वंगु २४ घण्टाया दुने देयन्यक ३ हजार ८९९ म्हेसित कोरोना संक्रमण पुष्टि जूगु दु।

१२ हजार ६५५ म्हेसिगु पीसीआर परीक्षण यागुलि २ हजार ७२६ म्ह व ४ हजार ८६३ म्हेसिगु एन्टिजेन परीक्षण यागुलि १ हजार १७३ याना ३ हजार ८९९ म्हेसित कोरोना भाइरसया संक्रमण खनेदुगु धका स्वास्थ्य तथा जनसंख्या मन्त्रालयं धागु दु।

अथेहे वंगु २४ घण्टाय् कोरोना संक्रमण जूया २० म्ह सीगु दु। अथेहे १ हजार ७७८ म्ह कोरोनामुक्त जूगु दु।

मंगलबाः थपे जूपि नाप नेपालय् कोरोना संक्रमित जूपि आः ६ लाख ८५ हजार ५७३ म्ह थ्यंगु दु। उकि मध्ये ९ हजार ७५८ म्ह सी धुकुगु दु सा ६ लाख ४७ हजार ७९ म्ह संक्रमणमुक्त जुइ धुकुगु दु।

मेगा बैंक नेपाल व नेपाल सरकारया नागरिक एप दथुइ सहकार्य याइगु जुगु दु।

नागरिकपिनिगु ल्हात ल्हातं हे सरकारी सेवा उपलब्ध यायेगु उद्देश्यं सरकार सार्वजनिक यागु नागरिक एपनाप बैंकं सहकार्य यायेत्यंगु खः।

डिजिटल नेपाल फ्रेमवर्क अन्तर्गत थुगु सरकारं महत्वपूर्ण ज्याझ्वः जुगुलि बैंकया ग्वाहालि जुइलि हरेक नागरिकयात प्रविपिाखे सरकारी सेवा याउक मोबाइलपाखे कायेफइगु व्यवस्था यानागु दु धका धागु दु।

बैंकया डिजिटल एन्ड ईबैंकिङ विभाग प्रमुखया कथं नागरिक एपया छ्यला याउक खाता खोले यायेफइ। नाप, नागरिक एप छ्यला बैंकया ग्राहकपिन्स प्रविधिपाखे सरकारी सेवा याउक काये फइ धका धागु दु।

थौं लुँया भाः स्वसः कुहावंगु दु।

लुँ तोलां स्वसः कुहावया ९१ हजार ८ सय रुपैयाँ कारोबार जुगु दु धका नेपाल सुनचाँदी व्यवसायी महासङ्घं धागु दु।

अथेहे वहःया भाः धासा थौं स्थिर जुगु दु। थौं वहः तोलाया १२ सय ७० रुपैयाँ हे बिक्री जुयाच्वंगु दु।

मानुषी लघुवित्त वित्तीय संस्था लिमिटेडं साउन २७ गतेनिसे आईपीओ बिक्री याइगु जुगु दु। कम्पनीं ३ लाख ९३ हजार ७५० कित्ता आईपीओ निष्कासन यायेत्यंगु खः।

कुल मध्ये ५ हजार ४६९ कित्ता लघुवित्तया कर्मचारी, १९ हजार ६८८ कित्ता सामुहिक लगानी कोष व बाँकी दुुगु ३ लाख ६८ हजार ५९३ कित्ता सर्वसाधारणया लागि निष्कासन यायेत्यंगु खः। आईपीओ साउन २७ गतेनिसे ३१ गते तक आवेदन बिइ फइ जुगु दु।

उगु इलय् आईपीओ बिक्री मजूसा भदौ ९ गते तक आवेदन बिइ फइगु जुगु दु। लगानीकर्तां न्यूनतम १० निसे अप्वो १ हजार कित्ता तक आवेदन बिइफइ। धितोपत्र बोर्डपाखे स्वीकृति जूग्ु दक्को आस्बा सदस्य बैंक वा वित्तीय संस्था, मेरो सेयरपाखे न आईपीआय् आवेदन बिइफइ।

लघुवित्तं आईपीओ बिक्री प्रबन्धकया लागि नेपाल एसबीआई मर्चेण्ट बैंकिङ लिमिटेड ल्यंगु दु। आःतक कम्पनीं चुक्ता पुँजी ७ करोड दु। आईपीओ बाँडफाँट लिपा पुँजी १० करोड ९३ लाख थ्यंगु दु।

साउन २० गतेनिसे सानिमा लाइफ इन्स्योरेन्सं आईपीओ बिक्री याइगु जुगु दु।

कम्पनीें १०० रुपैयाँ अंकित दरया ६० करोड रुपैयाँ बराबरया ६० लाख कित्ता आईपीओे निष्कासन यायेत्यंगु दु। ६० लाख कित्ता सेयरमध्ये ५ प्रतिशतया ३ लाख कित्ता कर्मचारीपिन्त व मेगु ५ प्रतिशत सामूहिक लागानी कोषयात छुटे यागु दु।

वया लिपा बाँकी ५४ लाख कित्ता सेयरया लागि सर्वसाधारणं आवेदन बिइ फइगु जुगु दु। इन्स्योरेन्सं कुल जारी पुँजीया ३० प्रतिशत सेयर आईपीओपाखे बिक्री यायेत्यंगु खः। आईपीओ साउन २० गतेनिसे २४ गते तक आवेदन बिइ फइगु जुगु दु।

उगु इलय् आईपीओ बिक्री मजूसा भदौ २ गते तक आवेदन बिइत म्याद दु। निवेदकं न्यूनतम १० कित्तानिसे ३० हजार कित्ता तक आईपीओया लागि आवेदन बिइफइ।