लुँया भाः थौं तोलां १५०० सय रुपैयाँ क्वहावंगु दु।

शुक्रबाः ९१ हजार ५ सय रुपैयाँ कारोबार जगु छापावाल लुँ थौं आइतबाः ९० हजार रुपैयाँय् कुहावंगु दु।

अथेहे तेजावी लुँ  तोलां १ हजार ४५० रुपैयाँ कुहावंगु दु। वंगु शुक्रबाः छगु तोलां ९१ हजार रुपैयाँ कारोबार जुगुलि तेजावी लुँ थौं ८९ हजार ५५० रुपैयाँ कायम याना कारोबार जुगु खः।

अथेहे वहः तोलां २५ रुपैयाँ कुहावया तोलां १२४० रुपैयाँ काराबोर जुगुलि थौं १२६५ रुपैयाँ न कारोबार जुगु दु।

नेकपा एमालेया सचिव योगेश भट्टराईयात मातृशोक जुगु दु।

भट्टराईया मां महेन्द्रादेवी भट्टराई थौं शनिबाः ९५ दँय् मदुगु खः।

परिवारं बिगु जानकारी कथं अन्तिम संस्कार कन्ह्यः आइतबाः सुथय् पशुपति आर्यघाटय् याइ धका धागु दु। 

स्वनिगलय् थप २४ घण्टाय् ९१० म्हेसित कोरोना संक्रमण पुष्टि जूगु दु।

वंगु २४ घण्टाय् १३ हजार ५७३ म्हेसिगु स्वाब नमुना परीक्षण यागुलि देयन्यक ३२१८ म्हेसित संक्रमण जुगु दु। उकि मध्ये स्वनिगलय् जक ९१० संक्रमितपि थपे जुग खः।

अथेहे येँ जक ५९३ म्हेसित कोरोना सक्रमित जुगु खः । अथेतु, यलय् १८९ म्ह व ख्वपय् १२८ म्हेसित कोरोना संक्रमित जूगु दु।

राष्ट्रिय परीक्षा बोर्डं २०७७ सालया माध्यमिक शिक्षा परीक्षा (एसईई)या लिच्वः प्रकाशित यागु दु।

विद्यार्थीपिन्स अध्ययन यागु विद्यालयं हे मूल्यांकनया आधारं बोर्डं प्रमाणित याना लिच्वः प्रकाशन यागु खः । परीक्षा नियन्त्रण कार्यालय कक्षा १० एसईई परीक्षा २०७७ या लिच्वः बोर्डया वेबसाइट, एसएमएस व आईभीआर पाखे स्वये फइ।

बोर्डया २०७७ साल यागु नियमित व ग्रेडवृद्धि परीक्षाया लिच्वः इजी सर्भिस प्रालिपाखे ३४९४९ आकाश टेक प्रालिपाखे ३१००३ व जानकी टेक्नोलोजी प्रालि पाखे ३५००१ य् एसएमएस याना स्वये फइगु व नेपाल टेलिकमपाखे १६०० एनसेलपाखे १६०० य् एसएमएस याना सिइके फइ।

अथेहे बोर्डं २०७७ या एसईई यागु लिच्वः थीथी फर्म व संस्थापाखे तक सार्वजनिक यागु दु। बोर्डया अफिसियल बेवसाइटपाखे, नेपाल टेलिकम, द कन्सेपट प्लस, एडुसञ्जाल, नेपाल टेलिकम, ईकान्तिपुर व एनसेलया वेबसाइटपाखे न सार्वजनिक यागु दु।

राष्ट्रिय परीक्षा बोर्डं कक्षा १२ या परीक्षा स्थगित यायेगु निर्णय यागु दु।

थौं शनिबाः च्वंगु बोर्ड बैठकं वइगु साउन ३१ गते निसे भदौ ९ गते तक जुइत्यंगु कक्षा १२ या परीक्षा स्थगित यागु दु धका शिक्षा मन्त्रालयया सचिव रामप्रसाद थपलियां जानकारी बिगु दु।

कोरोना संक्रमितपि न्हिया न्हिथं अप्वोगु कारण परीक्षा सञ्चालन यायेत थाकुगु धासे स्थगित यानागु धका धागु दु।