वंगु २४ घण्टाया दुने स्वनिगलय् थप ७०१ म्हेसित कोभिड संक्रमितपि थपे जूगु दु।

थौं येँ जक ४७१ म्हेसित कोरोना सक्रमितपि थपे जूगु दु। अथेहे, ख्वपय् ८३ म्ह व यलय् १४७ म्हेसित संक्रमित जूगु दु।

थ्व नाप येँ जक सक्रिय संक्रमितपि १० हजार १ म्ह थ्यंगु दु सा देयन्यक ३४ हजार ९४२ म्ह थ्यंगु दु।

वंगु २४ घण्टाया दुने देयन्यक थप ३,७२९ म्हेसित कोरोना भाइरस संक्रमण पुष्टि जूगु दु।

९हजार ४९३ म्हेसित पीसीआर परीक्षण यागुलि २ हजार ४३० म्ह व ६ हजार १८२ म्हेसित एन्टिजेन परीक्षण यागुलि १ हजार २९९ म्ह याना ३ हजार ७२९ म्ह कोरोना भाइरसया संक्रमण जुगु दु धका स्वास्थ्य तथा जनसंख्या मन्त्रालयं धागु दु।

अथेहे वंगु २४ घण्टाय् कोरोना संक्रमणं २५ म्ह सीगु दु सा १ हजार ८८५ म्ह कोरोनामुक्त जुगु दु। शुक्रबाः थपे जुगु नाप आःतक नेपालय् कोरोना संक्रमित जूपि ७ लाख १० हजार ५०९ म्ह थ्यंगु दु।

अथेहे आःतक नेपालय् १० हजार १९ म्ह सी धुकुगु दु सा ६ लाख ६५ हजार ५४८ म्ह संक्रमणमुक्त जुइ धुकुगु दु।

राष्ट्रिय सभा सदस्य कोमल वलीं दार्चुला घटनायात सरकारं छगु शब्द तक मन्ववासे कांग्रेसया संस्थापक वीपी कोइरालायात हे अपमान यागु धका टिप्पणी यागु दु।

शुक्रवाः राष्ट्रिय सभा बैठकय् न्ववासे वलीं जयसिंह धामी बेपत्ता प्रकरणय् सरकारं छगु शब्द न्वमवागु व समिति दयकाः चिलावंगु धका आरोप बगिु दु।

वीपी कोइरालां छिमेकी देश भारत व चीननाप तपिक सम्वाद याःगु खँ लुमका थुगु विषय सरकारं भारतनाप खँ ल्ह्यायु मफुगु धइगु वीपीया हे अपमान जुगु धका धागु दु। वर्तमान सरकारं देय् चले याये मफुगु व जनतायात सुरक्षा बिइ मफुगु धका न धागु दु।

‘नेपाली जनताया अपमान जुगुलि, तुइन चाना छम्हेसित स्यात न छगु शब्द न्वमवाः? समिति दयकेगु? थ्व हे वीपीया अनुयायीपिनिगु ?’ वलीं सरकारयात न्ह्यसः तःगु खः।

नेकपा एमाले माधवकुमार नेपाल समूह न पार्टी एकताय् हे बःबिगु दु।

केन्द्रीय सदस्यपिनिगु निन्हु तक न्ह्याःगु उगु बैठकं १० बुँदे सहमतिं एकताया आधार तयार यागु धासे अझ न थप कुतः यायेगु निर्णय यागु दु।