येँ महानगरया मेयर विद्यासुन्दर शाक्यं कोविड उपचारया लागि अक्सिजन स्वया सिलिन्डर अभाव जुगुलि संवेदनशील जुइत इनाप यानादीगु दु ।

छगु विज्ञप्ति जारी यानादीसे मेयर शाक्य, ‘थुगु इलय् अस्पतालग् अक्सिजन मखु सिलिन्डरया अभाव जुगु दु । मनू, संस्था व उद्योगपिन्स मागु स्वया अप्वो सिलिन्डर मुकातःगुलि थथे जुगु खः ।

थज्यागु महामारीया इलय विरामीपिन्त मागु  अक्सिजनया आपूर्ति सहजताया लागि मनू व संस्थापिन्स मुका तःगु सिलिन्डर अस्पताल वा सम्बन्धित उद्योगय् बुझे याना ग्वाहालि यायेत इनाप यागु दु ।

कोविड संक्रमण न्युनीकरण, रोकथाम व नियन्त्रणया ज्याय् नाप उपचार पद्धतियात सहज याये मागुलि धका उगु विज्ञप्तिइ धागु दु ।

‘थुगु इलय अस्पतालय् उपचार याना च्वपि विरामीपिन्त प्लाज्मा माःगु दु।उकि लागि प्लाज्मा दान यायेफुपिन्स प्लाज्मा दान बिइत न इनाप यागु दु।’ 

येँ महानगरपालिका वडा १७ य् नं आइसुलेसन वार्ड दयेकेगु ज्या न्ह्याकेत्यःगु दु ।

वडा १७ या अगुवाइ ३० गू वेडया आइसुलेसन वार्ड पुलांगु गोर्खा अस्पतालय्  दयेकात्यनाःगु धका वडा अध्यक्ष नविन मानन्धरं लहनान्युजयात जानकारी बियादिगु दु ।

वडा अध्यक्ष मानन्धरं गोर्खा अस्पतालय्  तयाःगु खः थीथी कारण बन्द जुयाच्वंगुलिं उगु थासय् मत व लःया ब्यवस्था याना आइसुलेसन वार्डयात मागु जनशक्ति तयार याना याकन हे सचालनय् हया आइसुलेसन वार्डया निमांण जुइ धका धयादीगु दु ।

संसद सचिवालय संकलन यागु स्वाब परीक्षणय् ६५ म्हेसित कोरोना भाइरस संक्रमण पुष्टि जूगु दु ।

स्वाब संकलनय् ६१३ म्हेसिगु रिपोर्टय् सांसदपि १४ म्ह व संसदया कर्मचारी, पत्रकार नाप सुरक्षाकर्मीपि याना ६५ म्हेसित संक्रमण पुष्टि जूगु दु ।

प्रधानमन्त्री केपी शर्मा ओलीं विश्वासया मत कायेगु लागि वैशाख २७ गते संसदया विशेष अधिवेशन आह्वान यागु खःर ।

वैशाख २२,२३ व २४ गते संसद भवन न्हुगु वानेश्वरय् स्वाब संकलन यागु खः ।वैशाख २२ गते ६०९ म्ह, २३ गते ५२५ म्ह व २४ गते करिब १०० म्हेसित स्वाब संकलन यागु खः ।

स्वाब बिउप मध्ये अझ न रिपोर्ट वयेगु ल्यः दनि धका संसद सचिवालयं धागु दु।

वंगु २४ घण्टाया दुने स्वनिगलय् कोरोना संक्रमितपि ४ हजार स्वया अप्वोगु दु ।

स्वास्थ्य तथा जनसंख्या मन्त्रालयया कथं स्वनिगः दुने ४ हजार एक सय म्हेसित कोरोना संक्रमण पुष्टि जुगु दु ।

उकि मध्ये ३०८३ म्ह येँ जक सक्रमित पिहावंगु दु ।

अथेहे ३७४ ख्वपय् ३७४ म्ह व यलय् ६४३ म्हेसित कोरोना पुष्टि जूगु दु।