प्रदेश २ या मुख्यमन्त्री नाप मन्त्रिपरिषद कार्यालयय् अख्तियार दुरुपयोग अनुसन्धान आयोगया टोलीं छापा मारे याउगु दु।

बुधबाः न्हिनय् सामुदायिक विद्यालयया छात्रापिन्त वितरण यायेगु धका विद्यार्थीपिनिगु ल्याः क्वमछिसे साइकल वितरण याउगु खः।

प्रधानाध्यापकपाखे बिउगु साइकल विद्याथीर्पिन्त थ्यंगु मथ्यंगु प्रष्ट मजुगु धासे महालेखा परीक्षकया कार्यालयं थःगु प्रतिवेदनय् न्ह्यसः तःगु खः।

लगातार स्वन्हु यकं घटे जुगु शेयर कारोबार मापक नेप्से परिसूचक थौं बुधबाः धासा सुधार जुगु दु। बुधबाः ५० दशमलव ५८ अंकं थहावना नेप्से परिसूचक २ हजार ६ सय ६५ दशमलव ९३ अंकय् थ्यंगु दु।

वंगु स्वन्हुु न्ह्यः लगातार घटे जुगु नेप्से परिसूचक २ सय अंक कुहावंगु खः। ‘क’ वर्गय् दुगु कम्पनीया कारोबार मापन याइगु सेन्सेटिभ इन्डेक्स न ८ दशमलव ५८ दशमलं थहावंगु दु। कारोबार रकम धासा उलि थहावंगु मदु। न्हिच्छियकं ६३ हजार ९ सय १६ कारोबारपाखे २२९ कम्पनीया ९८ लाख ९४ हजार ४ सय ७८ कित्ता शेयर किनबेच जुगु दु।

उकि मध्ये कारोबार रकम ५ अर्ब २ करोड ८५ लाख ५५ हजार ९२ रुपैयाँ थ्यंगु दु। बजारय् उच्च अंकं सुधार वगुलि अधिकांश कम्पनीया शेयर भाः थहावंगु दु। समूहगत सूचक (सवइन्डेक्स) दक्को हे थहावंगु दु। यक्को अप्वो ग्रीन डेभलपमेन्ट बैंक खने दुगु दु। थुगु बैंकया शेयर भाः १० प्रतिशत अर्थात ३५ रुपैयाँ ४० पैसां थहावना ३८९ रुपैयाँ ४० पैसा थ्यंगु दु।

अथेहे निगु थासय् अपी हाइड्रोपावर खने दुगु। उगु शेयर भाः ४१ रुपैयाँ ८० पैसा थहावना ४५९ रुपैयाँ ८० पैसा थ्यंगु दु। बुधबाः कालिका माइक्रोफाइनान्स, जोशी हाइड्रोपावर, मनकामना स्मार्ट लघुवित्त लगायतया कम्पनीपि अप्वो थहावंगु दु।

सभामुख अग्निप्रसाद सापकोटाया २०६८ सालय् दायर याउगु मुद्दा सर्वोच्च अदालतय् थौं बुधबाः न सुनुवाइ जुइ मफुत।

सूचना तथा सञ्चार मन्त्री जुगु इलय् सापकोटां पत्रकार कनकमणि दीक्षितविरुद्ध दायर याउगु अदालतया अवहेलना मुद्दा बुधबाः प्रधानन्यायाधीश चोलेन्द्रशम्शेर जबरा, न्यायाधीशपि दीपककुमार कार्की, मीरा खड्का, हरिकृष्ण कार्की व ईश्वर प्रसाद खतिवडा दुगु संवैधानिक इजलासय् तोके याउगु खः। तर उगु मुद्दा न्यायाधीश हरिकृष्ण कार्की स्वये मिले मजुगु धासे सुनुवाइ जुइ मफुगु धका सर्वोच्च अदालतया छम्ह अधिकारीं जानकारी बिउगु दु।

न्यायाधीश कार्की न न्हापा कानुन व्यवसायी जुगु इलय् थुगु मुद्दाय् बहस याउगु खः। उकिइ कार्कीया स्वार्थ ल्वायेफु धासे बुधबाः संवैधानिक इजलासं उगु मुद्दा स्वयेमिले मजु धका उम्ह अधिकारीं जानकारी बिउगु खः। थ्व स्वया न्ह्यः १६ भदौय् न थुगु मुद्दा प्रधानन्यायाधीश चोलेन्द्रशम्शेर जबरा, न्यायाधीशपि दीपककुमार कार्की, मीरा खड्का, हरिकृष्ण कार्की व ईश्वरप्रसाद खतिवडा दुगु संवैधानिक इजलासय् तःगु खः।

उगु इलय् न स्वये मिले मजु धका सुनुवाइ स्थगित याउगु खः। झण्डै हाकन लच्छि लिपा इजलासय् उगु मुद्दाय् पेशी तःगु दु।

थौं लुँ तोलां सच्छि कुहावंगु दु। थौं छापावाल लुँ तोलाया ८८ हजार ९०० रुपैयाँ तोके याउगु दु धका नेपाल सुनचाँदी व्यवसायी महासंघं धाउगु दु।

अथेहे तेजाबी लुँ तोलाया ८८ हजार ४५० रुपैयाँ कारोबार जुगु दु। म्हिगः लुँ तोलां ३०० रुपैयाँ घटे जुया ८९ हजार रुपैयाँ किनबेच जुगु खः।

बुधबाः वहः धासा स्थिर जुगु दु।

सुनुवाइ सभामुख अग्नि सापकोटाविरुद्धया मुद्दा संवैधानिक इजलासय् सुनुवाइ जुयाच्वंगु दु।

प्रधानन्यायाधीश चोलेन्द्रशमशेर जबरा नेतृत्वया संवैधानिक इजलासय् दीपककुमार कार्की, मीरा खड्का, हरिकृष्ण कार्की व ईश्वरप्रसाद खतिवडा न्यायाधीशपि खः। थ्व स्वया न्ह्यः १६ भदौय् पेशी दुगु थुगु मुद्दा स्वयेमलाउगुलि  लाउगु खः।

वयास्वया लिपा ३० फागुन २०७६ थुगु मुद्दा पेशीइ चढे याउगु खः। उगु इलय् स्वये मलाउगुलिं सुनुवाइ न्ह्याउगु खः। सशस्त्र द्वन्द्वकालय् काभ्रेया अर्जुन लामाया हत्याय् संलग्न दुगु द्धपः सापकोटायात बिउगु खः।

१६ वैशाख २०६२ य् श्रीकृष्ण मावि, दाप्चाय् अभिभावक भेला जुगु थासं लामा अपहरण जुगु खः। साउन स्वंगु वाः दुने गालय् म्वाः म्वाकं ल्हाकूगु धासे लामाया जहान पूर्णिमायां २०६४ सालय् जाहेरी बिउगु खः।

प्रहरीं जाहेरी मकाउगुलिं पूर्णिमायां सर्वोच्चय् उजुरी तःगु खः। २२ फागुन २०६४ य् सर्वोच्चया आदेशं जाहेरी दर्ता जुगु खः। तर बाबुराम भट्टराई नेतृत्वया सरकारं सापकोटाविरुद्धया जाहरी तामेलीय् तयेगु निर्णय याउगु खः।

वया लिपा पूर्णिमाया हाकन सर्वोच्च वसां सर्वोच्चं निर्णय कार्यान्वयन मयायेत आन्तरिम आदेश बिउगु खः। थुगु मुद्दा सर्वोच्चया संवैधानिक इजलासय् विचाराधीन जुयाच्वंगु खः।