गण्डकी प्रदेशय् कोरोना भाइरस (कोभिड–१९) संक्रमणं थप ८ म्ह मन्त।

गण्डकी प्रदेश कोरोना नियन्त्रण तथा रोकथाम कार्यक्रमया प्रवक्ता डा. विनोद विन्दु शर्माया कथं होमआइसोलेसनय् च्वनाच्वपि पोखराया थीथी थासय् च्वगु अस्पतालय् उपचारयाना च्वपि कास्की न्याम्ह, पर्वत, दाङ व रुपन्देहीइ छम्ह छम्ह याना जम्मा ८ म्ह सी धुकगु दु धका धागु दु।

हङकङय् नेपालपाखे वनिइगु हवाई उडानय् रोक लगे यागु दु ।

म्हिगः १ मे शनिवाःनिसे लागु जुइ कथं हङकङं येँपाखे जुइगु उडानय् रोक लगे यागु दु धको सिन्ह्वा नेट डटकमं धागु दु।

नेपाल एयरलाइन्सया प्रवक्ता करिष्मा श्रेष्ठया कथं हङकङपाखे रोक लगे यागु दुगुलि निर्धारित उडान तक रद्द जुइ धका धागु दु।

औपचारिक पौं धासा मवनि उडान हे याये दइ मखु धका निर्णय सार्वजनिक जुगुलि उगु कथं हे ज्या जुइ धका धागु दु।

हङकङं थ्व स्वया न्ह्यः भारत, पाकिस्तान व फिलिपिन्सया जहाज उडान न रोके याये धुकुगु खः ।

मुख्यमन्त्री शंकर पोखरेलं थःगु पदपाखे बिगु राजीनामा स्वीकृत जुुगु दु। प्रदेश प्रमुख धर्मनाथप्रसाद यादवं मुख्यमन्त्री पोखरेलं बिगु राजीनामा स्वीकृत यागु दु ।

प्रदेश प्रमुख कार्यालयया प्रवक्ता चिरञ्जीवी पौडेलं जारी यागु विज्ञप्तिइ मुख्यमन्त्री बिगु राजीनामा प्रदेश प्रमुखं स्वीकृत यागु दु व मेगु सरकार गठन मजुतले थुगु मन्त्रिपरिषदं कार्यभार सञ्चालन यायेत न धागु दु ।

राजीनामाय् मुख्यमन्त्रीं थः संविधानया धारा १६८ या २ बमोजिम नियुक्त जुयागु खः व धारा १७९, १ या ‘क’ कथं न्हुगु सरकार गठनया लागि मार्ग प्रशस्त यायेत राजीनामा बियागु धका उल्लेख यासे विज्ञप्तिइ धयातगु दु।

मुख्यमन्त्री पोखरेलविरुद्धया अविश्वास प्रस्ताव दर्ता जुगु खः। थौं हे मुख्यमन्त्री पोखरेलविरुद्धया अविश्वास प्रस्तावय् थौं न्हिनय् १ बजे प्रदेश सभाय् छलफल जुइगु कार्यसूची दु ।

लुम्बिनी प्रदेशया मुख्यमन्त्री शंकर पोखरेलं थःगु पदपाखे राजीनामा बिगु दु ।

वयकलं थौं आइतवाः सुथय् प्रदेश प्रमुख धर्मनाथ यादवयात नाप लाना राजीनामा पौ लल्हानादीगु खः।

न्हुगु सरकार गठनया लागि मार्गप्रशस्त दु धका धयादीसे  मुख्यमन्त्री पोखरेलं राजीनामा बिगु दु धका वयकःया प्रेस सहयोगी शेरबहादुर केसीं जानकारी बिगु दु।

मुख्यमन्त्री पोखरेल विरुद्ध नेपाली कांग्रेस, नेकपा (माओवादी केन्द्र) व जनता समाजवादी पार्टी (जसपा) न अविश्वास प्रस्ताव दर्ता यागु खः ।

मुख्यमन्त्री पोखरेलया बिरुद्ध अविश्वास प्रस्ताव थौं प्रदेशसभाय् पेस याये त्यःगु खः।

पत्रकारपिन्स निषेधाज्ञाया समाचार संकलन यायेगु लागि आः सूचना विभागया प्रेस पास अनिवार्य मागु जुगु दु ।

कोभिड–१९ संकट व्यवस्थापन केन्द्र (सीसीएमसी) नं सूचना विभागया प्रेस पासं जक पत्रकारपिन्त लँय् वने दइगु निर्णय यागु दु ।

थ्व स्वया न्ह्यः निषेधाज्ञाउा इलय् समाचार संकल यायेत पत्रकारपिन्स सम्बन्धित मिडिया हाउसया पास आधारय् लँय् जुइ धइगु यागु खः।

अथेहे स्वनिगःपिने निषेधाज्ञा यागु जिल्लाया हकय् धासा सूचना विभाग मदुपिन्त प्रेस पास प्रमुख जिल्ला अधिकारी हे मेगु अस्थायी पासया व्यवस्था मिले यागु दु ।