयात पूर्णता बिइगु तयारी दु। बालुवाटारय् म्हिगः च्वंगु गठबन्धनया बैठक थ्व स्वया न्ह्यः याउगु मन्त्रालय बाँडफाँटया हेरफेर यायेगु सहमति याउगु दु।

सहमति कथं नेपाली कांग्रेसं प्रधानमन्त्रीनाप च्यागु, माओवादी केन्द्रं न्यागु, नेकपा एकीकृत समाजवादी व जनता समाजवादीं प्यंगु प्यंगु मन्त्रालय काइगु जुगु दु। कांग्रेस, माओवादी व एकीकृत समाजवादीं छम्ह छम्ह राज्य मन्त्री कायेगु सहमति जुगु दु।

गुगु मन्त्रालय कायेगु टुङ्गे जुइवं म्हिगः मन्त्रिपरिषद् विस्तार यायेगु तयारी जुगु खःसा माधव नेपाल नेतृत्वया एकीकृत समाजवादीं मन्त्रालय भागबण्डाय् असन्तुष्टि जुइवं म्हिगः मन्त्रिपरिषद् विस्तार मजुगु खः। म्हिगः जुगु छलफल कथं एकीकृत समाजवादीयात स्वास्थ्य तथा जनसङ्ख्या, सहरी विकास, संस्कृति पर्यटन तथा नागरिक उड्डयन व श्रम तथा रोजगार मन्त्रालय बिइगु सहमति जुगु खः।

एकीकृत समाजवादीयात कानुन मन्त्रालय सता स्वास्थ्य मन्त्रालय बिइगु व प्रदेश–१ नाप वाग्मती प्रदेशया मुख्यमन्त्री बिइगु सहमति जुगु खः। भागबण्डा मिले जुइवं एकीकृत समाजवादीं मन्त्रीपिनिगु नां क्वटिइत थौं ११ बजे स्थायी कमिटी बैठक सःतूगु दु।

अथेहे, नेपाली कांग्रेसं प्रधानमन्त्रीनाप गृह, रक्षा, परराष्ट्र, सञ्चार तथा सूचना प्रविधि, कानुन न्याय तथा संसदीय मामिला, महिला बालबालिका तथा ज्येष्ठ नागरिक व युवा तथा खेलकुद मन्त्रालय काइगु जुगु दु।

माओवादी केन्द्रपाखे अर्थ, उर्जा, शिक्षा, विज्ञान तथा प्रविधि, जलस्रोत तथा सिँचाइ, भूमि व्यवस्था, सहकारी तथा गरिबी निवारण मन्त्रालय काइगु जुगु दु। अथेतु, जनता समाजवादी पार्टी न भौतिक पूर्वाधार तथा यातायात, सङ्घीय मामिला तथा सामान्य प्रशासन, कृषि तथा पशुपक्षी व वन तथा वातावरण मन्त्रालय काइगु जुगु दु। जसपां मन्त्री जुइपिनिगु नां क्वछिइ फुगु मदुनि।

नेपाल संवत् ११४२ न्हूदँ तःजिक हनेगु नितिं न्हूदँ समारोह समिति नीस्वनीगु दु ।

येँया नेपाः ब्याकेटय् थीथी संघ सस्थाया मंका मुज्यां ११४२ न्हूदँ समारोह समिति निस्वंगु खः।

उगु समितिया मुज्यां भाषासेवी निरञ्जन रत्न शाक्ययात सर्वसहमतीं न्हूदँ समारोह समिति ११४२ या अध्यक्षय् ल्यःगु खः। ११४१ न्हूदँ समारोह समितिया नायः रमेश महर्जनया सभापतित्वय् जुगु उगु मुज्याय् नेपालभाषा मंकाः खलःया दुजः गणेश सायमी व नेवाः देय् दवूया नायः नरेश ताम्रकार पाँहा कथं झायादिगु खः।

११४२ न्हूदँ तःजिक हनेगु नितिं ८० म्ह दुजः दुथ्याःगु समारोह समिति निस्वंगु खः ।समितिया न्हपांगु मुज्या थौं च्वनेत्यंगु दुसा उगु मुज्यां थीथी उप समितित निंस्वने निंस्वने त्यंगु खः।